 |
| ພິທີມອບຮັບ |
ຫວ່າງແລ້ວນີ້, ຢູ່ສະຖານທູດ ລາວ ປະຈຳ ຫວຽດນາມ, ໄດ້ດຳເນີນພິທີມອບ-ຮັບຜ້າອັດປາກການແພດ ຂອງຄະນະຕິດຕໍພົວພັນຄະນະນັກຊ່ຽວຊານການທະຫານ 959 ນະຄອນຮ່າໂນ້ຍ ແລະ ຄະນະຕິດຕໍພົວພັນ “ສະມາຄົນຮັກສາແປວໄຟ” - ລູກຫຼານຂອງອະດີດນັກຊ່ຽວຊານຄະນະປະຕິບັດງານທາງພາກຕາເວັນຕົກສູນກາງ ເພື່ອແນໃສ່ປະກອບສ່ວນໜູນຊ່ວຍປະຊາຊົນລາວ ຮັບມືກັບໂລກລະບາດໂຄວິດ - 19 ທີ່ພວມມີການຜັນແປຢ່າງສັບສົນ ແລະ ເຄັ່ງຕຶງ.
ກ່າວຄຳເຫັນທີ່ພິທີ, ທ່ານ ພົນຈັດຕະວາ ບຸ່ຍມິງຖຶ້, ຫົວໜ້າຄະນະຕິດຕໍພົວພັນທະຫານອາສາສະໝັກ ແລະ ນັກຊ່ຽວຊາຍການທະຫານຊ່ວຍເຫຼືອລາວ ນະຄອນຮ່າໂນ້ຍໄດ້ສະແດງການແບ່ງເບົ່າຢ່າງເລິກເຊິ່ງຕໍ່ບັນດາຄວາມຫຍຸ້ງຍາກ, ສິ່ງທ້າທາຍເຊິ່ງປະຊາຊົນລາວຕ້ອງປະເຊີນໜ້າ.
ທ່ານ ບຸ່ຍມິງຖຶ ເຊື່ອໝັ້ນວ່າ ພາຍໃຕ້ການຊີ້ນຳຢ່າງສະຫຼາດສ່ອງໃສ ແລະ ຂ້ຽວຂາດຂອງພັກ, ລັດ ລາວ ພ້ອມກັບຄວາມຕັດສິນໃຈ, ຄວາມຮ່ວມແຮງຮ່ວມໃຈຕ້ານໂລກລະບາດໂຄວິດ - 19 ຂອງບັນດາອົງການທີ່ມີໜ້າທີ່ຮັບຜິດຊອບ ແລະ ປະຊາຊົນໝົດທຸກຄົນ, ລາວຈະຄວບຄຸມໄດ້ໂລກລະບາດໂຄວິດ - 19, ຟື້ນຟູເສດຖະກິດ, ສັງຄົມ ໂດຍໄວ ແລະ ສືບຕໍ່ມີການພັດທະນາແບບຍືນຍົງ.
 |
| ທ່ານ ພົນຈັດຕະວາ ບຸ່ຍມິງຖື້ ແລະ ທ່ານ ແສງເພັດ ຮຸ່ງບຸນຍວງ ເອກອັກຄະລັດຖະທູດຜູ້ມີອຳນາດເຕັມແຫ່ງ ສາທາລະນະລັດປະຊາທິປະໄຕປະຊາຊົນລາວ |
ສ່ວນທ່ານ ແສງເພັດ ຮຸ່ງບຸນຍວງ ເອກອັກຄະລັດຖະທູດຜູ້ມີອຳນາດເຕັມແຫ່ງ ສາທາລະນະລັດປະຊາທິປະໄຕປະຊາຊົນລາວ ໄດ້ສະແດງຄວາມຂອບອົກຂອບໃຈ ແລະ ຕ້ອນຮັບຂອງຂວັນທີ່ມີຄວາມໝາຍຢ່າງແທດຈິງຈາກບັນດາເພື່ອນມິດ ຫວຽດນາມ.
ທ່ານເອກອັກຄະລັດຖະທູດ ກໍ່ສະແດງຄວາມຊົມເຊີຍຕໍ່ບັນດາຜົນງານອັນຍິ່ງໃຫຍ່ ແລະ ມີປະສິດທິຜົນ ເຊິ່ງ ຫວຽດນາມ ບັນລຸໄດ້ໃນວຽກງານປ້ອງກັນ, ສະກັດກັ້ນໂລກລະບາດໂຄວິດ - 19 ພ້ອມທັງປາດຖະໜາຢາກນ້ຳໃຈເພື່ອນມິດ, ນ້ຳໃຈຕໍ່ສູ້ແບບສະໜິດແໜ້ນ, ການພົວພັນພິເສດ ລະຫວ່າງ ຫວຽດນາມ - ລາວ ຈະໝັ້ນຄົງທະນົງແກ່ນຊົ່ວກາລະນານ.
