WHO ເລັ່ງທວງ ບັນ​ດາ​ປະ​ເທດ​ບຸ​ລິ​ມະ​ສິດ​ການ​ຕ້ານ​ໂລກ​ລະ​ບາດ​ຢູ່​ແຖວ​ໜ້າ
	ພິ​ທີ​ເຊັນ​ຂໍ້​ຕົກ​ລົງ​ການ​ຄ້າ​ໄລ​ຍະ 1 ລະ​ຫວ່າງ ອາ​ເມ​ລິ​ກາ ແລະ ຈີນ ຈະ​ດຳ​ເນີນ​ໃນ​ວັນ​ທີ 15 ມັງ​ກອນ 2020 ຢູ່ ທຳ​ນຽບ​ຂາວ

ທ່ານ Donal Trump ປະທານາທິບໍດີອາເມລິກາສະແດງຄວາມຂອບໃຈຫວຽດນາມ

ເມື່ອບໍ່ດົນມານີ້, ທ່ານ Donal Trump ປະທານາທິບໍດີອາເມລິກາໄດ້ແຈ້ງໃຫ້ຊາບວ່າເຄື່ອງນຸ່ງປ້ອງກັນ 450.000 ຊຸດທີ່ໄດ້ສົ່ງໄປໃຫ້ອາເມລິກາດ້ວຍການສົມທົບລະຫວ່າງຫວຽດນາມແລະສອງບໍລິສັດຂົນສົ່ງ Dupon ແລະ FedEx ຂອງອາເມລິກາໄດ້ໄປຮອດອາເມລິກາແລ້ວ. ພ້ອມທັງ ກໍ່ສະແດງຄວາມຂອບໃຈຫວຽດນາມທີ່ໄດ້ໜູນຊ່ວຍອາເມລິກາໃນຄັ້ງນີ້.

ການຂົນສົ່ງອຸປະກອນຖ້ຽວທໍາອິດລວມມີຊຸດປ້ອງກັນ DuPont 450.000 ຊຸດ ໄດ້ອອກຈາກຮ່າໂນ້ຍ ສົ່ງໄປຍັງ ອາເມລິກາ ແຕ່ວັນທີ 7 ເມສາ. ກະຊວງສາທາລະນະສຸກ ແລະບໍລິການມະນຸດອາເມລິກາ ໄດ້ລົງນາມໃນສັນຍາກັບກຸ່ມບໍລິສັດສົ່ງເມດ່ວນ FedEx (ອາເມລິກາ) ເພື່ອແນໃສ່ຂົນສ່ົງຊຸດປ້ອງກັນດັ່ງກ່າວໄປເຖິງສາງສະສົມຍຸດທະສາດແຫ່ງຊາດອາເມລິກາ ໂດຍໄວ, ແກ້ໄຂຄວາມຕ້ອງການຢ່າງຮີບດ່ວນກ່ຽວກັບອຸປະກອນປ້ອງກັນຕົນເອງໃຫ້ແກ່ບັນດາພາລະກອນພວມຮັບມືກັບພະຍາດ Covid-19 ຢູ່ ອາເມລິກາ.

ທ່ານ Daniel Kritenbrink ເອກອັກຄະລັດຖະທູດອາເມລິກາ ປະຈໍາຫວຽດນາມ ໃຫ້ຮູ້ວ່າ ການຂົນສົ່ງອຸປະກອນຖ້ຽວນີ້ຈະຊ່ວຍປົກປ້ອງບັນດານັກຊ່ຽວຊານດ້ານການແພດທີ່ພວມເຮັດວຽກຢູ່ດ່ານໜ້າໃນການຕ້ານພະຍາດ ໂຄວິດ-19 ຢູ່ອາເມລິກາ ແລະເປັນພະຍານຫຼັກຖານທີ່ສະແດງໃຫ້ເຫັນກໍາລັງແຮງຂອງສາຍພົວພັນຄູ່ຮ່ວມມືລະຫວ່າງອາເມລິກາ-ຫວຽດນາມ.

ໜັງສືພິມອາເມລິກາ “The Diplomat” ໄດ້ຄັດສະເໜີຂໍ້ມູນຂ່າວຂອງກະຊວງການຕ່າງປະເທດຫວຽດນາມ ໃຫ້ຮູ້ວ່າ ວັນທີ 7 ເມສາ ຫວຽດນາມ ໄດ້ມອບຜ້າອັດປາກ 550.000 ອັນໃຫ້ແກ່ 5 ປະເທດເອີລົບ ເພື່ອໜູນຊ່ວຍບັນດາປະເທດເຫຼົ່ານີ້ຕໍ່ສູ້ກັບໂລກລະບາດໂຄວິດ-19. ຕາມໜັງສືພິມດັ່ງກ່າວແລ້ວ, ນີ້ແມ່ນບັນດາຜ້າອັດປາກຂ້າເຊື້ອ ແລະໄດ້ມອບໃຫ້ເອກອັກຄະລັດຖະທູດບັນດາປະເທດ: ຝະລັ່ງ, ເຢຍລະມັນ, ອີຕາລີ, ແອັດສະປາຍ ແລະອັງກິດ ຢູ່ຮ່າໂນ້ຍ.

