 |
ກອງປະຊຸມສະຫຼຸບ ແລະ ທິດທາງວຽກງານການເຄື່ອນໄຫວຂອງສະມາຄົມຊຸດທີ X, ສະໄໝ 2018 – 2022. (ພາບ: ