 |
| ທ່ານ ຫງວຽນຊວນຟຸກ ນາຍົກລັດຖະມົນຕີແຫ່ງ ສສ ຫວຽດນາມ. ພາບ: ກວາງຮຽວ. |
ຕາມຂໍ້ລິເລີ່ມຂອງຫວຽດນາມ, ຫວ່າງແລ້ວນີ້, ກອງປະຊຸມສະມັດຊາໃຫຍ່ ສະຫະປະຊາຊາດ ໄດ້ຮັບຮອງເອົາ ມະຕິວ່າດ້ວຍການຕົກລົງຖືເອົາວັນທີ 27 ທັນວາ ຂອງທຸກໆປີ ເປັນວັນປ້ອງກັນ, ສະກັດກັ້ນໂລກລະບາດສາກົນ. ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ໄດ້ຮຽກຮ້ອງໃຫ້ບັນດາປະເທດ, ອົງການຈັດຕັ້ງ, ສ່ວນບຸກຄົນ ຈົ່ງຕອບສະໜອງ ແລະ ຜັນຂະຫຍາຍມະຕິກ່ຽວກັບວັນປ້ອງກັນ, ສະກັດກັ້ນໂລກລະບາດຢ່າງສຸດໃຈ ແລະ ມີປະສິດທິຜົນ. ວາລະສານຍຸກສະໄໝ ຂໍແນະນໍາເນື້ອໃນສານຂອງທ່ານນາຍົກລັດຖະມົນຕີ ຫງວຽນຊວນຟຸກ ຄືດັ່ງຕໍ່ໄປນີ້:
ບົນເນື້ອໃນຈິດໃຈສະເຫຼີມສະຫຼອງວັນປ້ອງກັນ, ຕ້ານໂລກລະບາດສາກົນ 27-12 ໃນປີທໍາອິດ, ຂ້າພະເຈົ້າ ຮຽກຮ້ອງໃຫ້ບັນດາປະເທດ, ອົງການຈັດຕັ້ງ ແລະສ່ວນບຸກຄົນ ຕອບສະໜອງຢ່າງສຸດໃຈ ແລະຜັນຂະຫຍາຍການປະຕິບັດມະຕິສະບັບນີ້ໃຫ້ມີປະສິດທິຜົນ, ໃນນັ້ນເອົາໃຈໃສ່ເປັນພິເສດເຖິງເນື້ອໃນດັ່ງລຸ່ມນີ້:
ທີໜຶ່ງ, ເພີ່ມທະວີການສົມທົບນະໂຍບາຍ, ສາມັກຄີກັນກະທໍາ ແລະຍົກສູງການຮ່ວມມືສາກົນກໍ່ຄືຄວາມມານະພະຍາຍາມຂອງລະບອບລະບຽບການຫຼາຍຝ່າຍໃນການບໍລິຫານທົ່ວໂລກ, ໂດຍອົງການ ສະຫະປະຊາຊາດ ມີບົດບາດໃຈກາງ, ເພື່ອແນໃສ່ຍູ້ຖອຍພະຍາດໂຄວິດ-19, ປ້ອງກັນ, ຕ້ານໂລກລະບາດປະເພດຕ່າງໆຢ່າງມີປະສິດທິຜົນ.
ທີສອງ, ຖືຜົນປະໂຫຍດຂອງປະຊາຊົນເປັນໃຈກາງໃຫ້ແກ່ທຸກນະໂຍບາຍ ແລະການກະທໍາ, ໃຫ້ບຸລິມະສິດແຖວໜ້າແມ່ນປ້ອງກັນສຸຂະພາບ, ປົກປ້ອງຊີວິດຂອງປະຊາຊົນ. ກ່ອນອື່ນໝົດແມ່ນຕ້ອງຮັບປະກັນໃຫ້ປະຊາຊົນຢູ່ທຸກປະເທດ ແລະເຂດແຄວ້ນ ລ້ວນແຕ່ໄດ້ສຳຜັດກັບວັກຊິນ ແລະຢາປົວພະຍາດໂຄວິດ-19 ດ້ວຍລາຄາທີ່ເໝາະສົມ.