ນັບແຕ່ເມື່ອເກີດວິກິດການນີ້, ສູນກວດກາແລະສະກັດກັ້ນໂລກລະບາດອາເມລິກາ (CDC) ແລະອົງການພັດທະນາສາກົນອາເມລິກາ (USAID) ໄດ້ສົມທົບກັບເຈົ້າໜ້າທີ່ຫວຽດນາມເພື່ອເຝົ້າລະວັງແລະຮັບມືກັບສະພາບການຜັນແປຂອງໂລກລະບາດCovid-19.

WHO ເລັ່ງທວງ ບັນ​ດາ​ປະ​ເທດ​ບຸ​ລິ​ມະ​ສິດ​ການ​ຕ້ານ​ໂລກ​ລະ​ບາດ​ຢູ່​ແຖວ​ໜ້າ ຍສໝ - ໃນວັນທີ 6 ມີນາ ອົງການອະນາໄມໂລກ (WHO) ໄດ້ສະເໜີໃຫ້ທຸກໆປະເທດໃນໂລກວາງເປົ້າໝາຍສະກັດກັ້ນ, ຕ້ານໂລກລະບາດ Covid – 19 ຢູ່ແຖວໜ້າ. ຄຽງຄູ່ກັນນັ້ນ, WHO ກໍ່ໄດ້ສະເໜີໃຫ້ບັນດາປະເທດຈຳກັດການໂຕ້ຖຽງກັນ, ສຸມໃສ່ເຂົ້າການຄວບຄຸມໂລກລະບາດ.

ອາ​ເມ​ລິ​ກາ ຢັ້ງ​ຢືນ​ຖື​ການ​ຮ່ວມ​ມ​ື​ກັບ​ອາ​ຊຽນເປັນ​ສຳ​ຄັນ ທີ່ກອງປະຊຸມຄັ້ງທີ 11 ຄະນະກຳມະການຮ່ວມມືລວມ (JCC) ລະຫວ່າງອາຊຽນ - ອາເມລິກາ ຊຶ່ງຈັດຂຶ້ນໃນວັນທີ 14 ກຸມພາ, ຢູ່ ຈາກາຕາ ປະເທດ ອິນໂດເນເຊຍ, ອາເມລິກາຢັ້ງຢືນວ່າ ຖືການຮ່ວມມືກັບອາຊຽນເປັນສຳຄັນ ແລະ ທີ່ຕັ້ງສຳຄັນຂອງ ອາຊຽນໃນຍຸດທະສາດ ອິນເດຍ - ປາຊີຟິກ.

ປັດ­ຈຸ­ບັນ​ໂຮງ​ໄຟ­ຟ້າ​ທີ່​ໄດ້​ດຳ­ເນີນ​ການ​ຜະ­ລິດ​ຢູ່​ລາວ​ມີ​ທັງ​ໝົດ 75 ໂຄງ­ການ​ໃນ​ຂອບ​ເຂດ​ທົ່ວ​ປະ­ເທດ ກົມ​ຄຸ້ມ​ຄອງ​ພະ­ລັງ­ງານ ກະ­ຊວງ​ພະ­ລັງ­ງານ ແລະ ບໍ່​ແຮ່ ຈັດ​ກອງ​ປະ­ຊຸມ​ຖອດ​ຖອນ​ບົດ­ຮຽນ​ການ​ຄຸ້ມ​ຄອງ​ແລະ ດຳ­ເນີນ​ທຸ­ລະ​ກິດ​ບໍ­ລິ­ການ​ກໍ່­ສ້າງ ແລະ ຕິດ​ຕັ້ງ​ໄຟ­ຟ້າ​ປະ­ຈຳ​ປີ 2019 ຂຶ້ນ​ວັນ​ທີ 28-29 ມັງ­ກອນ 2020 ທີ່​ລັດ​ວິ​ສາ​ຫະ​ກິດ​ໄຟ­ຟ້າ​ລາວ ເປັນ​ປະ­ທານ​ຂອງ​ທ່ານ ບົວ​ເທບ ມາ­ໄລ​ຄຳ ວ່າ­ການ​ຫົວ­ໜ້າ​ກົມ​ຄຸ້ມ​ຄອງ​ພະ­ລັງ­ງານ ມີ​ທ່ານ ຄຳ​ມະ­ນີ ອິນ​ທິ​ລາດ ລັດ­ຖະ­ມົນ­ຕີ​ກະ­ຊວງ​ພະ­ລັງ­ງານ ແລະ ບໍ່​ແຮ່ ...