 |
| ພາບປະກອບ |
ທ່ານນາງ ຟ້າມທິແທງຈ່າ, ລັດຖະມົນຕີກະຊວງພາຍໃນ ຫວຽດນາມ, ກຳມະການສະພາເລືອກຕັ້ງແຫ່ງຊາດ ຫາກໍ່ລົງນາມໃນເອກະສານແນະນຳວິຊາສະເພາະວຽກງານການເລືອກຕັ້ງສະມາຊິກສະພາແຫ່ງຊາດຊຸດທີ XV ແລະ ສະມາຊິກສະພາປະຊາຊົນທຸກຂັ້ນ ອາຍຸການ 2021 – 2026 ໃນສະພາບການຜັນແປຢ່າງສັບສົນຂອງໂລກລະບາດໂຄວິດ 19. ສະເຫນີໃຫ້ຄະນະກຳມະການເລືອກຕັ້ງບັນດາແຂວງ, ນະຄອນຂຶ້ນກັບສູນກາງ ຕິດຕາມໃກ້ຊິດ ແລະ ຜັນຂະຫຍາຍການປະຕິບັດບັນດາເອກະສານຊີ້ນຳກ່ຽວກັບບັນດາມາດຕະການປ້ອງກັນ ສະກັດກັ້ນໂລກລະບາດໂຄວິດ 19 ເພື່ອຈັດຕັ້ງການເລືອກຕັ້ງໃຫ້ເໝາະສົມ, ທັງຮັບປະກັນໃຫ້ການເລືອກຕັ້ງດຳເນີນຖືກຕາມການກຳນົດຂອງກົດໝາຍ ທັງຕອບສະຫນອງຄວາມຮຽກຮ້ອງຕ້ອງການຂອງວຽກງານການປ້ອງກັນສະກັດກັ້ນໂລກລະບາດ.
ໃນເຫດການທີ່ກ່ຽວຂ້ອງ, ຫວ່າງແລ້ວນີ້, ກະຊວງຕຳຫຼວດ ຫວຽດນາມ ໄດ້ຈັດກອງປະຊຸມທົ່ວກອງທັບທາງອອນລາຍ ປຸກລະດົມອອກເຄື່ອນພົນເພື່ອປ້ອງກັນຄວາມສະຫງົບ ກ່ອນຈັດຕັ້ງວັນເລືອກຕັ້ງສະມາຊິກສະພາແຫ່ງຊາດຊຸດທີ XV ແລະ ສະພາປະຊາຊົນທຸກຂັ້ນອາຍຸການ 2021 – 2026. ຕີລາຄາສູງຄວາມເປັນເຈົ້າການຂອງກຳລັງຕຳຫຼວດປະຊາຊົນ ແລະ ບັນດາກຳລັງ ໃນການຮັບປະກັນວຽກງານປ້ອງກັນຄວາມສະຫງົບ,ຄວາມເປັນລະບຽບຮຽບຮ້ອຍ, ຄວາມປອດໄພໃນວັນເລືອກຕັ້ງ, ທ່ານ ປະທານສະພາແຫ່ງຊາດ, ປະທານສະພາເລືອກຕັ້ງແຫ່ງຊາດ ເວືອງດິ່ງເຫ້ວ ໄດ້ສະເໜີໃຫ້ ກະຊວງຕຳຫຼວດສືບຕໍ່ສ້າງບັນດາວິທີການ, ແຜນການປ້ອງກັນການເລືອກຕັ້ງ ໃຫ້ສົມບູນແບບ, ພ້ອມແລ້ວທີ່ຈະແກ້ໄຂບັນດາກໍລະນີເກີດຂຶ້ນໃໝ່, ໃນນັ້ນມີກໍລະນີ ຈັດຕັ້ງການປ່ອນບັດເລືອກຕັ້ງຢູ່ເຂດແຍກຕົວທີ່ສັບສົນ ຍ້ອນໂລກລະບາດໂຄວິດ - 19. ທ່ານກ່າວວ່າ: ເພີ່ມທະວີການປ້ອງກັນຄວາມສະຫງົບ, ຄວາມເປັນລະບຽບຮຽບຮ້ອຍໃນບັນດາຂົງເຂດ, ຈຸດສຸມແມ່ນຮັບປະກັນຄວາມສະຫງົບດ້ານການເມືອງພາຍໃນ, ຄວາມສະຫງົບທາງສັງຄົມ, ຄວາມສະຫງົບຢູ່ບັນດາບໍລິເວນຍຸດທະສາດ ແລະ ຈຸດສຸມ, ຄວາມສະຫງົບເຂດຊາຍແດນ. ຍູ້ແຮງການ ປາບປາມອາດຊະຍາກຳປະເພດຕ່າງໆ, ບໍ່ປະໃຫ້ບັນດາອິດທິກຳລັງທີ່ເປັນປໍລະປັກ, ປະຕິການ, ບຸກຄົນທີ່ບໍດີສວຍໃຊ້ເຮັດໃຫ້ຂາດຄວາມສະຫງົບ, ຄວາມເປັນລະບຽບຮຽບຮ້ອຍ, ກໍ່ຜົນກະທົບຕໍ່ການກະກຽມ, ຈັດຕັ້ງການເລືອກຕັ້ງ.
