ຂະແໜງຕ່ຳແຜ່ນຕັດຫຍິບຂອງຫວຽດນາມ ໄດ້ ແລະ ພວມມານະພະຍາຍາມສ້າງໃຫ້ສົມບູນ, ຜ່ານຜ່າສິ່ງທ້າທາຍຫຼາຍຢ່າງ
	ໃນການພົວພັນສາກົນຂອງຫວຽດນາມ, ສາຍພົວພັນລະຫວ່າງລາວ - ຫວຽດນາມ ແມ່ນສາຍພົວພັນແບບພິເສດ

ເດືອນ ກຸມພາ 2021, ຫວຽດນາມ ດຶງດູດທຶນ FDI 3,4 ຕື້ ໂດລາສະຫະລັດ, ສູງກວ່າ 70% ເມື່ອທຽບໃສ່ເດືອນ ມັງກອນ 2021. ພາບປະກອບ

ຕາມບົດລາຍງານອັບເດດສະພາບການເສດຖະກິດມະຫາພາກຫວຽດນາມ ເດືອນ ມີນາ 2021 ຂອງທະນາຄານໂລກ ແລ້ວ, ເດືອນ ກຸມພາ 2021, ຫວຽດນາມ ດຶງດູດທຶນ FDI 3,4 ຕື້ ໂດລາສະຫະລັດ, ສູງກວ່າ 70% ເມື່ອທຽບໃສ່ເດືອນ ມັງກອນ 2021 ແລະ ເພີ່ມຂຶ້ນທົບ 3 ເທົ່າມູນຄ່າທຶນ FDI ເມື່ອທຽບໃສ່ໄລຍະດຽວກັນຂອງປີ 2020.

ກ່ອນໜ້ານັ້ນ, ໄລ່ຮອດທ້າຍເດືອນ ມັງກອນ ປີ 2021, ຍອດຈຳນວນທຶນຈົດທະບຽນໃໝ່, ປັບປຸງ ແລະ ປະກອບທຶນ, ຊື້ຫຸ້ນຂອງນັກລົງທຶນຕ່າງປະເທດ ບັນລຸໄດ້ກ່ວາ 2 ຕື້ ໂດລາສະຫະລັດ. ເງິນລົງທຶນຈາກຕ່າງປະເທດ ເຂົ້າ 14 ຂົງເຂດ, ໃນນັ້ນຂົງເຂດອຸດສາຫະກຳປຸງແຕ່ງ, ປະດິດຄິດສ້າງພວມນຳໜ້າ ດ້ວຍຍອດເງິນລົງທຶນບັນລຸເກືອບ 1,54 ຕື້ ໂດລາສະຫະລັດ.

ຕາມ ທ່ານ Joseph Incalcaterra, ຫົວໜ້ານັກເສດຖະກິດກ່ຽວກັບອາຊຽນ ສັງກັດບໍລິສັດຄົ້ນຄວ້າທົ່ວໂລກຂອງທະນາຄານ HSBC ແລ້ວ, ຫວຽດນາມ ພ້ອມກັບສິງກະໂປ ແມ່ນສອງປະເທດຢູ່ອາຊີຕາເວັນອອກສ່ຽງໃຕ້ສາມາດຄວບຄຸມພະຍາດໂຄວິດ-19 ແລະຜັນຂະຫຍາຍລາຍການສັກຢາກັນພະຍາດຢ່າງສະດວກ. ທ່ານ ທ່ານ Joseph Incalcaterra ໄດ້ເຊີດຊູວິທີຮັບມືກັບພະຍາດຂອງຫວຽດນາມ, ຖືວ່າຄວາມສາມາດຄວບຄຸມພະຍາດໄດ້ຊ່ວຍໃຫ້ຫວຽດນາມ ຮັກສາຊື່ສຽງແມ່ນ “ສະຖານທີ່ດີທີ່ສຸດ” ສໍາລັບການລົງທຶນໂດຍກົງຈາກຕ່າງປະເທດ. ຕາມທ່ານແລ້ວ, ຫວຽດນາມ ໄດ້ຮັບຖືວ່າແມ່ນໃຈກາງຜະລິດອີງໃສ່ຕົວເລກຕົວຈິງແມ່ນທຶນ FDI ຍັງລົງທຶນເຂົ້າແຮງທີ່ສຸດໃນປີ 2020.

