 |
| ພາບປະກອບ |
ຕາມກະຊວງສາທາລະນະສຸກຫວຽດນາມ ແລ້ວ, ຫວຽດນາມ ມີຜູ້ຕິດເຊື້ອພະຍາດໂຄວິດ - 19 ລາຍໃໝ່ຕື່ມອີກ 4 ຄົນ ເຊິ່ງລ້ວນແຕ່ແມ່ນຄົນເຂົ້າເມືອງຢູ່ແຄງຮວ່າ ແລະກຽນຢາງ, ສະນັ້ນຈຳນວນຜູ້ຕິດເຊື້ອຢູ່ຫວຽດນາມ ສະສົມ 2.727 ຄົນ, ໃນນັ້ນມີ 2.445 ຄົນ ໄດ້ຮັບການປິ່ນປົວຫາຍດີ ແລະມີ 35 ຄົນເສຍຊີວິດ.
ທີ່ກອງປະຊຸມຄະນະປະຈຳ ຄະນະຊີ້ນຳແຫ່ງຊາດກ່ຽວກັບການປ້ອງກັນ, ສະກັດກັ້ນໂລກລະບາດໂຄວິດ - 19 ທີ່ໄດ້ດຳເນີນໃນຕອນເຊົ້າວັນທີ 14 ເມສາ 2021 ຢູ່ ຮ່າໂນ້ຍ ສສ ຫວຽດນາມ, ທ່ານຮອງນາຍົກລັດຖະມົນຕີ ຫວຽດນາມ ຫວູດຶກດາມ ຖືວ່າ: ໂລກລະບາດໂຄວິດ - 19 ພວມມີການຜັນແປຢ່າງສັບສົນຢູ່ຫຼາຍປະເທດໃນພາກພື້ນ, ສົ່ງຜົນກະທົບໂດຍກົງເຖິງວຽກງານປ້ອງກັນ, ສະກັດກັ້ນໂລກລະບາດຢູ່ ຫວຽດນາມ. ຈຸດເວລານີ້ ຄວນປຸກລະດົມແຫຼ່ງກຳລັງຮັບມືຢ່າງສູງສຸດ ແລະ ເດັດດ່ຽວແກ້ໄຂບັນດາກໍລະນີເຂົ້າເມືອງຢ່າງຜິດກົດໝາຍໃຫ້ເຂັ້ມງວດ.
ຄະນະປະຈຳຄະນະຊີ້ນຳແຫ່ງຊາດ ກໍຮຽກຮ້ອງໃຫ້ກະຊວງສາທາລະນະສຸກ ຫວຽດນາມ, ກະຊວງວິທະຍາສາດ ແລະ ເຕັກໂນໂລຢີ ຫວຽດນາມ ສ້າງເງື່ອນໄຂສະດວກກວ່າອີກໃຫ້ແກ່ການທົດລອງວັກຊິນກັນພະຍາດໂຄວິດ - 19 ພາຍໃນປະເທດ. ກະກຽມວິທີການຜະລິດ ພາຍຫຼັງທົດລອງສຳເລັດໃນທັນທີ. ກະຊວງສາທາລະນະສຸກ ຫວຽດນາມ ສືບຕໍ່ເຈລະຈາເພື່ອມີແຫຼ່ງວັກຊິນຈາກຕ່າງປະເທດ ແຕ່ການນຳເຂົ້າຕ້ອງຮັບປະກັນຖືກຕ້ອງຕາມຂັ້ນຕອນ ແລະ ປະຕິບັດບັນດາລະບຽບການທີ່ໄດ້ກຳນົດຢ່າງຖືກຕ້ອງຕາມກົດໝາຍ.
ໃນເຫດການທີ່ກ່ຽວຂ້ອງ, ທ່ານ Axel van Trotsenburg ຜູ້ອໍານວຍການບໍລິຫານການເຄື່ອນໄຫວຂອງທະນາຄານໂລກ (WB) ໃຫ້ຮູ້ວ່າ, WB ໃຫ້ຄໍາໝັ້ນສັນຍາຈະອຸປະຖໍາເງິນ 2 ຕື້ໂດລາສະຫະລັດ ເພື່ອສະໜອງວັກຊິນກັນໂຄວິດ-19 ໃຫ້ 40 ປະເທດກໍາລັງພັດທະນາ ໃນທ້າຍເດືອນນີ້.
