| ປະທານາທິບໍດີ ຢູແກຼນ ສະແດງຄວາມປະທັບໃຈຕໍ່ບັນດາຜົນງານຂອງ ຫວຽດນາມ | |
| ຫວຽດນາມ ເຂົ້າຮ່ວມກອງປະຊຸມຄະນະກຳມະການຮ່ວມມືຮ່ວມ ອາຊຽນ - ຈີນຄັ້ງທີ 22 |
 |
| ທ່ານ ເລຂາທິການໃຫຍ່, ປະທານປະເທດ ຫວຽດນາມ ຫງວຽນຝູຈ້ອງ ກ່າວຄຳເຫັນທີ່ກອງປະຊຸມ (ພາບ: TTXVN) |
ຕອນເຊົ້າວັນທີ 8 ມີນາ, ກອງປະຊຸມຄັ້ງທີ 2 ຂອງຄະນະບໍລິຫານງານສູນກາງພັກ ຊຸດທີ XIII ໄດ້ໄຂຂຶ້ນຢູ່ນະຄອນຫຼວງ ຮ່າໂນ້ຍ ໂດຍທ່ານ ເລຂາທິການໃຫຍ່, ປະທານປະເທດ ຫວຽດນາມ ຫງວຽນຝຸຈ້ອງ ເປັນປະທານ ແລະ ກ່າວຄຳເຫັນໄຂກອງປະຊຸມ. ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ໄດ້ບໍລິຫານວາລະໄຂກອງປະຊຸມ. ທີ່ກອງປະຊຸມ, ຄະນະບໍລິຫານງານສູນກາງພັກ ຊຸດທີ XIII ໄດ້ປຶກສາຫາລື ກ່ຽວກັບ: ໂຄງການເຮັດວຽກຂອງທັງອາຍຸການ ຂອງຄະນະບໍລິຫານງານສູນກາງພັກຊຸດທີ XIII, ແນະນຳບຸກຄະລາກອນການນຳຂັ້ນສູງຂອງບັນດາອົງການແຫ່ງລັດ ແລະ ບາງບັນຫາສຳຄັນອື່ນໆ.
ກ່າວຄຳເຫັນໄຂກອງປະຊູມ, ທ່ານ ເລຂາທິການໃຫຍ່, ປະທານປະເທດ ຫວຽດນາມ ຫງວຽນຝູຈ້ອງ ຊີ້ແຈ້ງວ່າ: ກອງປະຊຸມໄດ້ດຳເນີນໃນບັນຍາກາດທົ່ວປະເທດ ຫາກໍ່ຕ້ອນຮັບບຸນເຕັດ, ສະແດງຄວາມຊົມເຊີຍຕໍ່ຜົນສຳເລັດອັນດີງາມຂອງກອງປະຊຸມໃຫຍ່ຄັ້ງທີ XIII ຂອງພັກ ແລະ ພວມຕັ້ງໜ້າຜັນຂະຫຍາຍ ການປະຕິບັດໜ້າທີ່ພັດທະນາເສດຖະກິດ - ສັງຄົມ, ການປ້ອງກັນ, ສະກັດກັ້ນໂລກລະບາດໂຄວິດ - 19. ພ້ອມທັງຮີບເຮັ່ງ ກະກຽມ ດຳເນີນການເລືອກຕັ້ງສະມາຊິກສະພາແຫ່ງຊາດຊຸດທີ XV ແລະ ສະມາຊິກສະພາປະຊາຊົນທຸກຂັ້ນ ອາຍຸການ 2021 – 2026 ຢ່າງມີໄຊ. ພາຍຫຼັງກອງປະຊຸມໃຫຍ່ ຄັ້ງທີ 13 ຂອງພັກ ມາຮອດປັດຈຸບັນ, ກົມການເມືອງໄດ້ຮີບເຮັ່ງຊີ້ນຳການບູລະນະໃຫ້ສຳເລັດ ແລະ ປະກາດບັນດາເອກະສາດຂອງ ກອງປະຊຸມໃຫຍ່, ກະກຽມປະກາດຄຳສັ່ງຂອງ ກົມການເມືອງ ກ່ຽວກັບການຄົ້ນຄ້ວາ, ຮ່ຳຮຽນ, ເຊື່ອມຊືມ, ໂຄສະນາ ແລະ ຜັນຂະຫຍາຍການປະຕິບັດມະຕິຂອງກອງປະຊຸມໃຫຍ່ຄັ້ງທີ XIII ຂອງພັກ, ກະກຽມສ້າງບັນດາຂໍ້ກຳນົດກ່ຽວກັບການເຮັດວຽກ, ພ້ອມກັບບາງເນື້ອໃນສຳຄັນອື່ນ. ທ່ານເລຂາທິການໃຫຍ່, ປະທານປະເທດ ຫງວຽນຝຸຈ້ອງໃຫ້ຮູ້ວ່າ:
