 |
ທ່ານ ລີ ຢົງ ຊົນ ເອກອັກຄະລັດຖະທູດ ແຫ່ງ ສປປ ເກົາຫລີ ປະຈຳ ສປ ປ ລາວ.
ໂອກາດດັ່ງກ່າວ, ທ່ານ ລີ ຢົງ ຊົນ ເອກອັກຄະລັດຖະທູດ ແຫ່ງ ສປປ ເກົາຫລີ ປະຈຳ ສປ ປ ລາວ ໄດ້ຍົກໃຫ້ເຫັນມູນເຊື້ອ ແຫ່ງການເຕີບໃຫຍ່ຂະຫຍາຍ ຕົວຂອງ ສປປ ເກົາຫລີ ຕະຫລອດໄລຍະ 70 ປີທີ່ຜ່ານມາ, ເຊິ່ງ ສປປ ເກົາຫລີ ໄດ້ຜ່ານຜ່າອຸປະສັກ ແລະ ຕໍ່ສູ້ຕ້ານການຮຸກຮານຂອງພວກຈັກກະພັດ ຈົນສາມາດຍາດໄດ້ໄຊຊະນະ ແລະ ປະກາດສະຖາປະນາ ສປປ ເກົາຫລີ ໃນວັນທີ 9 ກັນຍາ 1948. ນັບແຕ່ນັ້ນເປັນຕົ້ນມາ ສປປ ເກົາຫລີ ໄດ້ກາຍເປັນປະເທດທີ່ເຂັ້ມແຂງດ້ານການເມືອງແນວຄິດ, ດ້ານການທະຫານ ແລະ ຢຶດໝັ້ນນະໂຍບາຍຍຸດທະສາດເສີມສ້າງຄວາມເຂັ້ມແຂງ ທັງດ້ານນິວເຄລຍ ແລະ ເສດຖະກິດ. ພ້ອມນັ້ນ, ທ່ານ ຍັງໄດ້ຍົກໃຫ້ເຫັນເຖິງຄຸນງາມຄວາມດີ ຂອງບັນດາຜູ້ນໍາທີ່ໄດ້ປະກອບສ່ວນ ເຂົ້າໃນການ ສ້າງສາພັດທະນາປະເທດຊາດ, ເສດຖະກິດ-ສົງຄົມ, ສ້າງຄວາມເຂັ້ມແຂງ ທາງດ້ານວຽກງານປ້ອງກັນຊາດ, ຢຶດໜັ້ນແນວທາງເອກະລາດ ແລະ ອື່ນໆ.
ທ່ານ ລີ ຢົງ ຊົນ ຍັງໄດ້ຍົກໃຫ້ເຫັນເຖິງ ສາຍພົວພັນມິດຕະພາບ ແລະ ການຮ່ວມມືລະຫວ່າງສອງປະເທດ ເກົາຫລີ-ລາວ ທີ່ໄດ້ໃຫ້ການສະໜັບ ສະໜູນຊ່ວຍເຫລືອເຊິ່ງກັນ ແລະ ກັນຕະຫລອດມາ, ເປັນປະເທດເພື່ອນມິດທີ່ມີການພົວພັນມິດຕະພາບ ແລະ ການຮ່ວມມືຢ່າງໃກ້ຊິດ ແລະ ສືບຕໍ່ຮ່ວມມືກັນຕໍ່ສູ້ເພື່ອສັງຄົມນິຍົມ ແລະ ອຸດົມການອັນດຽວກັນໃນປັດ ຈຸບັນ.
（ແຫຼ່ງຂໍ້ມູນ： ຂປລ）