ຈໍານວນເງິນ 2 ຕື້ໂດລາສະຫະລັດແມ່ນສ່ວນໜຶ່ງໃນກອງທຶນ 12 ຕື້ໂດລາສະຫະລັດ ເຊິ່ງ WB ສະຫງວນໄວ້ ເພື່ອໜູນຊ່ວຍການພັດທະນາ, ແຈກຢາຍ ແລະຜະລິດວັກຊິນຢູ່ບັນດາປະເທດ ທີ່ມີລາຍຮັບຕໍ່າ ແລະປານກາງ. ໃນຂະນະນັ້ນ, ທ່ານ David Malpass ປະທານ WB ຢັ້ງຢືນວ່າ ທະນາຄານນີ້ ຄາດວ່າຈະເປີດກວ້າງຄໍາໝັ້ນສັນຍາຂຶ້ນເຖິງ 4 ຕື້ໂດລາສະຫະລັດ ເພື່ອສະໜອງວັກຊິນໃຫ້ແກ່ 50 ປະເທດ ໃນກາງປີນີ້.
 | ລັດຖະມົນຕີກະຊວງຕຳຫຼວດຫວຽດນາມຕ້ອນຮັບເອກອັກຄະລັດຖະທູດອາເມລິກາປະຈຳຫວຽດນາມ ຫວຽດນາມ ປາດຖະໜາຢາກຊຸກຍູ້ການພົວພັນຄູ່ຮ່ວມມືຮອບດ້ານກັບອາເມລິກາ ບົນພື້ນຖານເຄົາລົບເອກະລາດ, ອະທິປະໄຕ, ຜືນແຜ່ນດິນອັນຄົບຖ້ວນ, ເພື່ອຜົນປະໂຫຍດຂອງປະຊາຊົນ 2 ປະເທດ. |
 | ຫວຽດນາມ ສະໜັບສະໜູນຍຸດທະສາດໜູນຊ່ວຍພາກພື້ນທີ່ມີບັນດາໜອງໃຫຍ່ອາຟຼິກກາ ຍສໝ - ໃນໄລຍະກອງປະຊຸມຖ່າຍທອດສົດຂອງສະພາຄວາມໝັ້ນຄົງ ກ່ຽວກັບເຂດພາກພື້ນທີ່ມີບັນດາໜອງໃຫຍ່ ໃນອາຟຣິກກາ, ຫວຽດນາມ ໄດ້ຢືນຢັນການສະໜັບສະໜູນຍຸດທະສາດຂອງສະຫະປະຊາຊາດ ໃນການໜູນຊ່ວຍຄວາມໝັ້ນຄົງ ແລະ ການພັດທະນາແບບຍືນຍົງຂອງພາກພື້ນນີ້. |
 | ການນໍາບັນດາປະເທດ ສືບຕໍ່ສົ່ງສານມາສະແດງຄວາມຊົມເຊີຍ ເຖິງການນໍາຫວຽດນາມ ຍສໝ - ເນື່ອງໃນໂອກາດສະພາແຫ່ງຊາດຫວຽດນາມ ເລືອກຕັ້ງຕໍາແໜ່ງການນໍາລັດ ແລະສະພາແຫ່ງຊາດ ທ່ານ Sheikh Khalid Bin Khalifa Bin Abdulaziz Al-Thani ນາຍົກລັດຖະມົນຕີທັງເປັນລັດຖະມົນຕີກະຊວງພາຍໃນແຫ່ງລັດ ກາຕາ; ທ່ານ Andrej Babis ນາຍົກລັດຖະມົນຕີ ເຊັກໂກ; ທ່ານ Ibrahim Mohamed Solih ປະທານາທິບໍດີ ... |
ໄຊພອນ
