 |
ຮ້ານອາຫານ Vietfood.
ປະຈຸບັນ ມີຄົນຫວຽດນາມ 70.000 ຄົນ ແລະ ຫຼາຍກ່ວາ 30.000 ຄົນເຊື້ອສາຍຫວຽດນາມ ກຳລັງດຳລົງຊີວິດ ແລະ ດຳເນີນທຸລະກິດຢູ່ ສປປ ລາວ. ສ່ວນໃຫຍ່ພວກເຂົາເລົ່ານັ້ນລ້ວນແລ້ວແຕ່ມີຊີວິດການເປັນຢູ່ ຂ້ອນຂ້າງດີ ແລະໜັ້ນຄົງ. ນັບຕັ້ງແຕ່ກຳມະກອນ, ແມ່ຄ້າຊາວຂາຍນ້ອຍໃຫຍ່, ຫຼາຍຄົນກໍ່ຫາກໍ່ລິເລີ່ມອາຊີບ, ບາງຄົນກໍ່ກາຍເປັນນັກທຸລະກິດທີ່ປະສົບຄວາມສຳເລັດພາຍຫຼັງແຫ່ງຄວາມດຸໝັ່ນ ແລະ ພຽນພະຍາຍາມທຳມາຫາກິນ.
ທ່ານ ຫງວ໋ຽນວັນກຸ໋ຍ ຫງ໋ອກ - ປະທານກຳມະການບໍລິຫານ ບໍລິສັດ AEC ບ້ານເກີດຢູ່ ນະຄອນເຫວ້. ຊີວິດທຸກຍາກລຳບາກຈຳຕ້ອງອອກຈາກບ້ານເກີດເມືອງນອນ ໄປຊອກຫາວຽກເຮັດງານທຳ ຢູ່ ສປປ ລາວ ໃນປີ 1992. ຄວາມຫຍຸ້ງຍາກທຳອິດແມ່ນບໍ່ຮູ້ພາສາ, ວັດທະນະທຳມີຄວາມແຕກຕ່າງໄດ້ເລີ່ມຄ່ອຍພົ້ນຜ່ານໄປ. ຊີວິດຂອງລາວເລີ່ມມີຄວາມໝັ້ນຄົງເທື່ອລະກ້າວ ແລະ ໃນໃຈກໍ່ຄິດຢາກກັບຄືມາບ້ານເກີດເມືອງນອນຂອງຕົນທີ່ຈາກມາແຕ່ດົນນານ.
ເສັ້ນທາງເລີ່ມອາຊີບ ຈາກກຳມະກອນກໍ່ສ້າງ
ເລີ່ມຈາກການເປັນກຳມະກອນກໍ່ສ້າງ, ຫງ໋ອກ ໄດ້ຮຽນຮູ້ບົດຮຽນ ແລະ ປະສົບການ ໃນການຮັບເໝົາ ບັນດາໂຄງການກໍ່ສ້າງນ້ອຍ. ພາຍຫຼັງ 5 ປີ ປະຫຍັດມັດຖະຍັດ ໂຮມເງິນໄດ້ຈຳນວນໜຶ່ງ, ລາວຕັດສິນໃຈ ເປີດໂຮງງານເຟີນີເຈີ້ຕົບແຕ່ງພາຍໃນ. ແນວຄິດຂອງການເຮັດທຸລະກິດເລີ່ມມີຄວາມສົມບູນຜ່ານການເຮັດຕົວຈິງ , ລາວໄດ້ພັດທະນາໂຮງງານນ້ອຍກາຍເປັນບໍລິສັດໃຫຍ່ ກວມຕະຫຼາດເຟີນີເຈີ້ຕົກແຕ່ງພາຍໃນ ຢູ່ ນະຄອນຫຼວງວຽງຈັນ.
