ນະຄອນໂຮ່ຈີມິນ ສສ.ຫວຽດນາມ ຍູ້ແຮງການຮ່ວມມືກັບ ນະຄອນ Daegu ສ.ເກົາຫຼີ
	ໜູນຊ່ວຍວັດຖຸໃຫ້ກໍາລັງປະກອບອາວຸດ ແລະປະຊາຊົນປະເທດເພື່ອນມິດລາວ ທີ່ຖືກຜົນສະທ້ອນຈາກພະຍາດໂຄວິດ-19

ທ່ານ ນາງ ຫງວຽນເຟືອງງາ ປະທານ VUFO ໄດ້ໃຫ້ການຕ້ອນຮັບທ່ານ Qamar Abbas Khokhar, ອຸປະທູດຊົ່ວຄາວສະຖານທູດປາກິດສະຖານ ປະຈຳ ຫວຽດນາມ.

ວັນທີ 15 ກັນຍາ, ທີ່ສຳນັກງານໃຫຍ່ສະຫະພັນບັນດາອົງການມິດຕະພາບຫວຽດນາມ (VUFO), ທ່ານນາງ ຫງວຽນເຟືອງງາ ປະທານ VUFO ໄດ້ໃຫ້ການຕ້ອນຮັບທ່ານ Qamar Abbas Khokhar, ອຸປະທູດຊົ່ວຄາວສະຖານທູດປາກິດສະຖານ ປະຈຳ ຫວຽດນາມ.

ກ່າວຄຳເຫັນທີ່ພິທີຕ້ອນຮັບ, ທ່ານນາງ ຫງວຽນເຟືອງງາ ປະທານVUFO ໄດ້ຢືນຢັນ: ສະຫະພັນບັນດາອົງການມິດຕະພາບຫວຽດນາມ ຍາມໃດກໍ່ຖືເປັນສໍາຄັນການພັດທະນາການພົວພັນກັບປາກິດສະຖານ ແລະ ບັນດາປະເທດເພື່ອນມິດຢູ່ອາຊີໃຕ້, ຮັບໃຊ້ຜົນປະໂຫຍດຕົວຈິງຂອງປະຊາຊົນສອງປະເທດເພື່ອສັນຕິພາບ, ສະຖຽນລະພາບ ແລະ ຄວາມຈະເລີນຮຸ່ງເຮືອງໃນພາກພື້ນ ແລະ ໃນໂລກ.

ສ່ວນທ່ານ Qamar Abbas Khokhar, ອຸປະທູດຊົ່ວຄາວສະຖານທູດປາກິດສະຖານ ປະຈຳ ຫວຽດນາມ ໄດ້ຕີລາຄາສູງຕໍ່ບັນດາຜົນງານການພັດທະນາຂອງຫວຽດນາມ ແລະ ຖືວ່າສອງປະເທດຍັງມີຄວາມສາມາດບົ່ມຊ້ອນການຮ່ວມມືຢ່າງຫຼວງຫຼາຍ, ພ້ອມກັນນັ້ນກໍ່ຕ້ອງສືບຕໍ່ເພີ່ມທະວີການຮ່ວມມືລະຫວ່າງສອງປະເທດ, ໂດຍສະເພາະແມ່ນໃນຂົງເຂດການທູດຂອງປະຊາຊົນ.

ທ່ານ Qamar Abbas Khokhar, ອຸປະທູດຊົ່ວຄາວສະຖານທູດປາກິດສະຖານ ປະຈຳ ຫວຽດນາມ ມອບຂອງທີ່ລະລຶກໃຫ້ແກ່ທ່ານ ນາງ ຫງວຽນເຟືອງງາ ປະທານ VUFO.

ທ່ານ Qamar Abbas Khokhar ກໍ່ຢືນຢັນວ່າຈະເຮັດຈົນສຸດຄວາມສາມາດຂອງຕົນເພື່ອປະກອບສ່ວນເຂົ້າໃນການພັດທະນາສາຍພົວພັນມິດຕະພາບ ແລະ ການຮ່ວມມືທີ່ເປັນມູນເຊື້ອລະຫວ່າງສອງປະເທດໃຫ້ນັບມື້ນັບແໜ້ນແຟ້ນຍິ່ງຂຶ້ນ.