ແລະກໍ່ໃນພິທີ, ທ່ານ ຫງວຽນວັນບິ່ງ, ຜູ້ອຳນວຍການທະນາຄານລົງທຶນ ແລະ ພັດທະນາ ຫວຽດນາມ ສາຂາຮົ່ງຮ່າ ຜູ້ທີ່ໄດ້ປະຕິບັດງານຢູ່ນະຄອນຫຼວງ ວຽງຈັນມາເປັນເວລາ 5 ປີ ໄດ້ກ່າວຄຳເຫັນວ່າ ຈະສືບຕໍ່ຮ່ວມມື, ໜູນຊ່ວຍ, ສະໜັບສະໜູນ ໃຫ້ແກ່ລາວ, ໃນສະເພາະໜ້າແມ່ນອຸປະຖຳ ເພື່ອຊ່ວຍໃຫ້ລູກຫຼານລາວບາງຄົນຮຽນພາສາຫວຽດ ຢູ່ ຫວຽດນາມ.
ຂອງຂວັນຂອງຄະນະຕິດຕໍພົວພັນຄະນະນັກຊ່ຽວຊານການທະຫານ 959 ນະຄອນຮ່າໂນ້ຍ ແລະ ຄະນະຕິດຕໍພົວພັນຂອງລູກຫຼານນັກຊ່ຽວຊານຄະນະປະຕິບັດງານເຂດຕາເວັນຕົກ ສູນກາງໄດ້ສະແດງໃຫ້ເຫັນນ້ຳໃຈອັນລ້ຳຄ່າ, ນັ້ນແມ່ນນ້ຳໃຈຖານອ້າຍນ້ອງສະໜິດຕິດພັນ ແລະ ຈິດໃຈ ຊ່ວຍເຫຼືອເຊິ່ງກັນແລະກັນ ທີ່ມີແຕ່ໄລຍະປະຫວັດສາດຕໍ່ສູ້ກັບພວກສັດຕູຮຸກຮານ.
 | ແຂວງ ບ່າເຣ້ຍ - ຫວູງເຕົາ ດຳເນີນການເລືອກຕັ້ງສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນ ໄວກວ່າກຳນົດ ການເລືອກຕັ້ງທີ່ດຳເນີນໄວກວ່າກຳນົດ ຖືກຈັດຂຶ້ນຢູ່ 5 ເຂດເລືອກຕັ້ງ ໃນນະຄອນ ຫວູງເຕົາ. |
 | ຊາວຫວຽດນາມ ອາໄສຢູ່ ລາວ ຮ່ວມແຮງຮ່ວມໃຈກັບຊາວລາວ ຍູ້ໂລກລະບາດໂຄວິດ - 19 ໃຫ້ຖອຍໄປ ຍສໝ - ເພື່ອຮັບມືກັບສະພາບການໂລກລະບາດໂຄວິດ - 19, ໃນລະຫວ່າງວັນທີ 2 – 3 ພຶດສະພາ, ບັນດາພະນັກງານລາວ ໄດ້ສົມທົບກັບສະມາຄົມຊາວຫວຽດນາມ ອາໄສຢູ່ນະຄອນຫຼວງວຽງຈັນດຳເນີນການເອົາຕົວຢ່າງໄປວິໄຈໃຫ້ແກ່ຊາວຫວຽດນາມ ປະທານ 200 ຄົນ ທີ່ພວມດຳລົງຊີວິດ ແລະ ເຮັດວຽກຢູ່ ເມືອງ ທາດຫຼວງ, ນາໄຊ ແລະ ເຂດມະຫາວິທະຍາໄລແຫ່ງຊາດ ລາວ, ... |
 | ໜັງສືພິມ ໂປໂລຍເຊີດຊູການກະທຳໜູນຊ່ວຍພະນັກງານການແພດ, ທ່ານໝໍ ໃນໂລກລະບາດໂຄວິດ -19 ຂອງປະຊາຄົມຊາວຫວຽດນາມ ຍສໝ - ບົດຂຽນກໍ່ໄດ້ຄັດສະເໜີຄຳເວົ້າຂອງ ຊາວໂປໂລຍຜູ້ໜຶ່ງໂດຍຖືວ່າ: “ຕອນທຳອິດ ບັນດາພະນັກງານການແພດ, ທ່ານໝໍຮູ້ສຶກແປກປະຫຼາດ, ຊ້ຳບໍ່ໜຳ ບາງຄົນຍັງມີຄວາມສົງໄສວ່າ ເປັນຍັງຊາວ ອາຊີ ແຕ່ງກິນໃຫ້ພວກເຮົາກິນ, ແລ້ວມາຮອດປັດຈຸບັນ, ທຸກຄົນລ້ວນແຕ່ປ່ຽນແປງຄວາມຄິດ, ຈາກການສົ່ງໄສກາຍເປັນການສະແດງຄວາມຮູ້ບູນຄູນ”. |
ບຸນຄົງ
