| ເພີ່ມທະວີການພົວພັນລະຫວ່າງຫວຽດນາມ ແລະ ແຂວງ British Columbia ຂອງການາດາ | |
| ສ້າງເງື່ອນໄຂສະດວກ ໃຫ້ແກ່ກິດຈະກຳສາສະໜາຕ່າງປະເທດ ຢູ່ຫວຽດນາມ |
ເຂົ້າຮ່ວມກອງປະຊຸມ, ຜູ້ຕາງໜ້າຂັ້ນສູງກ່ຽວກັບການປະຕິບັດສັນຍາສັນຕິພາບ ຢູ່ Bosnia ແລະ Herzegovina, ທ່ານ Valentin Inzko ໄດ້ສະເໜີບົດລາຍງານໃນໄລຍະແຕ່ວັນທີ 16 ຕຸລາ 2020 ຫາວັນທີ 15 ເມສາ 2021.
ສະຖານະການຂອງປະເທດ Bosnia ແລະ Herzegovina ໄດ້ປະເມີນວ່າມີຄວາມຄືບໜ້າຫຼາຍຢ່າງ, ເຊັ່ນ: ການຈັດຕັ້ງການເລືອກຕັ້ງທ້ອງຖິ່ນ ໃນເດືອນພະຈິກປີ 2020, ການເລືອກຕັ້ງທີ່ເມືອງ Mostar ພາຍຫຼັງ 12 ປີ, ແຕ່ວ່າຄວາມສະຫງົບ ແລະ ຄວາມໝັ້ນຄົງໃນປະເທດນີ້ຍັງມີຄວາມທ້າທາຍຢູ່. ຜົນກະທົບຂອງການລະບາດພະຍາດ COVID-19 ເຮັດໃຫ້ສິ່ງທ້າທາຍຫຼາຍຂື້ນ ແລະ ເຜີຍອອກຈຸດອ່ອນຂອງລະບົບການເມືອງໃນປະເທດ Bosnia ແລະ Herzegovina.
ບັນດາປະເທດສະມາຊິກຂອງສະຫະປະຊາຊາດ ໄດ້ສະແດງຄວາມຍິນດີຕໍ່ບົດບາດຂອງຜູ້ຕາງໜ້າຂັ້ນສູງ ແລະ ຫ້ອງການຜູ້ຕາງໜ້າຂັ້ນສູງ ໃນເວລາທີ່ຜ່ານມາ ແລະ ພ້ອມດຽວກັນນີ້ ກໍ່ສະແດງຄວາມເປັນຫ່ວງກ່ຽວກັບຜົນກະທົບຂອງການລະບາດພະຍາດ COVID-19 ທີ່ມີຕໍ່ປະເທດ, ປະຊາຊົນ Bosnia ແລະ Herzegovina.
 |
| ຫວຽດນາມ ສະໜັບສະໜູນຄວາມບຸກບືນ ໃນການປັບປຸງເສດຖະກິດ ແລະ ການພັດທະນາຢູ່ Bosnia-Herzegovina |
ພ້ອມກັນນັ້ນ, ບາງປະເທດກ່າວວ່າ ປະເທດ Bosnia ແລະ Herzegovina ຄວນສືບຕໍ່ຄວາມພະຍາຍາມໃນການປະຕິຮູບ, ຊຸກຍູ້ການປົກຄອງ, ປະຕິບັດສັນຍາສັນຕິພາບ Dayton, ຈັດຕັ້ງການເລືອກຕັ້ງ ແລະ ແຕ່ງຕັ້ງຕຳແໜ່ງຜູ້ບໍລິຫານ ໃນການຕອບໂຕ້ຕໍ່ການລະບາດຂອງພະຍາດ COVID-19.
ກ່າວຄຳເຫັນທີ່ວາລະປະຊຸມ, ທ່ານເອກອັກຄະລັດຖະທູດ ດັ້ງດິງກຸຍ - ຫົວໜ້າຄະນະຜູ້ຕາງໜ້າ ຖາວອນຫວຽດນາມ ປະຈຳສະຫະປະຊາຊາດ ໄດ້ໃຫ້ຂໍ້ສັງເກດກ່ຽວກັບການພັດທະນາໃນແງ່ດີຂອງປະເທດ Bosnia ແລະ Herzegovina ໃນໄລຍະລາຍງານ, ແລະ ສະແດງຄວາມວິຕົກກັງວົນຕໍ່ສະພາບການພາຍໃນປະເທດ Bosnia ແລະ Herzegovina ສືບຕໍ່ພັດທະນາຢ່າງສັບສົນ, ພິເສດແມ່ນໃນສະພາບການຂອງການລະບາດຂອງພະຍາດ COVID-19, ຜົນກະທົບຕໍ່ຄວາມພະຍາຍາມໃນການຈັດຕັ້ງປະຕິບັດສັນຍາສັນຕິພາບ Dayton ຢ່າງເຕັມສ່ວນ.
