ສະຫະພັນບັນດາສະມາຄົມມິດຕະພາບ

ພາສີສະຫວັນນະເຂດ-ກວາງຈິ ສືບຕໍ່ຮ່ວມມືໃນການກວດກາຈຸດດຽວ-ຄັ້ງດຽວ

08:22 | 22/10/2019

ທ້າຍອາທິດທີ່ຜ່ານມາ, ຢູ່ທີ່ໂຮງແຮມດາວສະຫວັນ ນະຄອນໄກສອນ ພົມວິຫານ ແຂວງສະຫວັນນະເຂດ (ສປປ.ລາວ) ໄດ້ຈັດກອງປະຊຸມພົບປະລະຫວ່າງກອງຄຸ້ມ ຄອງພາສີ VI (ສປປ ລາວ) ແລະກົມພາສີແຂວງກວາງຈິ (ສ.ສ ຫວຽດນາມ) ເພື່ອຕີລາຄາກ່ຽວກັບການຈັດຕັ້ງປະຕິບັດວຽກງານກວດກາ ຮ່ວມກັນຈຸດດຽວ, ຄັ້ງດຽວ (SWI/SSI)ທີ່ດ່ານສາກົນ ແດນສະຫວັນ(ແຂວງສະຫວັນນະເຂດ) ແລະດ່ານລາວ ບາວ (ແຂວງກວາງຈິ) ຝ່າຍ ສະຫວັນນະເຂດນຳໂດຍທ່ານ ສົມຈິດ ລາຊະວົງ ຮອງຫົວໜ້າ ກອງຄຸ້ມຄອງພາສີ VI ເປັນ ຫົວໜ້າຄະນະ, ຝ່າຍແຂວງ ກວາງຈິ (ສ.ສ ຫວຽດາມ) ນຳໂດຍ ທ່ານ ດິງ ງ໊ອກແທງ ຮອງຫົວໜ້າກົມພາສີແຂວງ ກວາງຈິເປັນຫົວໜ້າຄະນະ.


ກອງປະຊຸມພົບປະລະຫວ່າງກອງຄຸ້ມ ຄອງພາສີ VI (ສປປ ລາວ) ແລະກົມພາສີແຂວງກວາງຈິ  ສ.ສ ຫວຽດນາມ. (ພາບ:ສະຫວັນພັດທະນາຂ່າວ)