ສະເໜີໃຫ້ສູນກາງພັກສຸມໃສ່ ປຶກສາຫາລື, ຄັດເລືອກນຳເຂົ້າບັນດາໂຄງການ ບັນດາບັນຫາໃຫຍ່, ສຳຄັນ ແລະ ຈຳເປັນທີ່ສຸດ, ເໝາະສົມກັບພາລະໜ້າທີ່ ແລະ ສິດອຳນາດຂອງ ຄະນະບໍລິຫານງານສູນກາງພັກ. ໃຫ້ບຸລິມະສິດແກ່ບັນດາບັນຫາ ຮີບຮ້ອນ, ຫຍຸ້ງຍາກຕ້ອງຮັບການແກ້ໄຂ, ບັນດາຂັ້ນຕອນບຸກທະລຸ, ບັນດາໜ້າທີ່ຫຼັກແຫຼ່ງ. ສ້າງກົງຈັກຂອງລະບົບການເມືອງຢ່າງກະທັດຮັດ, ມີການເຄື່ອນໄຫວຢ່າງມີປະສິດທິຜົນ. ສືບຕໍ່ຍູ້ແຮງການຕໍ່ສູ້ປ້ອງກັນ, ສະກັດກັ້ນ ການສໍ້ລາດບັງຫຼວງ, ຟຸ່ມເຟືອຍ, ອາດຍາສິດ, ເດັດດຽວຕໍ່ສູ້ປົກປັກຮັກສາເອກະລາດ, ອະທິປະໄຕຢ່າງໝັ້ນຄົງ, ຄວາມເປັນເອກະພາບ, ປົກປັກຮັກສາຜືນແຜ່ນດິນອັນຄົບຖ້ວນ, ພ້ອມທັງຮັກສາສະພາບແວດລ້ອມແຫ່ງສັນຕິພາບ, ສະຖຽນລະພາບ ເພື່ອພັດທະນາປະເທດຊາດ, ເປັນເຈົ້າການ ແລະ ຕັ້ງໜ້າເຊື່ອມໂຍງເຂົ້າກັບສາກົນ.
ຕາມໂຄງການ, ກອງປະຊຸມຈະດຳເນີນຮອດວັນທີ 9 ມີນາ 2021 ຈຶ່ງອັດລົງ.
 | ທ່ານຮອງເອັກອັກຄະລັດຖະທູດ ມີຄວາມຫວັງຢາກປະກອບສ່ວນຊຸກຍູ້ການພົວພັນຄູ່ຮ່ວມມືລະຫວ່າງ ຫວຽດນາມ - ອາເມລິກາ ຍສໝ - ທີ່ການຕົ້ນຮັບ, ທ່ານນາງປະທານ ຫງວຽນເຟືອງງາ ໄດ້ແນະນຳກ່ຽວກັບໜ້າທີ່, ພາລະບົດບາດ ແລະ ບັນດາຜົນງານທີ່ບັນລຸໄດ້ໃນວຽກງານການທູດ ປະຊາຊົນຂອງ ສະຫະສະມາຄົມບັນດາອົງການມິດຕະພາບ ຫວຽດນາມ ແລະ ສະມາຄົມ ຫວຽດນາມ - ອາເມລິກາ. |
 | ເວທີປາໄສການທ່ອງທ່ຽວສາກົນ St. Petersburg - ຫວຽດນາມ ຄັ້ງທີ 2 ຍສໝ - ເຂົ້າຮ່ວມເຫດການມີທ່ານ ຫງວຽນເລຟຸກ ຮອງຫົວໜ້າກົມໃຫຍ່ການທ່ອງທ່ຽວ ຫວຽດນາມ, ທ່ານ Demyan O. Smilevets ຫົວໜ້າຫ້ອງການຮ່ວມມືສາກົນກົມໃຫຍ່ການທ່ອງທ່ຽວສະຫະພັນລັດເຊຍ, ທ່ານນາງ Nana M. Gvichia ຮອງຫົວໜ້າຄະນະກຳມະການພັດທະນາການທ່ອງທ່ຽວ St. Petersburg, ທ່ານ Vyacheslav G. Kalganov ຮອງຫົວໜ້າຄະນະກຳມະການພົວພັນຕ່າງປະເທດ St. Petersburg, ພ້ອມກັບຜູ້ຕາງໆທີ່ມາຈາກບັນດາວິສາຫະກິດການທ່ອງທ່ຽວ ... |
 | ຫວຽດນາມ ຕີລາຄາສູງ ແລະ ສະໜັບສະໜູນການເຄື່ອນໄຫວຂອງຄະນະປະຕິບັດການຮັກສາສັນຕິພາບຢູ່ ຊູດັງໃຕ້ ຍສໝ - ກ່າວຄຳເຫັນທີ່ກອງປະຊຸມ, ທ່ານດັ້ງດິ່ງກຸ໊ຍ, ເອກອັກຄະລັດຖະທູດ, ຫົວໜ້າຄະນະຜູ້ຕາງໜ້າ ຫວຽດນາມ ປະຈຳ ສະຫະປະຊາຊາດ ໄດ້ຕີລາຄາສູງ ບັນດາຄວາມຄືບໜ້າຢ່າງຕັ້ງໜ້າ ກ່ຽວກັບການເມືອງ - ຄວາມໝັ້ນຄົງ ຢູ່ ປະເທດຊູດັງໃຕ້ ໃນໄລຍະທີ່ຜ່ານມາ, ໃນນັ້ນ UNMISS ໄດ້ສວມບົດບາດສຳຄັນໃນການຊຸກຍູ້ບັນດາຄວາມຄືບໜ້າດັ່ງກ່າວ. |
vovworld.vn
