 |
| ຕົ້ນປີ 2021 ແຂວງອັດຕະປື ພົບຜູ້ຕິດ ເຊື້ອໄຂ້ຍຸງລາຍເກືອບ 100 ຄົນ |
ຫລ້າສຸດເມື່ອວັນທີ 21 ເມສາ 2021 ນີ້, ທາງຂະແໜງຄວບຄຸມການລະບາດພະຍາດຂອງ ພະແນກສາທາລະນະສຸກ ແຂວງອັດຕະປື ໄດ້ເປີດເຜີຍໃຫ້ຮູ້ວ່າ: ນັບຕັ້ງແຕ່ວັນທີ 1 ມັງກອນ ຫາ ວັນທີ 20 ເມສາ 2021 ທົ່ວແຂວງອັດຕະປື ພົບຜູ້ຕິດເຊື້ອໄຂຍຸງລາຍ ທັງໝົດ 94 ກໍລະນີ, ເມື່ອທຽບໃສ່ບັນດາແຂວງໃນທົ່ວປະເທດ ຖືວ່າຢູ່ອັນດັບຕົ້ນໆ ຂອງປະເທດ, ແຕ່ບໍ່ມີກໍລະນີເສຍຊີວິດ ແລະ ພົບຫລາຍກວ່າໝູ່ແມ່ນ ຢູ່ໃນກຸ່ມອາຍຸລະຫວ່າງ 10-30 ປີ ໂດຍເພດຊາຍກວມເອົາ 51% ແລະ ເພດຍິງກວມເອົາ 49,93%.
ສະເພາະເດືອນທີ່ພົບກໍລະນີ ໄຂຍຸງລາຍຫລາຍກວ່າໝູ່ ແມ່ນໃນລະຫວ່າງ ເດືອນມີນາ ຫາ ເດືອນເມສາ ຊຶ່ງພົບຫລາຍກວ່າໝູ່ແມ່ນຢູ່ ເມືອງພູວົງ ມີທັງໝົດ 67 ກໍລະນີ ໂດຍສະເພາະຢູ່ເຂດ ບ້ານວົງສໍາພັນ, ຮອງມາແມ່ນ ເມືອງສາມັກຄີໄຊ ພົບ 14 ກໍລະນີ, ເມືອງຊານໄຊ 10 ກໍລະນີ, ເມືອງໄຊເສດຖາ 3 ກໍລະນີ, ສ່ວນເມືອງສະໜາມໄຊ ຍັງບໍ່ທັນມີລາຍງານພົບຜູ້ຕິດເຊື້ອ. ທາງຂະແໜງຄວບຄຸມການລະບາດ ຍັງໄດ້ໃຫ້ຮູ່ຕື່ມວ່າ: ສາເຫດທີ່ຕົວເລກ ຜູ້ເປັນພະຍາດໄຂຍຸງລາຍ ເພີ່ມຂຶ້ນຢູ່ພາຍໃນ ແຂວງອັດຕະປື ແມ່ນຍ້ອນຫລາຍປັດໄຈ ແຕ່ອັນສໍາຄັນແມ່ນຍ້ອນການຖືເບົາ ຕໍ່ການປ້ອງກັນພະຍາດດັ່ງກ່າວ, ສັງຄົມບໍ່ໃຫ້ຄວາມສໍາຄັນ ບໍ່ປະຕິບັດຫລັກການ 5ປ.
ເຖິງຢ່າງໃດກໍຕາມ ເພື່ອເຮັດໃຫ້ການປ້ອງກັນ ພະຍາດໄຂຍຸງລາຍພາຍໃນ ແຂວງອັດຕະປື ໄດ້ຮັບການຈັດຕັ້ງປະຕິບັດ ຢ່າງມີປະສິດທິຜົນ ນັ້ນທາງຂະແໜງຄວບຄຸມການລະບາດ ຂອງພະແນກສາທາລະ ນະສຸກແຂວງ ຈະສືບຕໍ່ຕິດຕາມເຝົ້າລະວັງຢ່າງໃກ້ຊິດ, ສືບຕໍ່ສໍາຫລວດໜອນນໍ້າ ເປັນປົກກະຕິໃນທຸກອາ ທິດ, ເຮັດວຽກງານໂຄສະນາ ສຸກຂະສຶກສາເປັນປົກກະຕິ ແລະ ຕໍ່ເນື່ອງ, ລົງຊຸກຍູ້ ອາສາສະໝັກບ້ານ ໃນແຕ່ລະບ້ານ ໃຫ້ມີການເຄື່ອນໄຫວ ສໍາຫລວດໜອນນໍ້າຍຸງລາຍ ເປັນປະຈໍາ, ຊຸກຍູ້ ແລະ ປຸກລະດົມອໍານາດການປົກຄອງແຕ່ລະຂັ້ນ ໃຫ້ມີສ່ວນຮ່ວມຕໍ່ວຽກງານ ການປ້ອງກັນພະຍາດ ໄຂ້ຍຸງລາຍໃຫ້ຫລາຍກວ່າເກົ່າ.