 | ການໜູນຊ່ວຍຊາວຫວຽດນາມ ອາໄສຢູ່ກຳປູເຈຍ ພວມປະຕິບັດການແຍກຕົວເພື່ອປ້ອງກັນ, ສະກັດກັ້ນໂລກລະບາດໂຄວິດ - 19 ທີ່ການເຮັດວຽກກັບອຳນາດການປົກຄອງ ແລະ ກຳລັງຜັນຂະຫຍາຍປະຕິບັດການແຍກຕົວຕາແສງ Prey Tamlop, ຄະນະປະຕິບັດງານ ໄດ້ສະເໜີໃຫ້ຜູ້ຕາງໜ້າອຳນາດການປົກຄອງແຂວງ Kandal ສ້າງເງື່ອນໄຂສະດວກກ່ວາອີກໃຫ້ແກ່ປະຊາຊົນ, ໃນນັ້ນມີພໍ່ແມ່ປະຊາຊົນເຊື້ອຊາດຫວຽດນາມ. |
 | ທ່ານຮອງນາຍົກລັດຖະມົນຕີ ຫວູດຶກດາມ ເປັນປະທານກອງປະຊຸມ ຄະນະຊີ້ນຳແຫ່ງຊາດກ່ຽວກັບການປ້ອງກັນ, ສະກັດກັ້ນໂລກລະບາດໂຄວິດ - 19 ຍສໝ - ຕາມຄະນະຊີ້ນຳແຫ່ງຊາດກ່ຽວກັບການປ້ອງກັນ, ສະກັດກັ້ນໂລກລະບາດໂຄວິດ - 19 ແລ້ວ, ໄລ່ຮອດເວລາ 18 ໂມງຂອງວັນທີ 7 ທັນວາ ຫວຽດນາມ ໄດ້ຢັ້ງຢືນມີຜູ້ຕິດເຊື້ອພະຍາດໂຄວິດ - 19 ແມ່ນຜູ້ເຂົ້າເມືອງທີ່ມາຈາກລັດເຊຍຢູ່ດ່ານັ້ງ ແລະ ໄດ້ຮັບການແຍກຕົວໃນທັນທີ. |
 | ອາເມລິກາ ໄດ້ມອບເຄື່ອງຊ່ວຍຫາຍໃຈຈຳນວນ 100 ເຄື່ອງ ທີ່ຫາກໍ່ຜະລິດໃຫ້ ຫວຽດນາມ ເພື່ອໜູນຊ່ວຍເຂົ້າໃນວຽກງານປ້ອງກັນ, ສະກັດກັ້ນໂລກລະບາດໂຄວິດ - 19 ຍສໝ - ບັນດາໂຄງການ, ໂຄງການຮ່ວມມືຫວຽດນາມ - ອາເມລິກາ ໄດ້ຮັບການປະຕິບັດຢ່າງມີປະສິດທິຜົນ, ຄົບຊຸດ ແລະໝັ້ນຄົງ, ໄດ້ ແລະພວມຈະປະກອບສ່ວນຢ່າງຕັ້ງໜ້າເຂົ້າໃນການປົກປ້ອງ, ເບິ່ງແຍງສຸຂະພາບຂອງປະຊາຊົນຫວຽດນາມ. |
ໄຊພອນ