ການເຄື່ອນໄຫວຂອງວິສາຫະກິດ FDI ຢູ່ຫວຽດນາມ. ພາບປະກອບ

ສ່ວນ ທ່ານ ເລຢຸຍບິ່ງ, ຫົວໜ້າ Economica ຫວຽດນາມ ໃຫ້ຮູ້ວ່າ, ຫວຽດນາມ ຍັງຮັກສາຄວາມສະຖຽນລະພາບທາງດ້ານເສດຖະກິດມະຫາພາກ, ຮັກສາຄວາມສະຖຽນລະພາບທາງດ້ານການເມືອງ, ນອກຈາກນັ້ນ, ຜົນສຳເລັດໃນການຄວບຄຸມໂລກລະບາດໂຄວິດ-19 ໄດ້ເຮັດໃຫ້ຫຼາຍປະເທດໃນໂລກຫັນກະແສເງິນລົງທຶນເຂົ້າຫວຽດນາມ. ບັນດາສິ່ງດັ່ງກ່າວແມ່ນປັດໃຈສຳຄັນສຳລັບນັກລົງທຶນ. ບັນດານະໂຍບາຍຂອງລັດຖະບານຫວຽດນາມ ໃນການຍູ້ແຮງການດຶງດູດການລົງທຶນຈາກຕ່າງປະເທດ ກໍຄືສ້າງສະພາບແວດລ້ອມແຫ່ງການດຳເນີນທຸລະກິດທີ່ປອດໄພ, ເປັນມິດນັ້ນ ຈະສືບຕໍ່ປະກອບສ່ວນເຂົ້າໃນເລື່ອງດຶງດູດແຫຼ່ງເງິນລົງທຶນຕ່າງປະເທດເຂົ້າຫວຽດນາມ ໃນປີ 2021 ກໍ່ຄືໃນຊຸມປີຕໍ່ໄປ.

ແງ່ຫວັງໃນການດຶງດູດເງິນລົງທຶນໂດຍກົງຈາກຕ່າງປະເທດ ຢູ່ຫວຽດນາມ ແມ່ນສົດໃສ ໃນສະພາບການບັນດານັກລົງທຶນຂະໜາດໃຫຍ່, ກາງ ແລະ ນ້ອຍ ຈາກປະເທດພັດທະນາພວມຄ່ອຍໆ ຫັນທິດມາລົງທຶນຢູ່ ຫວຽດນາມ.

ກຳປູເຈຍ ສັກວັກຊິນກັນໂຄວິດ-19 ໃຫ້ພະນັກງານການທູດ ຫວຽດນາມ ພະນັກງານສະຖານທູດ ຫວຽດນາມ ປະຈຳ ກຳປູເຈຍ ລວມມີ 105 ຄົນໄດ້ສັກວັກຊິນໃນຕອນເວົ້າວັນທີ 23 ເມສາ.

ຍົກສູງທີ່ຕັ້ງບົດບາດຂອງ ຫວຽດນາມ ໃນການສ້າງກົດໝາຍສາກົນ ຕາມກະຊວງການຕ່າງປະເທດແລ້ວ, ຜູູ້ຮັບສະໝັກເລືອກຕັ້ງ ຂອງຫວຽດນາມ, ທ່ານ ເອກອັກຄະລັດຖະທູດ ຫງວຽນຮົ່ງທາວ ແມ່ນນັກການທູດອາວຸໂສຂອງ ຫວຽດນາມ ດ້ວຍການເຄື່ອນໄຫວມາເປັນເວລາ 40 ປີ, ພ້ອມທັງແມ່ນນັກຊ່ຽວຊານໃນຂົງເຂດກົດໝາຍສາກົນ, ມີປະສົບການໃນການແກ້ໄຂຂໍ້ຂັດແຍ່ງຕົວຈິງ…

ຮັບກະແສການລົງທຶນໃໝ່-ຫວຽດນາມສຸມໃສ່ພັດທະນາອຸດສາຫະກຳໜູນຊ່ວຍຢູ່ລະດັບສູງກວ່າ ກະແສເງິນລົງທຶນໂດຍກົງຈາກຕ່າງປະເທດ (FDI) ໄດ້ຟື້ນຟູຢ່າງແຮງໃນເດືອນ ກຸມພາ 2021.