ໃນກອງປະຊຸມຄັ້ງນີ້ທັງ ສອງຝ່າຍ ໄດ້ພ້ອມກັນທົບທວນ ຄືນການຈັດຕັ້ງປະຕິບັດວຽກງານຂອງພາສີໃນການກວດກາຈຸດດຽວ, ຄັ້ງດຽວທີ່ໄດ້ປະຕິບັດຮ່ວມກັນໃນໄລຍະຜ່ານມາ, ພ້ອມນັ້ນ ກໍ່ໄດ້ທົບທວນຄືນ ການຈັດຕັ້ງປະຕິບັດເນື້ອໃນບົດ ບັນທຶກລະຫວ່າງພາສີສອງ ຝ່າຍທີ່ໄດ້ຈັດຂຶ້ນທີ່ແຂວງ ກວາງຈິໃນປີ 2018 ທີ່ຜ່ານມາກໍ່ເຫັນວ່າມີຜົນສຳເລັດໃນຫຼາຍດ້ານ ໂດຍສະເພາະນັບແຕ່ລັດຖະບານຂອງສອງຝ່າຍເຫັນດີ ເປັນເອກະພາບໃນການຜັນຂະຫຍາຍການຈັດຕັ້ງປະຕິບັດກົນໄກການກວດກາຮ່ວມກັນຈຸດ ດຽວ, ຄັ້ງດຽວ ( SWI/SSI ) ທີ່ດ່ານສາກົນແດນສະຫວັນ (ແຂວງສະຫວັນນະເຂດ) ແລະ ດ່ານລາວບາວ(ແຂວງ ກວາງຈິ), ການນຳທັງສອງຝ່າຍໄດ້ເອົາໃຈໃສ່ຊີ້ນຳດ່ານ ພາສີທີ່ຂຶ້ນກັບຄວາມຮັບຜິດຊອບຂອງຕົນຢ່າງເປັນປົກະຕິໃນການຈັດຕັ້ງຜັນຂະຫຍາຍ ການປະຕິບັດບາດກ້າວທີ 4 ຂອງກົນໄກ (SWI/SSI) ທີ່ ໄດ້ລົງນາມຮ່ວມກັນລະຫວ່າງ ກະຊວງການເງິນ ສປປ ລາວ ແລະກະຊວງການເງິນ ສ.ສ ຫວຽດນາມ, ຄັ້ງວັນທີ 27/ 10/2014 ທີ່ແຂວງວິງຝຸກ (ສສ.ຫວຽດນາມ) ກ່ຽວກັບ ສິນຄ້າ, ເຄື່ອງສິນ​ຄ້າສົ່ງອອກ-ນຳເຂົ້າ ແລະພາຫະນະ, ສອງຝ່າຍຕັດສິນໃຈສືບຕໍ່ຍູ້ແຮງເພື່ອຫັນວຽກງານພາສີເປັນທັນສະໄໝ, ຈັດວາງບຸກຄະລາກອນທີ່ປະຕິບັດໜ້າທີ່ຢູ່ ດ່ານສາກົນຂອງສອງແຂວງ ໃຫ້ມີຄວາມຮູ້, ຄວາມສາມາດ ທາງດ້ານວິຊາສະເພາະ, ພາສາຕ່າງປະເທດ ແລະ ພາສາ ຂອງສອງຝ່າຍພ້ອມທັງບັນຫາອື່ນໆ.