ທີສາມ, ເປັນເຈົ້າການຮັບມືໃນໄລຍະ “ປົກກະຕິໃໝ່”, ຜັນຂະຫຍາຍມາດຕະການຮັບປະກັນການປ້ອງກັນ, ຕ້ານພະຍາດໂຄວິດ-19 ຢ່າງຄົບຊຸດ ແລະກົມກຽວໄປຄຽງຄູ່ກັບການຟື້ນຟູເສດຖະກິດ, ຫັນການຄ້າ ແລະການລົງທຶນຜ່ານແດນໃຫ້ເປັນອັນສະດວກ, ຮັກສາລະບົບຕ່ອງໂສ້ການສະໜອງ, ໂດຍສະເພາະແມ່ນປະເພດສິນຄ້າທີ່ຈໍາເປັນ, ສະບຽງອາຫານ, ອຸປະກອນການແພດ...
ຫວຽດນາມ ເຊື່ອໝັ້ນວ່າ, ປະຊາຄົມສາກົນ ຈະເສີມຂະຫຍາຍເຈດຈຳນົງ ແລະ ກຳລັງແຮງຂອງປະຊາຊົນແຕ່ລະປະເທດ ກໍຄືຄວາມສາມັກຄີ, ການຮ່ວມມືສາກົນຢ່າງແຮງ ເພື່ອພ້ອມກັນຜ່ານຜ່າສິ່ງທ້າທາຍ ແລະ ສ້າງອະນາຄົດອັນດີງາມກວ່າໃຫ້ແຕ່ລະປະເທດ ແລະ ປະຊາຊົນແຕ່ລະຄົນ. ຫວຽດນາມ ຍາມໃດກໍພ້ອມແລ້ວທີ່ຈະປະກອບສ່ວນເຂົ້າໃນວິວັດການອັນສູງສົ່ງນີ້.
 | ບົດບາດຂອງ ຫວຽດນາມໃນເວທີສາກົນ ນັບມື້ນັບເພີ່ມຂຶ້ນ ຍສໝ - ຫວຽດນາມຮັກສານະໂຍບາຍທາງການທູດ ສັນຕິພາບ, ເປັນເຈົ້າການ ແລະ ຕັ້ງໜ້າເຊື່ອມໂຍງເຂົ້າກັບສາກົນ, ພ້ອມແລ້ວທີ່ຈະເປັນເພື່ອນມິດ ແລະ ຄູ່ຮ່ວມມືທີ່ເປັນໜ້າໄວ້ວາງໃຈຂອງບັນດາປະເທດທັງໝົດໃນປະຊາຄົມສາກົນ, ຫວຽດນາມ ແລະ ສະຫະພັນລັດເຊຍມີການພົວພັນທີ່ອົບອຸນ, ມິດຕະພາບທີ່ເປັນມູນເຊື້ອ, ຍາມໃດກໍ່ຖືເປັນສຳຄັນການປັບປຸງ, ພັດທະນາການພົວພັນອັນດີງາມຂອງກັນ. |
 | ສື່ມວນຊົນ ເຢຍລະມັນຕີລາຄາສູງການຮັບມືຕໍ່ໂລກລະບາດໂຄວິດ - 19 ຂອງ ຫວຽດນາມ ຍສໝ - ອົງການການຄ້າ ແລະ ການລົງທຶນ ເຢຍລະມັນ (GTAI) ໃຫ້ຮູ້ວ່າ ການເຕີບໂຕພື້ນຖານເສດຖະກິດ ຫວຽດນາມ ບັນລຸລະດັບເປັນບວກ 2,1% ໄລ່ຕາມມູນຄ່າຄວາມຈິງໃນ 3 ໄຕມາດ ຂອງປີ 2020 ເມື່ອທຽບໄສ່ກັບໄລຍະດຽວກັນຂອງ ປີ 2019 . |
 | ເອກອັກຄະລັດຖະທູດບັນດາປະເທດ ອາຊຽນ ຊອກຮູ້ໂອກາດລົງທຶນ ຢູ່ ເຂດເສດຖະກິດພິເສດ ສະຫວັນ - ເຊໂນ, ສປປ.ລາວ ຄະນະເອກອັກຄະລັດຖະທູດບັນດາປະເທດ ອາຊຽນ ປະຈຳ ລາວ ຫາກໍມີການຢ້ຽມຢາມ ແລະ ຊອກຮູ້ໂອກາດລົງທຶນ, ຄວາມສາມາດໃນການເຊື່ອມຕໍ່ໃນຂົງເຂດ logistic ຢູ່ເຂດເສດຖະກິດພິເສດ ສະຫວັນ - ເຊໂນ, ແຂວງ ສະຫວັນນະເຂດ, ພາກກາງຂອງ ລາວ. |
ໄຊພອນ
