 |
| ກອງທ້ອນໂຮມອັດຖິນັກຮົບທີ່ເສຍສະຫຼະຊິວິດທະຫານເຂດ II ໄດ້ພົບເຫັນອັດຖິທະຫານອາສາສະໝັກ, ນັກຊ່ຽວຊານຫວຽດນາມ ທີ່ເສຍຊີວິດໃນປາງສົງຄາມຢູ່ 6 ແຂວງພາກເໜືອລາວ 14 ອັດຖິ. ພາບ: nhandan |
ກອງທ້ອນໂຮມອັດຖິນັກຮົບທີ່ເສຍສະຫຼະຊິວິດທະຫານເຂດ II ໄດ້ພົບເຫັນອັດຖິທະຫານອາສາສະໝັກ, ນັກຊ່ຽວຊານຫວຽດນາມ ທີ່ເສຍຊີວິດໃນປາງສົງຄາມຢູ່ 6 ແຂວງພາກເໜືອລາວ 14 ອັດຖິ, ໃນນັ້ນມີ 1 ອັດຖິ ມີຊື່ ແລະນາມສະກຸນ, ບ້ານເກີດຢ່າງຈະແຈ້ງ. ຜູ້ຕາງໜ້າສະຖານກົງສຸນໃຫຍ່ຫວຽດນາມ ປະຈຳພາກເໜືອລາວ, ຜູ້ຕາງໜ້າອໍານາດການປົກຄອງ 6 ແຂວງພາກເໜືອລາວ, ປະຊາຊົນແຂວງອຸດົມໄຊ, ປະຊາຄົມຊາວຫວຽດນາມ ອາໄສຢູ່ແຂວງອຸດົມໄຊ ໄດ້ຖະຫວາຍທູບທຽນ ແລະດອກໄມ້ ເພື່ອສະແດງຄວາມຮູ້ບຸນຄຸນຕໍ່ການເສຍສະຫຼະຊີວິດຂອງບັນດານັກຮົບ. ຄາດວ່າ ພິທີໄວ້ອາໄລ ແລະປົງອັດຖິທະຫານທີ່ເສຍສະຫຼະຊີວິດ 13 ຄົນ ທີ່ຍັງບໍ່ທັນກຳນົດໄດ້ຊື່ ແລະນາມສະກຸນຈະດຳເນີນໃນວັນທີ 20 ມັງກອນ ທີ່ສຸສານນັກຮົບເສຍສະຫຼະຊີວິດຕົງຄາວ, ນະຄອນດ້ຽນບຽນຝູ, ແຂວງດ້ຽນບຽນ ສສ.ຫວຽດນາມ.
ກ່ອນໜ້ານັ້ນ, ກອງ 584, ກອງບັນຊາການທະຫານແຂວງກວາງຈິ້ ສສ.ຫວຽດນາມ ສືບຕໍ່ຂຸດຄົ້ນ, ທ້ອນໂຮມ ໄດ້ 5 ອັດຖິນັກຮົບເສຍສະຫຼະຊີວິດເພື່ອຊາດ ພ້ອມກັບວັດຖຸຕ່າງໆ. ໂດຍອີງໃສ່ວັດຖຸທີ່ຊອກເຫັນໄດ້, ສາມາດກຳນົດໄດ້ວ່າ, ບັນດານັກຮົບທີ່ເສຍສະຫຼະຊີວິດນັ້ນແມ່ນທະຫານອາສາສະໝັກຫວຽດນາມ ທີ່ເສຍສະຫຼະຊີວິດໃນການຕໍ່ສູ້ຕ້ານຈັກກະພັດ ອາເມລິກາ ໃນປາງສົງຄາມຢູ່ລາວ.
