 |
| ພາບປະກອບ |
ຫວ່າງແລ້ວນີ້, ໜັງສືພິມ Le Figaro ຂອງຝລັ່ງສະບັບຫຼ້າສຸດ ໄດ້ລົງບົດຂຽນທີ່ຕີລາຄາສູງພື້ນຖານເສດຖະກິດຫວຽດນາມໃນສະພາບການໂລກລະບາດໂຄວິດ - 19 ພວມມີຜົນກະທົບຢ່າງຮ້າຍແຮງຕໍ່ເສດຖະກິດທົ່ວໂລກ.
ຕາມ Le Figaro ແລ້ວ, ຫວຽດນາມຍັງຄົງແມ່ນໜຶ່ງໃນບັນດາປະເທດຂະຫຍັນຂັນເຄື່ອນທີ່ສຸດໃນໂລກ ໃນປີ 2020, ເຖິງວ່າບັນດາຜົນສະທ້ອນຈາກໂລກລະບາດໂຄວິດ - 19 ໄດ້ເຮັດໃຫ້ຄວາມໄວໃນການເຕີບໂຕເສດຖະກິດ ຫວຽດນາມຫຼຸດລົງລະດັບ 2,9%, ແຕ່ລະດັບ 7% ໃນປີ 2019 ກໍ່ຕາມ. ເຖິງຢ່າງໃດກໍ່ຕາມ, ຫວຽດນາມສ່ວນຫຼາຍລົບລ້າງໄດ້ເກືອບທັງໝົດສະພາບການທຸກຍາກໃນປະຊາຊົນ, ແຕ່ລະດັບ 50% ໃນປີ 1990 ລົງຮອດລະດັບ 2%ໃນປັດຈຸບັນ ແລະ ພວມໄດ້ຮັບຜົນປະໂຫຍດຈາກແຜນນະໂຍບາຍຫັນພື້ນຖານເສດຖະກິດເປັນຫຼາຍຮູບແບບ, ດ້ວຍອຸດສາຫະກຳທີ່ກວມເອົາ 39% ການເຄື່ອນໄຫວ ແລະ ການບໍລິການກວມເອົາ 47%.
ຫວຽດນາມໄດ້ເປີດປະຕູຢ່າງແຮງ ກັບສາກົນດ້ວຍວິທີການເຂົ້າຮ່ວມຫຼາຍກົນໄກການຄ້າເສລີ, ຍົກຕົວຢ່າງຄືຫວ່າງແລ້ວນີ້ ແມ່ນຂໍ້ຕົກລົງກັບສະຫະພາບເອີລົບ (EU) ເຊິ່ງໄດ້ລົງນາມໃນເດືອນກໍລະກົດ 2020, ຕາມນັ້ນແລ້ວຈະລົບລ້າງອັດຕາພາສີເກືອບທັງໝົດລະຫວ່າງ ຫວຽດນາມ ແລະ EU ໃນຮອບເວລາ 10 ປີ.
ໜັງສືພິມດັ່ງກ່າວກໍ່ຖືວ່າຜົນສຳເລັດໃນການປ້ອງກັນ, ຕ້ານໂລກລະບາດໂຄວິດ - 19 ຂອງ ຫວຽດນາມ ທີ່ເປັນໜ້າເອກອ້າງທະນົງໃຈ ແລະ ດີພໍສົມຄວນເມື່ອມີຜູ້ເສຍຊີວິດພຽງແຕ່ 35 ຄົນໃນປະເທດທີ່ມີປະຊາຊົນ ເກືອບ 100 ລ້ານຄົນ. ບັນດາມາດຕະການຢ່າງແຮງ, ໄວ ແລະ ທັນການໄດ້ລັດຖະບານ ຫວຽດນາມວາງອອກຖືການແຍກຕົວທົ່ວສັງຄົມ, ຄົ້ນຫາຜູ້ຕິດເຊື້ອໃນວົງກວ້າງ ແລະ ຄວບຄຸມການເດີນທາງໄປມາຢ່າງເຂັ້ມງວດ, ໄດ້ອະນຸຍາດໃຫ້ບັນດາໂຮງງານຢູ່ຫວຽດນາມ ກັບຄືນສູ່ການເຄື່ອນໄຫວ ແລະຟື້ນຟູໂດຍໄວ.