ທີ່ການພົບປະ, ສອງຝ່າຍໄດ້ປຶກສາຫາລືກ່ຽວກັບບັນຫາຕ່າງໆທີ່ກ່ຽວຂ້ອງກັບການສ້າງຕັ້ງບັນດາກຸ່ມມິດຕະພາບ - ເຊິ່ງກາຍເປັນບັນດາຂົວຕໍ່ໃນການຮ່ວມມືໃນທຸກຂົງເຂດ. ຈາກນັ້ນ, ມຸ່ງໄປເຖິງການພັດທະນາບັນດາການເຄື່ອນໄຫວການພົບປະແລກປ່ຽນດ້ານປະຊາຊົນ, ມຸ່ງໄປເຖິງການສ້າງຕັ້ງສະມາຄົມມິດຕະພາບລະຫວ່າງສອງປະເທດ.

ທີ່ການພົບປະ, ສອງຝ່າຍຍັງສະແດງຄວາມຫວັງວ່າບັນດາການເຄື່ອນໄຫວເພື່ອຊຸກຍູ້ການພົບປະແລກປ່ຽນດ້ານປະຊາຊົນສອງປະເທດຈະໄດ້ຮັບການເພີ່ມທະວີໃນໄລຍະຈະມາເຖິງ.

ນັກຊ່ຽວຊານສາກົນ ຕີລາຄາສູງບົດບາດນໍາພາຂອງຫວຽດນາມ ໃນການແກ້ໄຂບັນດາບັນຫາພາກພື້ນ ຫວຽດນາມ ໃນບົດບາດເປັນປະທານອາຊຽນ 2020, ໄດ້ນໍາພາອາຊຽນໃຫ້ບຸລິມະສິດແຖວໜ້າຖືກຕ້ອງກັບການຮັບມືກັບພະຍາດໂຄວິດ-19. ນອກຈາກການປ້ອງກັນ, ຕ້ານພະຍາດໂຄວິດ-19 ແລ້ວ, ອາຊຽນ ໂດຍຫວຽດນາມ ນໍາພາຍັງໄດ້ເອົາໃຈໃສ່ຕໍ່ການຮ່ວມມືພັດທະນາເສດຖະກິດ-ການຄ້າ.

ນັກຮຽນຮ່າໂນ້ຍ ຕື່ນເຕັ້ນແຕ້ມພາບ “ຫວຽດນາມ-ກູບາ ແຫ່ງນ້ຳໃຈສາມັກຄີ” ຍສໝ - ວັນທີ 14 ກັນຍາ, ຢູ່ໂຮງຮຽນປະຖົມຫວຽດນາມ - ກູບາ (ຮ່າໂນ້ຍ), ສູນກາງຄະນະຊາວໜຸ່ມກອມມູນິດໂຮ່ຈີມິນ ໄດ້ປຸກລະດົມການເສັງແຕ້ມພາບ “ຫວຽດນາມ-ກູບາ ແຫ່ງນ້ຳໃຈສາມັກຄີ”.

ແຂວງແຄງຮ່ວາ, ດັກລັກ, ບິ່ງເຢືອງ ໄດ້ມອບເງິນຈຳນວນ 1 ຕື້ດົ່ງ ເພື່ອສະໜັບສະໜູນ ນະຄອນປາກເຊ, ແຂວງ ຈຳປາສັກ (ລາວ) ໃນການປັບແປງຕົກແຕ່ງຕົວເມືອງ ຍສໝ - ໃນໄລຍະທີ່ຜ່ານມາ, ຜ່ານບັນດາການເຄື່ອນໄຫວຮ່ວມມືກ່ຽວກັບການແລກປ່ຽນຄະນະຜູ້ແທນ, ການສະໜັບສະໜູນ ດ້ານການສຶກສາ, ຍຸຕິທຳ, ການພົວພັນມິດຕະພາບ ແລະ ການຮ່ວມມື ລະຫວ່າງບັນດາແຂວງ ແຄງຮ່ວາ, ດັກລັກ, ບິ່ງເຢືອງ ແລະ ບັນດາທ້ອງຖິ່ນຕ່າງໆຂອງລາວນັບມື້ນັບ ໄດ້ຮັບການປັບປຸງ ແລະ ພັດທະນາ, ຕອບສະໜອງຄວາມຕ້ອງການຕົວຈິງຂອງທັງສອງຝ່າຍ.