ປີ 2020, ເຖິງວ່າຖືກຜົນສະທ້ອນຈາກພະຍາດ ໂຄວິດ-19 ກໍ່ຕາມ, ແຕ່ການພົວພັນຮ່ວມມືສາກົນກັບບັນດາປະເທດ, ບັນດາອົງການຈັດຕັ້ງ, ບຸກຄົນທີ່ກ່ຽວຂ້ອງໃນວຽກງານຊອກຫາທ້ອນໂຮມອັດຖິທະຫານເສຍສະຫຼະຊີວິດເພື່ອຊາດຍັງໄດ້ຮັບການຜັນຂະຫຍາຍປະຕິບັດຢ່າງຕັ້ງໜ້າ, ມີປະສິດທິຜົນ. ດ້ວຍຄວາມຮັບຜິດຊອບດ້ານການເມືອງຕໍ່ພັກ, ຕໍ່ປະຊາຊົນ ແລະຄວາມຮູ້ບຸນຄຸນຢ່າງເລິກເຊິ່ງຕໍ່ບັນດານັກຮົບວິລະຊົນທີ່ເສຍສະຫຼະຊີວິດເພື່ອຊາດເພື່ອພາລະກິດປົດປ່ອຍຊາດ, ປົກປັກຮັກສາປະເທດຊາດ ແລະເຮັດພັນທະສາກົນ, ບັນດາກຳລັງເຮັດໜ້າທີ່ຊອກຫາທ້ອນໂຮມ ແລະກຳນົດອັດຖິທະຫານເສຍສະຫຼະຊີວິດເພື່ອຊາດ ພວມມານະພະຍາຍາມຜ່ານຜ່າຄວາມຫຍຸ້ງຍາກ, ສູ້ຊົນປະຕິບັດໜ້າທີ່ຊອກຫາທ້ອນໂຮມ ແລະກຳນົດອັດຖິທະຫານເສຍສະຫຼະຊີວິດເພື່ອຊາດເປັນຢ່າງດີ, ຕອບສະໜອງຄວາມມຸ່ງມາດປາດຖະໜາ, ຄວາມເຊື່ອໝັ້ນຂອງພັກ, ລັດ, ປະຊາຊົນ, ຍາດຕິພີ່ນ້ອງ, ຄອບຄົວນັກຮົບເສຍສະຫຼະຊີວິດເພື່ອຊາດ.
 | ອົດສະຕາລີ ໄດ້ສະໜັບສະໜູນກຸ່ມຄົ້ນຄວ້າຫວຽດນາມ ໃນການພັດທະນາຖ່ານໄຟແສງຕາເວັນລຸ້ນໃໝ່ ຍສໝ - ເຕັກໂນໂລຢີໃໝ່ຂອງກຸ່ມຄົ້ນຄວ້າຫວຽດນາມ ຈະເປັນບາດກ້າວໃນຂະບວນການຂຸດຄົ້ນທ່າແຮງ ຂອງພະລັງງານແສງໄຟຟ້າ ທີ່ເປັນແຫຼ່ງພະລັງງານທີ່ສະອາດ, ລາຄາບໍ່ແພງ ແລະ ມີຄວາມຍືນຍົງ. |
 | ລັດເຊຍ ຈະເຊື່ອມຕໍ່ສາຍການບິນສາກົນກັບປະເທດຫວຽດນາມ ຄືນໃໝ່ນັບແຕ່ວັນທີ 27 ມັງກອນ 2021 ຈະມາເຖິງ ຍສໝ - ບັນດາຖ້ຽວບິນຈະບິນຈາກນະຄອນຫຼວງມົດສະກູ ສອງຖ້ຽວຕໍ່ອາທິດໄປຍັງນະຄອນຫຼວງປະເທດຫວຽດນາມ, ອິນເດຍ, ແຟງລັງ ແລະ ສາມຖ້ຽວຕໍ່ອາທິດໄປຍັງນະຄອນຫຼວງ ກາຕາ. |
 | ການນໍາພັກ, ລັດຫວຽດນາມ ໄດ້ສົ່ງສານຊົມເຊີຍເຖິງການນໍາຈີນ ເນື່ອງໃນໂອກາດສະເຫຼີມສະຫຼອງ 71 ປີແຫ່ງວັນສ້າງຕັ້ງການພົວພັນທາງການທູດຫວຽດນາມ-ຈີນ ຍສໝ - ຫວຽດນາມ-ຈີນ ໄດ້ດຳເນີນຫຼາຍການເຄື່ອນໄຫວແລກປ່ຽນດ້ວຍຫຼາຍຮູບການຢ່າງໄຫວພິບ ບັນລຸໝາກຜົນທີ່ດີ, ປະກອບສ່ວນເພີ່ມທະວີການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ຈີນ ສືບຕໍ່ພັດທະນາຢ່າງປອດໃສ, ໝັ້ນຄົງ, ເໝາະສົມກັບຄວາມມຸ່ງມາດປາດຖະໜາ ແລະຜົນປະໂຫຍດຂອງປະຊາຊົນສອງປະເທດ. |
ໄຊພອນ