 | ລາວ: ນັບແຕ່ທ້າຍປີ 2020 ຮອດວັນທີ 18 ມີນາ 2021 ມີຜູ້ຕິດເຊື້ອໄຂ້ຍຸງລາຍ ສະສົມທັງໝົດ 156 ຄົນ ຕາມ ທ່ານ ຣັດຕະນະໄຊ ເພັດສຸວັນ ຫົວໜ້າກົມຄວບຄຸມພະຍາດຕິດຕໍ່ ກະຊວງສາທາລະນະສຸກ ລາວແລ້ວ, ອຳນາດການປົກຄອງ ຕ້ອງເອົາໃຈໃສ່ ວຽກງານສ້າງຂະບວນການ ແລະ ເຮັດສຸຂະສຶກສາໃຫ້ຄວາມຮູ້ ແລະ ຂໍ້ມູນຂ່າວສານ ກ່ຽວກັບການຈຳກັດ ແລະ ຄວບຄຸມໜອນນໍ້າຍຸງລາຍ ໃຫ້ພໍ່ແມ່ປະຊາຊົນ ຮັບຮູ້ເຖິງຜົນຮ້າຍ ແລະ ວິທີປ້ອງກັນ ຈາກຍຸງລາຍ ເປັນພາຫະນຳເຊື້ອ ຖ້າພວກເຮົາ ສາມາດຄວບຄຸມ ... |
 | ເຂື່ອນໄຟຟ້ານໍ້າກົງ 3 ຄາດວ່າການກໍ່ສ້າງຈະສໍາເລັດ 100% ແລະ ເປີດຜະລິດກະແສໄຟຟ້າ ຈໍາໜ່າຍຢ່າງເປັນທາງການ ໃນເດືອນມິຖຸນາ ຫລື ເດືອນກໍລະກົດ 2021 ທີ່ຈະມາເຖິງ ຄາດວ່າການກໍ່ສ້າງຈະສໍາເລັດ 100% ແລະ ເປີດຜະລິດກະແສໄຟຟ້າ ຈໍາໜ່າຍຢ່າງເປັນທາງການ ໃນເດືອນມິຖຸນາ ຫລື ເດືອນກໍລະກົດ 2021 ທີ່ຈະມາເຖິງນີ້, ເຊິ່ງກະແສໄຟຟ້າ ທີ່ຜະລິດໄດ້ທັງໝົດ 54 MW (3x18 MW), ຈະສົ່ງຂາຍໃຫ້ ປະເທດຫວຽດນາມ. |
 | ໂຄງການເຂື່ອນໄຟຟ້ານໍ້າກົງ 1 ຄືບໜ້າ 80% ຄາດ ຈະສຳເລັດ 100% ໃນທ້າຍເດືອນກໍລະກົດ 2021 ໂຄງການກໍ່ສ້າງເຂື່ອນໄຟຟ້ານ້ຳກົງ 1 ໜ້າວຽກໂດຍລວມ ສຳເລັດແລ້ວ 81,9%, ພາຍ ຫລັງເລີມລົງມີກໍ່ສ້າງ ມາແຕ່ທ້າຍເດືອນຕຸລາ 2017, ປັດຈຸບັນ ພວມດຳເນີນການ ກໍ່ສ້າງສັນເຂື່ອນ, ຕິດຕັ້ງປະຕູທາງນ້ຳລົ້ນ, ຕິດຕັ້ງຈັກ ເບີ 2, ຄອນກິດໄລນິງທໍ່ຫາຍໃຈ, ໂຄງສ້າງປະຕູນໍ້າ ທ້າຍເຮືອນຈັກ, ໂຄງສ້າງສະວິດຢາດ GIS ແລະ ວຽກດຶງສາຍ 115 ກິໂລໂວນ. ຄາດວ່າ ການກໍ່ສ້າງທັງໝົດ ຈະໃຫ້ສຳເລັດ 100% ໃນເດືອນ ກໍລະກົດ 2021 ກະແສໄຟຟ້າທັງໝົດ ຈະສົ່ງຂາຍໃຫ້ລັດວິສາຫະກິດໄຟຟ້າລາວ. |
kpl.gov.la