ທ່ານເອກອັກຄະລັດຖະທູດ ດັ້ງດິງກຸຍ ກໍ່ເນັ້ນໜັກເຖິງຄວາມຈຳເປັນໃນການຊຸກຍູ້ການສ້າງຄວາມໄວ້ເນື້ອເຊື່ອໃຈ ແລະ ການສົນທະນາແບບຍືນຍົງລະຫວ່າງບັນດາພາກສ່ວນທີ່ກ່ຽວຂ້ອງ, ເພີ່ມທະວີການຮ່ວມມືໄປສູ່ສະຖຽນລະພາບທາງດ້ານການເມືອງ - ສັງຄົມ, ການປະຕິບັດການປະຕິຮູບ ແລະ ການພັດທະນາເສດຖະກິດແນໃສ່ການປັບປຸງ ແລະ ຍົກລະດັບຊີວິດຂອງປະຊາຊົນ ແລະ ເອົາໃຈໃສ່ຜົນປະໂຫຍດຂອງປະຊາຊົນເປັນໃຈກາງ.
ທ່ານເອກອັກຄະລັດຖະທູດ ດັ້ງດິງກຸຍ ໄດ້ກ່າວວ່າ ຄວາມຮັບຜິດຊອບສູງສຸດແມ່ນຂຶ້ນກັບຂອງ Bosnia ແລະ Herzegovina, ຊຸມຊົນທີ່ກ່ຽວຂ້ອງ ແລະ ປະຊາຊົນ. ປະຊາຄົມສາກົນ ຄວນສະໜັບສະໜູນຄວາມພະຍາຍາມດັ່ງກ່າວ, ໃນນັ້ນແມ່ນຄວາມພະຍາຍາມໃນການໄກ່ເກ່ຍຈຳເປັນຕ້ອງ ໄດ້ຊຸກຍູ້ໃຫ້ພາກສ່ວນຕ່າງໆເຂົ້າໃກ້ກັນ ເພື່ອກ້າວສູ່ຄວາມສັນຕິພາບ ແລະ ການພັດທະນາໃນອະນາຄົດ.
 | ເສດຖະກິດຫວຽດນາມ ສືບຕໍ່ສາມາດຮັກສາໄດ້ທ່າເຕີບໂຕ ຍສໝ - ປີ 2020, ພື້ນຖານເສດຖະກິດຫວຽດນາມ ສືບຕໍ່ໄດ້ຮັບການປັບປຸງຍ້ອນການສົ່ງອອກສິນຄ້າ ແລະເຄື່ອງຕໍ່າແຜ່ນຕັດຫຍິບ ແລະສາມາດຮັກສາໄດ້ທ່າເຕີບໂຕ. |
 | ເພີ່ມທະວີການພົວພັນລະຫວ່າງຫວຽດນາມ ແລະ ແຂວງ British Columbia ຂອງການາດາ ຍສໝ - ໃນປີ 2020, ເຖິງວ່າໄດ້ຮັບຜົນກະທົບຈາກການແຜ່ລະບາດ COVID-19, ການຄ້າລະຫວ່າງຫວຽດນາມ ແລະ ແຂວງ British Columbia ຂອງການາດາ ຍັງບັນລຸເກືອບ 2 ຕື້ CAD (ປະມານ 1,6 ຕື້ໂດລາສະຫະລັດ). |
 | ສ້າງເງື່ອນໄຂສະດວກ ໃຫ້ແກ່ກິດຈະກຳສາສະໜາຕ່າງປະເທດ ຢູ່ຫວຽດນາມ ຍສໝ - ຫວ່າງແລ້ວນີ້, ຄະນະສາສະໜາລັດຖະບານໄດ້ຈັດກອງປະຊຸມພົບປະກັບຊາວຕ່າງປະເທດ ທີ່ປະຕິບັດກິດຈະກຳສາສະໜາຢູ່ຫວຽດນາມ. |
ຄຳຮຸ່ງ
