 |
ພິທີໄຫວ້ອາໄລ ທ່ານປະທານປະເທດ ແຫ່ງ ສສ ຫວຽດນາມ ຢູ່ ນະຄອນຫຼວງວຽງຈັນ ສປປ ລາວ.
ພາຍຫລັງວາງພວງມະລາແລ້ວ ສະຫາຍ ບຸນຍັງ ວໍລະຈິດ ແລະ ສະຫາຍ ທອງລຸນ ສີສຸລິດ ໄດ້ເຂົ້າເຊັນປື້ມໄຫວ້ອາໄລ ໂດຍມີເນື້ອໃນວ່າ: ຄະນະບໍລິຫານງານສູນກາງພັກ ປະຊາຊົນປະວັດລາວ, ສະພາແຫ່ງຊາດ, ລັດຖະບານ ແຫ່ງ ສປປ ລາວ ແລະ ສູນກາງແນວລາວສ້າງຊາດ ຮູ້ສຶກສະເທືອນໃຈ ແລະ ເສົ້າໂສກເສຍໃຈເປັນຢ່າງຍິ່ງ ເມື່ອໄດ້ຮັບຂ່າວການຈາກໄປໂດຍບໍ່ມີວັນກັບຄືນມາຂອງສະຫາຍ ເຈິ່ນ ດ໋າຍ ກວາງ, ການຈາກໄປຂອງສະຫາຍ ບໍ່ພຽງແຕ່ເປັນການສູນເສຍຜູ້ນຳທີ່ເຄົາລົບຮັກຂອງພັກ, ລັດ ແລະ ປະຊາຊົນຫວຽດນາມ ແຕ່ຍັງເປັນການສູນເສຍເພື່ອນມິດສະຫາຍ ທີ່ໃກ້ຊິດ ແລະ ສະໜິດສະໜົມທີ່ສຸດ ຂອງ ພັກ, ລັດ ແລະ ປະຊາຊົນລາວ.
ສະຫາຍ ເຈິ່ນ ດ໋າຍ ກວາງ ເປັນຜູ້ໜຶ່ງທີ່ປະກອບສ່ວນອັນສໍາຄັນ ເຂົ້າໃນພາລະກິດ ປົກປັກ ຮັກສາ ແລະ ສ້າງສາພັດທະນາປະເທດຊາດ ຂອງ ສສ.ຫວຽດນາມ ໂດຍສະເພາະ ໃນຂົງ ເຂດ ວຽກງານປ້ອງກັນຊາດ, ປ້ອງກັນຄວາມສະຫງົບ ແລະ ຄວາມເປັນລະບຽບຮຽບຮ້ອຍ ພາຍໃນ ຂອງ ສສ.ຫວຽດນາມ. ສະຫາຍ ເຈິ່ນ ດ໋າຍ ກວາງ ຍັງເປັນຜູ້ໜຶ່ງ ທີ່ປະກອບສ່ວນອັນສຳຄັນ ເຂົ້າໃນການ ຮັດແໜ້ນ ແລະ ເສີມຂະຫຍາຍສາຍພົວພັນມິດຕະພາບ, ຄວາມສາມັກຄີພິເສດ ແລະ ການຮ່ວມມື ຮອບດ້ານ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມ ຕະຫລອດ ມາ.
ໃນຊວງເວລາໂສກເສົ້າອາໄລຢ່າງສຸດຊຶ້ງນີ້, ຄະນະບໍລິຫານງານສູນກາງພັກ ປະຊາຊົນ ປະ ວັດລາວ, ສະພາແຫ່ງຊາດ, ລັດຖະບານ ແຫ່ງ ສປປ ລາວ, ສູນກາງແນວລາວສ້າງຊາດ ແລະ ປະ ຊາຊົນລາວ ບັນດາເຜົ່າ ສະແດງຄວາມອາໄລອາວອນຢ່າງສຸດຊຶ້ງ ແລະ ຂໍແບ່ງເບົາຄວາມທຸກ ເສົ້າ ໂສກເສຍໃຈ ມາຍັງຄະນະບໍລິຫານງານສູນກາງພັກກອມມູນິດຫວຽດນາມ, ສະພາແຫ່ງຊາດ, ລັດຖະ ບານ ແຫ່ງ ສາທາລະນະລັດ ສັງຄົມນິຍົມຫວຽດນາມ, ສູນກາງແນວໂຮມປະເທດຊາດ ຫວຽດນາມ ແລະ ປະຊາຊົນຫວຽດນາມອ້າຍນ້ອງ, ໂດຍສະເພາະຕໍ່ຄອບຄົວ, ຍາດຕິພີ່ນ້ອງ ແລະ ເພື່ອນມິດ ສະຫາຍ ເຈິ່ນ ດ໋າຍ ກວາງ ມານະໂອກາດນີ້ດ້ວຍ.
 |
ທ່ານເລຂາທິການໃຫຍ່ ບຸນຍັງ ວໍລະຈິດ ໄດ້ເຊັນປື້ມໄຫວ້ອາໄລ ສະຫາຍ ປະທານປະເທດ ສສ ຫວຽດນາມ ເຈີ່ນດ້າຍ ກວາງ.
 |
ທ່ານທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ໄດ້ເຊັນປື້ມໄຫວ້ອາໄລ ສະຫາຍ ປະທານປະເທດ ສສ ຫວຽດນາມ ເຈີ່ນດ້າຍ ກວາງ.
 |
ທ່ານປານີ ຢາທໍຕູ້ ປະທານສະພາແຫ່ງຊາດລາວ ໄດ້ເຊັນປື້ມໄຫວ້ອາໄລ ສະຫາຍ ປະທານປະເທດ ສສ ຫວຽດນາມ ເຈີ່ນດ້າຍ ກວາງ.
 |
ຄະນະກຳການນຳລະດັບສູງ ຂອງພັກ-ລັດ, ທະຫານ, ຕຳຫຼວດ ແຫ່ງ ສປປ ລາວ ເຂົ້າຄຳນັບອາໄລ ຕໍ່ການຈາກໄປຂອງ ສະຫາຍ ເຈີ່ນດ້າຍກວາງ.
 |
ຄະນະຜູ້ນຳລະດັບສູງຂອງພັກ, ລັດ , ທະຫານ, ຕຳຫຼວດ ກົ້ມຫົວໄຫວ້ອາໄລ ສະຫາຍປະທານປະເທດ ເຈີ່ນດ້າຍ ກວາງ.
（ຫັດທະບູນ）
