ຫ້ອງວ່າການປະທານປະເທດ ເຜີຍແຜ່ເອກະສານ ສຳຄັນຕ່າງໆ ຂອງຊາດ

ທ່ານ ຄຳເມິງ ພົງທະດີ ເຜີຍແຜ່ບັນດາເອກກະສານ.

ໂອກາດດັ່ງກ່າວ, ທ່ານ ຄຳເມິງ ພົງທະດີ ໄດ້ເຜີຍແຜ່ມະຕິເລກທີ 037/ ຄບສພ ວ່າດ້ວຍການຍົກສູງ ປະສິດທິພາບຄຸ້ມຄອງລັດ ຄຸ້ມຄອງສັງຄົມດ້ວຍກົດໝາຍ, ເຊິ່ງທ່ານໄດ້ຍົກໃຫ້ເຫັນເຖິງ ສະພາບການ ຄຸ້ມຄອງລັດ ຄຸ້ມຄອງສັງຄົມດ້ວຍກົດໝາຍ ໃນໄລຍະຜ່ານມາ, ທັດສະນະ, ທິດທາງ ແລະ ວຽກງານທີ່ຕ້ອງສຸມໃສ່ນຳພາ ເຊິ່ງການຄຸ້ມຄອງລັດ, ຄຸ້ມຄອງສັງຄົມດ້ວຍກົດໝາຍ ເປັນພື້ນຖານຂອງການສ້າງລັດ ທີ່ປົກ ຄອງດ້ວຍ ກົດໝາຍ, ເຊິ່ງແມ່ນຂະບວນວິວັດໜຶ່ງ ຂອງການບູລະນະ ລະບອບປະຊາທິປະໄຕ ປະຊາຊົນ ທີ່ຕ້ອງດຳເນີນເປັນແຕ່ລະບາດກ້າວ ແລະ ໜັກແໜ້ນ ສູ່ຈຸດໝາຍສັງຄົມນິຍົມ ນັບແຕ່ໄດ້ດຳເນີນແນວທາງ ປ່ຽນແປງໃໝ່ຢ່າງ ຮອບດ້ານ ພັກໄດ້ນຳພາສ້າງ, ນໍາໃຊ້ ແລະ ປັບປຸງລັດຖະທຳມະນູນ, ກົດໝາຍ, ນິຕິກຳໃຕ້ກົດໝາຍ ໃຫ້ເປັນເຄື່ອງມືຄຸ້ມຄອງລັດ, ຄຸ້ມຄອງສັງຄົມ, ປົກປັກສິດຜົນປະໂຫຍດອັນຊອບທຳ ຂອງປະຊາຊົນ ບັນດາເຜົ່າ ຮັບປະກັນ, ການປົກປັກຮັກສາລະບອບປະຊາທິປະໄຕ ປະຊາຊົນ ໄດ້ຢ່າງໝັ້ນຄົງ ການຍົກສູງປະສິດທິພາບ ການຄຸ້ມຄອງລັດ, ຄຸ້ມຄອງສັງຄົມດ້ວຍກົດໝາຍ ແມ່ນເນື້ອໃນຕົ້ນຕໍ ຂອງການຍົກສູງບົດບາດນຳພາ ແລະ ຄວາມສາມາດ ກຳອຳນາດຂອງພັກ, ເພີ່ມປະສິດທິຜົນໃນການບໍລິຫານຂອງລັດ, ຮັບປະກັນການເສີມຂະຫຍາຍ ແລະ ປະຕິບັດສິດເປັນເຈົ້າຂອງປະຊາຊົນ ບັນດາເຜົ່າ. ດ້ວຍເຫດດັ່ງກ່າວ, ຄະນະບໍລິຫານງານ ສູນກາງພັກ ຈຶ່ງໄດ້ອອກມະ ຕິສະບັບນີ້ຂຶ້ນ.

ບັນຍາກາດກອງປະຊຸມ.

ໂອກາດດຽວກັນ, ທ່ານ ກິ່ງມະໂນ ພົມມະຫາໄຊ ຮອງລັດຖະມົນຕີ, ຮອງຫົວໜ້າຫ້ອງວ່າ ການປະທານປະເທດ ໄດ້ຂຶ້ນເຜີຍແຜ່ວັນເຊັນສົນທິສັນຍາ ມິດຕະພາບ-ການຮ່ວມມື ລາວ-ຫວຽດນາມ (18/7/1977-18/7/2018) ແລະ ວັນສ້າງຕັ້ງສາຍພົວພັນການທູດ ລາວ-ຫວຽດນາມ (5/9/1962-5/9/2018). ພ້ອມດຽວກັນ, ທ່ານ ເພັດສະໝອນ ພັນທະວົງ ຮອງລັດຖະມົນຕີ, ຮອງຫົວໜ້າຫ້ອງວ່າ ການປະທານປະເທດ ກໍໄດ້ຂຶ້ນເຜີຍແຜ່ ວັນລັັດຖະທໍາມະນູນແຫ່ງ ສປປ ລາວ 15 ສິງຫາ 1991 ແລະ ວັນຢຶດອໍານາດ 23 ສິງຫາ 1945 ເຊັ່ນດຽວກັນ.

（ແຫຼ່ງ​ຂໍ້​ມູນ​： ຂ​ປ​ລ）