ສະຫາຍ ພັນຄຳ ວິພາວັນ, ກຳມະການກົມການເມືອງສູນກາງພັກ, ຜູ້ປະຈຳການຄະນະເລຂາທິການສູນກາງພັກ, ຮອງປະທານປະເທດ, ຕາງໜ້າຄະນະບໍລິຫານງານສູນກາງພັກ ປະຊາຊົນປະຕິວັດລາວ, ສະພາແຫ່ງຊາດ, ລັດຖະບານ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ສູນກາງແນວລາວສ້າງຊາດ ພ້ອມດ້ວຍ ປະຊາຊົນລາວບັນດາເຜົ່າ, ໄດ້ນຳພາຄະນະເຂົ້າຮ່ວມພິທີ ໄຫວ້ອາໄລ ສະຫາຍ ເຈິ່ນ ດ໋າຍ ກວາງ ກໍາມະການກົມການເມືອງສູນກາງພັກກອມມູນິດຫວຽດນາມ, ປະທານປະເທດ ແຫ່ງ ສາທາລະນະລັດ ສັງຄົມນິຍົມຫວຽດນາມ, ທີ່ ນະຄອນຫລວງ ຮ່າໂນ້ຍ.
 |
ໃນຕອນເຊົ້າຂອງວັນທີ 26 ກັນຍາ 2018, ຄະນະ ໄດ້ໄປວາງພວງມາລາ ແລະ ຂຽນປື້ມ ທີ່ຫໍຊາປະນະກິດສົບແຫ່ງຊາດ, ເຮືອນເລກທີ 5 ເຈິ່ນ ແຖງ ຕົງ, ນະຄອນ ຫລວງຮ່າໂນ້ຍ, ເພື່ອສະແດງຄວາມໄຫວ້ອາໄລ ແລະ ເສຍໃຈຢ່າງສຸດຊຶ້ງ ຕໍ່ການຈາກໄປຂອງ ສະຫາຍ ເຈິ່ນ ດ໋າຍ ກວາງ, ປະທານປະເທດ ແຫ່ງ ສສ.ຫວຽດນາມ, ຜູ້ທີ່ບໍ່ພຽງແຕ່ເປັນຜູ້ນໍາທີ່ສໍາຄັນຂອງ ສ ສ.ຫວຽດນາມ ແຕ່ຍັງເປັນເພື່ອນມິດທີ່ໃກ້ຊິດ ສະໜິດສະໜົມ ຂອງ ສປປ ລາວ. ການຈາກໄປຂອງສະຫາຍ ເຈິ່ນ ດ໋າຍ ກວາງ ທີ່ບໍ່ມີວັນຫວນຄືນມາ ເປັນການສູນເສຍອັນໃຫຍ່ຫລວງ ບໍ່ ພຽງແຕ່ຂອງພັກ-ລັດ ແລະ ປະຊາຊົນຫວຽດນາມອ້າຍນ້ອງ ແຕ່ຍັງເປັນການສູນເສຍເພື່ອນມິດສະຫາຍ ຂອງ ພັກ-ລັດ ແລະ ປະຊາຊົນລາວ ອີກດ້ວຍ.
ໃນວັນດຽວກັນ, ສະຫາຍ ພັນຄຳ ວິພາວັນ ພ້ອມດ້ວຍຄະນະ ໄດ້ເຂົ້າຢ້ຽມຂໍ່ານັບ ສະຫາຍ ຫງວຽນຟູ໋ ຈ໋ອງ, ເລຂາທິການໃຫຍ່ພັກກອມມູນິດຫວຽດນາມ, ເພື່ອສະແດງຄວາມເສົ້າ ໂສກເສຍໃຈອາໄລຮັກຢ່າງສຸດຊຶ້ງ ຕໍ່ການຈາກໄປຂອງ ສະຫາຍ ເຈິ່ນ ດ໋າຍ ກວາງ, ພ້ອມທັງນຳເອົາຄຳຢື້ຢາມຖາມຂ່າວ ແລະ ຄວາມເສົ້າສະຫລົດໃຈ ຈາກ ສະຫາຍ ເລຂາທິການໃຫຍ່, ປະ ທານປະເທດ ບຸນຍັງ ວໍລະຈິດ ແລະ ທຸກບັນດາການນຳຂັ້ນສູງ ພັກ-ລັດ ແຫ່ງ ສປປ ລາວ ມາຍັງ ພັກ-ລັດ ແລະ ປະຊາຊົນຫວຽດນາມ ຕໍ່ການສູນເສຍອັນໃຫຍ່ຫລວງໃນຄັ້ງນີ້, ໂດຍ ສະເພາະແມ່ນຄອບຄົວ, ເພື່ອນມິດຂອງສະຫາຍ ເຈິ່ນ ດ໋າຍ ກວາງ ດ້ວຍ.
 |
 |
 |
ພະນະທ່ານ ປອ ພັນຄຳ ວິພາວັນ ປະທານປະເທດ ແຫ່ງ ສປປ ລາວ ພ້ອມຄະນະການນຳຂັ້ນສູງຂອງພັກ-ລັດ ເຂົ້າໄຫວ້ອາໄລ ທ່ານປະທານປະເທດ ສສ ຫວຽດນາມ ເຈີ່ນດ້າຍ ກວາງ.
ໃນຕອນເຊົ້າຂອງວັນທີ 27 ກັນຍາ 2018, ຄະນະ ໄດ້ຮ່ວມກັບການນຳຂັ້ນສູງ ພັກ-ລັດ ແຫ່ງ ສສ.ຫວຽດນາມ ໄດ້ເຂົ້າຮ່ວມພິທີໄຫວ້ອາໄລຢ່າງເປັນທາງການ ໃຫ້ແກ່ ສະຫາຍ ເຈິ່ນ ດ໋າຍ ກວາງ ກ່ອນທີ່ຈະເຄື່ອນສົບໄປຈັດພິທີສົ່ງສະການ ຕາມປະເພນີຢູ່ບ້ານເກີດຂອງເພິ່ນ ທີ່ ແຂວງນິງບິ່ງ.
（ຫັດທະບູນ）
