 |
ທ່ານ ຣາວີ ຊັນກາ ໄອໂຊລາ (Ravi Shankar Isola) ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ປະເທດອິນເດຍ ປະຈຳ ສປປ ລາວ.
ໂດຍການເຂົ້າຮ່ວມພິທີ ຂອງ ທ່ານ ຣາວີ ຊັນກາ ໄອໂຊລາ (Ravi Shankar Isola) ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ປະເທດອິນເດຍ ປະຈຳ ສປປ ລາວ, ທ່ານ ບຸນຕຽມ ພິດສະໄໝ ປະທານສະມາຄົມມິດຕະພາບ ລາວ-ອິນເດຍ, ມີບັນດາສະມາຄົມອິນເດຍ ແລະ ສື່ມວນຊົນ ເຂົ້າຮ່ວມ.
ທ່ານ ມະຫາຕະມະ ຄານທີ ແມ່ນຜູ້ນຳທີ່ດີເດັ່ນ ແລະ ເປັນບິດາຄົນທຳອິດ ຂອງປະຊາຊົນອິນເດຍ ທ່ານເປັນນັກກົດໝາຍ, ນັກຕໍ່ສູ້ຜູ້ພິລະອາດຫານ ແລະ ນັກການເມືອງທີ່ມີຫົວຄິດປະດິດສ້າງ ໃນການເຕົ້າໂຮມຄວາມສາມັກຄີປວງຊົນທັງຊາດ ຕ້ານກັບການຄອບຄອງການກົດຂີ່ຂົ່ມເຫັງ, ຕ້ານຄວາມບໍ່ຍຸຕິທຳໃນສັງຄົມ ໃນການຈັດຕັ້ງຊີ້ນຳ, ນຳພາການຕໍ່ສູ້ກູ້ຊາດ ເພື່ອຍາດເອົາຄວາມເປັນເອກະ ລາດແຫ່ງຊາດ ມາສູ່ປະຊາຊົນອິນເດຍ ຢ່າງມີໄຫວພິບຄ່ອງແຄ້ວ ດ້ວຍການວາງນະໂຍບາຍ, ຍຸຕິທຳ, ຍຸດໂທບາຍ ແລະ ວິທີການຕໍ່ສູ້ແບບບໍ່ໃຊ້ຄວາມຮຸນແຮງຫລາຍຮູບແບບ.
 |
ທ່ານ ລີຕູ້ ບົວປາວ ອະດີດຮອງລັດຖະມົນຕີ ກະຊວງ ສຶກສາທິການ ແລະ ກິລາ ແຫ່ງ ສປປ ລາວ.
ທ່ານ ລີຕູ້ ບົວປາວ ອະດີດຮອງລັດຖະມົນຕີ ກະຊວງ ສຶກສາທິການ ແລະ ກິລາ, ທັງເປັນອະດີດອາຈານສອນ ວິຊາປະຫວັດສາດໂລກ ສະໄໝປັດຈຸບັນ ທີ່ມະຫະວິທະຍາໄລສ້າງຄູວຽງຈັນ ໄດ້ຍົກໃຫ້ເຫັນເຖິງບັນດານະໂຍບາຍ ການຕໍ່ສູ້ກູ້ຊາດແບບສັນຕິວິທີ ທີ່ຄວນຖືເອົາເປັນບົດຮຽນ ແລະ ນຳໃຊ້ຢ່າງມີຫົວຄິດປະດິດສ້າງ ໂດຍສະເພາະວິທີການຕໍ່ສູ້ທີ່ມີປະສິດທິພາບ ແລະ ປະສິດທິຜົນ, ບໍ່ມີການສູນເສຍຊີວິດ ແລະ ຊັບສິນອັນມະຫາສານ.
（ແຫຼ່ງຂໍ້ມູນ： ຂປລ）
