 |
| ພາບປະກອບ |
ທ່ານ ສະເຫຼີມໄຊ ກົມມະສິດ ລັດຖະມົນຕີການຕ່າງປະເທດລາວ ໃຫ້ຮູ້ວ່າ, ໃນຄັ້ງຕີລາຄາ 3 ປີມໍ່ໆມານີ້ຕໍ່ກັບບັນດາປະເທດດ້ອຍພັດທະນາ, ລາວ ໄດ້ສະເໜີເວລາກະກຽມ 5 ປີເພື່ອສາມາດຫຼຸດພົ້ນອອກຈາກກຸ່ມ 46 ປະເທດດ້ອຍພັດທະນາກວ່າໝູ່ໃນປີ 2026, ປີສຸດທ້າຍຂອງແຜນການພັດທະນາເສດຖະກິດ-ສັງຄົມ 5 ປີ ຄັ້ງທີ VIII. ການຫຼຸດພົ້ນອອກຈາກກຸ່ມບັນດາປະເທດດ້ອຍພັດທະນາບໍ່ແມ່ນການຢຸດຕິ ແລະບໍ່ໝາຍຄວາມວ່າ ລາວ ຈະບໍ່ອຶດຫິວ, ທຸກຍາກຕື່ມອີກແຕ່ວິວັດການນີ້ຈະຊີ້ອອກບັນດາຜົນງານທີ່ບັນລຸໄດ້ກໍ່ຄືຄວາມຫຍຸ້ງຍາກເຊິ່ງລັດຖະບານໄດ້ຜ່ານຜ່າໃນບັນດາຂົງເຂດທີ່ໃຫ້ບຸລິມະສິດ.
ລາວຫຼຸດພົ້ນອອກຈາກກຸ່ມບັນດາປະເທດດ້ອຍພັດທະນາແມ່ນເປົ້າໝາຍຍາວນານທີ່ລັດຖະບານລາວ ໄດ້ວາງອອກແຕ່ປີ 2000, ຜ່ານຄໍາໝັ້ນສັນຍາຢ່າງແຮງ ແລະຄວາມກ້າວໜ້າທີ່ສະເໝີຕົ້ນສະເໝີປາຍໃນການປະຕິບັດບັນດາແຜນການພັດທະນາເສດຖະກິດ-ສັງຄົມແຫ່ງຊາດ.
ສຳລັບ ສປປ ລາວ ການຫຼຸດພົ້ນອອກຈາກສະຖານະພາບປະເທດດ້ອຍພັດທະນາ ຢ່າງມີຄຸນນະພາບ ແມ່ນຄາດໝາຍສູ້ຊົນໄລຍະຍາວຂອງພັກ ແລະ ລັດຖະບານ. ໃນຊຸມປີຜ່ານມາ ລັດຖະບານໄດ້ສຸມທຸກຄວາມພະຍາຍາມເພື່ອບັນລຸຄາດໝາຍດັ່ງກ່າວ ໂດຍຜ່ານການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດໃນແຕ່ລະໄລຍະ ແລະ ຍາດໄດ້ຜົນສຳເລັດໃນຫຼາຍໆດ້ານ.
ການຫຼຸດພົ້ນອອກຈາກສະຖານະພາບປະເທດດ້ອຍພັດທະນາ ຈະຊ່ວຍເຮັດໃຫ້ຖານະບົດບາດ ແລະ ອິດທິພົນຂອງ ສປປ ລາວ ພົ້ນເດັ່ນຂຶ້ນໃນເວທີສາກົນ ລວມທັງບົດບາດໃນການປຶກສາຫາລືບັນຫາການເມືອງໂລກ. ໃນດ້ານການຄ້າ ແລະ ການເຊື່ອມໂຍງເສດຖະກິດກັບພາກກພື້ນ ແລະ ສາກົນ ກໍ່ຈະສ້າງຄວາມເຊື່ອໝັ້ນໃຫ້ແກ່ນັກລົງທຶນຕ່າງປະເທດ ໃຫ້ມີຄວາມສົນໃຈເຂົ້າມາລົງທຶນຢູ່ປະເທດເຮົາຫຼາຍຂຶ້ນ ອັນຈະເປັນການສ້າງວຽກເຮັດງານທຳໃຫ້ແກ່ປະຊາຊົນ ແລະ ປະກອບສ່ວນເຂົ້າໃນການກະຕຸກຊຸກຍູ້ເສດຖະກິດຂອງປະເທດເຮົາ ໃຫ້ສືບຕໍ່ຂະຫຍາຍຕົວຢ່າງມີຄຸນນະພາບ ຕາມທິດຍືນຍົງ ແລະ ສີຂຽວ.