ຈາກນັ້ນ ສອງຝ່າຍໄດ້ເປັນ ເອກະພາບກັນສືບຕໍ່ຈັດຕັ້ງຜັນຂະຫຍາຍຜົນສຳເລັດ ແລະ ປັບປຸງແກ້ໄຂບັນຫາທີ່ຄົງຄ້າງ ດັ່ງນີ້ : ສືບຕໍ່ປະສານສົມທົບກັນໃນການຈັດຕັ້ງປະບັດກົນໄກການກວດກາຮ່ວມກັນຈຸດດຽວ, ຄັ້ງດຽວ (SWI/SSI) ທີ່ດ່ານສາກົນ ແດນສະຫວັນ-ລາວບາວ ໃຫ້ນັບມື້ດີຂຶ້ນ, ສືບຕໍ່ແລກປ່ຽນຂໍ້ມູນຂ່າວສານ ເຊິ່ງກັນ ແລະກັນຢ່າງເປັນປົກກະຕິເປັນຕົ້ນ: ບັນດາເປົ້າໝາຍຄ້າຂາຍເຖື່ອນ, ການລັກລອບໜີພາສີ,ການຂົນ ສົ່ງຢາເສບຕິດ ແລະສິນຄ້າ, ເຄື່ອງຂອງປະເພດເກືອດຫ້າມອື່ນໆຕາມຊາຍແດນລະຫວ່າງປະເທດຂອງທັງສອງຝ່າຍ, ຕາງໜ້າກອງຄຸ້ມຄອງພາສີ VI ແມ່ນຫົວໜ້າ ດ່ານພາສີສາກົນ ແດນສະຫວັນ ແລະຕາງໜ້າກົມພາສີແຂວງ ກວາງຈິ ແມ່ນຫົວໜ້າດ່ານພາສີລາວບາວ, ນອກຈາກນັ້ນໃນກໍລະນີຮີບດ່ວນເຈົ້າໜ້າທີກ່ຽວຂ້ອງທັງສອງຝ່າຍສາມາດ ດຳເນີນການທັນທີ ເພື່ອໃຫ້ ທັນກັບສະພາບການ, ອຳນວຍ ຄວາມສະດວກໃຫ້ແກ່ພາຫະນະ, ຜູ້ໂດຍສານ ແລະສິນຄ້າ, ເຄື່ອງຂອງທີ່ນຳເຂົ້າ-ສົ່ງ ອອກຜ່ານດ່ານຂອງສອງ ຝ່າຍ ບົນພື້ນຖານລະບຽບກົດໝາຍ ຂອງແຕ່ລະປະເທດກຳນົດໄວ້ ລວມທັງລະບຽບຂອງສາກົນ ແລະພາກພື້ນທີ່ລັດຖະບານ ຂອງສອງປະເທດເປັນພາຄີ ລວມທັງສັນຍາ ແລະບົດບັນທຶກ ຊ່ວຍຈຳທີ່ສອງຝ່າຍໄດ້ລົງນາມຮ່ວມກັນ, ສອງຝ່າຍເປັນເອກະພາບນຳສະເໜີກົມພາສີ ສປປ.ລາວ ແລະກົມໃຫຍ່ພາສີ ສສ.ຫວຽດນາມກ່ຽວກັບຂໍ້ ຫຍຸ້ງຍາກ ແລະຂໍ້ຄົງຄ້າງໃນ ການຈັດຕັ້ງປະຕິບັດກົນໄກ ການກວດກາຮ່ວມກັນຈຸດ ດຽວ, ຄັ້ງດຽວ (SWI/SSI) ໃນໄລຍະຜ່ານມາຄື: ພິຈາລະ ນາຄືນບາງເນື້ອໃນຂອງບົດ ບັນທຶກຊ່ວຍຈຳ (MOU)ທີ່ໄດ້ ເຊັນກັນ, ຄັ້ງວັນທີ 25/03/ 2005 ລະຫວ່າງລັດຖະບານ ສອງຝ່າຍກ່ຽວກັບການກວດ ກາສິນຄ້າປະເພດໄມ້ ແລະ ຜະລິດຕະພັນໄມ້ຮ່ວມກັນ ຢູ່CCA ຂອງປະເທດສົ່ງອອກ, ລັດຖະການພາສີທັງສອງ ຝ່າຍໄດ້ປະຕິບັດຕາມຂັ້ນ ຕອນການແຈ້ງພາສີເປັນລາຍລະອຽດແບບເອເລັກ ໂຕຣນິກຂອງແຕ່ລະຝ່າຍ, ບໍ່ຈຳເປັນຕ້ອງໄປດຳເນີນ ຂັ້ນຕອນການແຈ້ງພາສີຢູ່ ປະເທດນຳເຂົ້າ ຊຶ່ງຈະເປັນ ການສິ້ນເປືອງບຸກຄະລາກອນ ແລະງົບປະມານໃນການລົງ ທຶນກໍ່ສ້າງຫ້ອງການເຮັດວຽກ ແລະຈັດຊື້ອຸປະກອນຮັບໃຊ້ ແລະບັນຫາອື່ນໆ.

ໂອກາດດັ່ງກ່າວ ທັງສອງ ຝ່າຍກໍ່ໄດ້ລົງນາມໃສ່ບົດບັນທຶກຊ່ວຍຈຳ (MOU ) ເຊິ່ງ ຈັດຂຶ້ນທີ່ແຂວງສະຫວັນນະ ເຂດ ເພື່ອເປັນບ່ອນອີງໃນການ ຈັດຕັ້ງປະຕິບັດ, ການຮ່ວມ ມືຂອງທັງສອງຝ່າຍ./.

(ແຫຼ່ງ​ຂໍ້​ມູນ​: ສະຫວັນພັດທະນາ ຂ່າວ)

ເບິ່ງເພີ່ມເຕີມໃນ: ຕິດຕໍ່ພົວພັນ

ເບິ່ງເພີ່ມເຕີມ
ຮູບພາບ