ປີ 2006 ກຸ໋ຍຫງ໋ອກ ເປີດໂຮງງານຜລິດ ນຳ້ກ້ອນອານາໄມ ຫ່າງຈາກນະຄອນຫຼວງວຽງຈັນ 10 ກມ . ດ້ວຍອຸດົມຄະຕິ ເພື່ອຮັບປະກັນສຸຂະອານາໄມ ແລະ ຮັກສາເຊື່ອໝັ້ນ , ໂຮງງານຜລິດນຳ້ກ້ອນ ສະໜອງໃຫ້ເກືອບໜົດທຸກໆຫ້າງຮ້ານ, ໂຮງແຮມນ້ອຍໃຫຍ່ຢູ່ທ້ອງຖິ່ນ ແລະ ອ້ອມຂ້າງ.
ເຫັນວ່າຮ້ານອາຫານໄທ, ຈີນ ໄດ້ຮັບຄວາມນິຍົມ ແລະ ປະສົບຜົນສຳເລັດ ຢູ່ ລາວ , ຊາຍໜຸ່ມຫວຽດນາມ ເກີດຄວາມຄິດສ້າງພັດທະຄານ ບັນຍາກາດບ້ານເກີດຂອງຕົນຢູ່ ລາວ. ປີ 2008 Vietfood ກຳເນີດຂື້ນຮັບໜ້າທີ່ເປັນອຸບປະທູດດ້ານອາຫານຫວຽດນາມ.
ເພື່ອໃຫ້ບໍລິການແຂກ ທີ່ມີບັນດາອາຫານລ້ວນແລ້ວແຕ່ເປັນອາຫານຫວຽດ, ກຸ໋ຍຫງ໋ອກ ຮັບແຕ່ພໍ່/ແມ່ຄົວເປັນຄົນຫວຽດເທົ່ານັ້ນ. ອາຫານ, ເຄື່ອງປຸ່ງຕ່າງໆແມ່ນນຳເຂົ້າຈາກຫວຽດນາມ. ຍ້ອນແນວນັ້ນ ຮ້ານອາຫານໄດ້ຮັບການຍອມຮັບຈາກ ປະຊາຊົນທ້ອງຖິ່ນ ແລະ ນັກທ່ອງທ່ຽວສາກົນ.
 |
ທ່ານ ຫງວ໋ຽນວັນກຸ໋ຍ ຫງ໋ອກ ນັກທຸລະກິດໜຸ່ມ ເຫວ້ (ຫວຽດນາມ) ເຈົ້າຂອງ ພັດທະຄານ Vietfood.
ນອກນັ້ນ Vietfood ຍັງໄດ້ຈັດກິດຈະກຳດ້ານວັດທະນະທຳ ນຳສະເໜີພາບລັກຂອງຫວຽດນາມສູ່ບັນດາແຂກກໍ່ຄືນັກທ່ອງທ່ຽວ. ນີ້ແມ່ນວິທີການທີ່ລາວ ທັງໂຄສະນາ - ເຜີຍແຜ່ວັດທະນະທຳ ແລະ ທັງຫຼຸດຜ່ອນຄວາມຄິດຮອດບ້ານຂອງລາວ. ຫງ໋ອກໄດ້ເປີດໃຈວ່າ: “ຂ້ອຍເປັນຜູ້ທີ່ມີລັກສະນະຊາດນິຍົມສູງ ຂອ້ຍມີຄວາມເອກອ້າງ ແລະ ພູມໃຈ ໃນປະເທດຊາດບ້ານເກີດເມືອງນອນ, ຕັ້ງຊື່ Vietfood ຂ້ອຍໃສ່ລົງໄປ ສັນຍາລັກແຫ່ງຊາດຖ້າຫາກວ່າຂ້ອຍ ພາຍແພ້ ຄົນອື່ນທີ່ເກັ່ງກ່ວາຂ້ອຍຈະປ່ຽແທນ ແລະ ສືບຕໍ່ພັດທະນາ ພັດທະຄານແຫ່ງນີ້”.
（ຫັດທະບູນ）