ມາຮອດປັດຈຸບັນຈຳນວນປະເທດດ້ອຍພັດທະນາໄດ້ເພິ່ມຂຶ້ນເປັນ 46 ປະເທດ,ໃນນັ້ນ 33 ປະເທດຢູ່ທະວີບອາຟຣິກກາ, 12 ປະເທດຢູ່ທະວີບອາຊີ-ປາຊິຟິກ, 1 ປະເທດ ຢູ່ທະວີບອາເມລິກາລາຕິນ, ພົນລະເມືອງຂອງບັນດາປະເທດເຫຼົ່ານີ້ມີປະມານ 880 ລ້ານຄົນ, ກວມເອົາ 12% ຂອງປະຊາກອນໂລກ, ແຕ່ສັດສ່ວນລວມຍອດຜະລິດຕະພັນພາຍໃນ ຫຼື GDP ກວມພຽງແຕ່ 2% ແລະ ບໍລິມາດສິນຄ້າສົ່ງອອກ-ນໍາເຂົ້າ ມີພຽງ 1% ຂອງໂລກ.
 | ຫວຽດນາມ ສະເໜີໃຫ້ຈີນ ສືບຕໍ່ສະໜັບສະໜູນບັນດາໂຄງການໃນຂອບເຂດຂໍ້ລິເລີ່ມຮ່ວມສຳພັນອາຊຽນ ທ່ານເອກອັກຄະລັດຖະທູດຫວຽດນາມ ຫງວຽນຫາຍບັ່ງ, ຫົວໜ້າຄະນະຜູ້ແທນຫວຽດນາມ ປະຈຳອາຊຽນ ໄດ້ຊົມເຊີຍການຕັ້ງໜ້າເຂົ້າຮ່ວມຂອງຈີນ ເຂົ້າໃນບັນດາໂຄງການໃນຂອບເຂດຂໍ້ລິເລີ່ມຮ່ວມສຳພັນອາຊຽນ (IAI). |
 | ແນະນຳກ່ຽວກັບກາເຟຊະນິດຕ່າງໆທີ່ໄດ້ປູກຢູ່ ຫວຽດນາມ ຮູບແບບຮ້ານກາເຟປຶ້ມພວມໄດ້ຮັບຄວາມນິຍົມຊົມຊອບຢູ່ ຮ່າໂນ້ຍ, ຮູບແບບດັ່ງກ່າວທັງກະຕຸ້ນການພັດທະນາເສດຖະກິດ ທັງຂະຫຍາຍວັດທະນະທຳອ່ານປື້ມອີກດ້ວຍ. ນອກຈາກມີລັກສະນະລວມແມ່ນ ມີບັນຍາກາດທີ່ສະຫງົບງຽບແລ້ວ, ຄວາມຫຼາກຫຼາຍ, ອຸດົມສົມບູນກ່ຽວກັບປະເພດປຶ້ມ, ຈຸດທີ່ເປັນເອກະລັກສະເພາະໃນການຈັດແຈງປະດັບປະດາ ແລະ ເມນູເຄື່ອງດື່ມທີ່ພິເສດຂອງຮ້ານ ໄດ້ສ້າງຄວາມແຕກຕ່າງ ແລະ ຈຸດພິເສດຂອງແຕ່ລະຮ້ານ. ຖ້າຫາກວ່າ ບັນດາຮ້ານກາເຟປຶ້ມຄື Tungbook Cafe, Ca chep Cafe & Book Store, Work ... |
 | IAMM: ຫວຽດນາມຮ່ວມມືກັບບັນດາປະເທດອື່ນ ເພື່ອປ້ອງກັນ ແລະ ຕ້ານການລະບາດຂອງ COVID-19 ຍສໝ - ທ່ານຮອງນາຍົກລັດຖະມົນຕີຟ້າມບິ່ງມິງ ໄດ້ຢືນຢັນວ່າ, ຫວຽດນາມ ຈະສະໜັບສະໜູນ, ໜູນຊ່ວຍປະທານອາຊຽນ 2021 ໃນການປະຕິບັດສຳເລັດໜ້າທີ່, ສືບຕໍ່ຊຸກຍູ້ການກໍ່ສ້າງປະຊາຄົມອາຊຽນ, ຄວບຄຸມ ແລະ ຕ້ານໂລກລະບາດ COVID-19 ຢ່າງມີປະສິດທິຜົນ. |
ໄຊພອນ