ຕາມ Le Figaro ແລ້ວ, ຄວາມຫຍຸ້ງຍາກຕໍ່ຫວຽດນາມໃນປີຜ່ານມາເຮັດໃຫ້ຕະຫຼາດນຳເຂົ້າເຄື່ອງຕ່ຳແຜ່ນຕັດຫຍິບ ແລະ ໂທລະສັບມືຖືຖືກຢຸດສະຫງັກ ຍ້ອນຄວາມຕ້ອງການຈາກຕະຫຼາດຝ່າຍຕາເວັນຕົກຫຼຸດລົງ ແລະ ຂະແໜງການທ່ອງທ່ຽວກໍ່ຖືກຜົນສະທ້ອນຢ່າງໜັກໜ່ວງ. ເຖິງຢ່າງໃດກໍ່ຕາມ, ຂະແໜງການສົ່ງອອກຂອງ ຫວຽດນາມຍັງສາມາດຮັບມືໄດ້ເປັນຢ່າງດີ.
 | ໜັງສືພິມ ສິງປະໂປ: ເສດຖະກິດ ຫວຽດນາມມີການຟື້ນຟູໄວກ່ວາການຄາດຄະເນ ຍສໝ - ຫວຽດນາມ ແລະ ສິງກະໂປ ແມ່ນ 2 ພື້ນຖານເສດຖະກິດຟື້ນຟູຕາມຮູບໂຕ V, ດ້ວຍອັດຕາຄວາມໄວສູງກ່ວາຫຼາຍເມື່ອທຽບໃສ່ການຄາດຄະເນກໍ່ຄືກັບບັນດາປະເທດໃນພາກພື້ນ. |
 | ໜັງສືພິມອາເມລິກາ: ໄວໜຸ່ມຫວຽດນາມ ຍາມໃດກໍ່ມີຈິດໃຈຄວາມສາມັກຄີຢ່າງແຮງ ແລະ ຄວາມເຫັນດີລວມໝູ່ເປັນຈິດໜຶ່ງໃຈດຽວກັນໃນການຕໍ່ສູ້, ສະກັດກັ້ນໂລກລະບາດໂຄວິດ-19 ຍສໝ - ໃນໂລກແຫ່ງສັນຕິພາບ ດ້ວຍການເຊື່ອມໂຍງເຂົ້າກັບສາກົນ ແລະ ການພັດທະນາຢ່າງແຮງຂອງເຄືອຂ່າຍອິນເຕີແນດ, ໄວໜຸ່ມຫວຽດນາມ ຍາມໃດກໍ່ມີຈິດໃຈຄວາມສາມັກຄີຢ່າງແຮງ ແລະ ຄວາມເຫັນດີລວມໝູ່ເປັນຈິດໜຶ່ງໃຈດຽວກັນ. |
 | ໜັງສືພິມເຢຍລະມັນຍ້ອງຍໍຊົມເຊີຍຫວຽດນາມເປັນເຈົ້າການໃນການປ້ອງກັນ, ສະກັດກັ້ນໂລກລະບາດ Covid -19 ຍສໝ - ໜັງສືພິມລາຍວັນ Junge Welt ຂອງເຢຍລະມັນໄດ້ມີບົດຂຽນຍ້ອງຍໍຊົມເຊີຍການກະທຳຢ່າງທັນການແລະຂ້ຽວຂາດຂອງຫວຽດນາມໃນບັ້ນສະກັດກັ້ນໂລກລະບາດ Covid – 19 ທີ່ອັນຕະລາຍນີ້. |
ບຸນຄົງ
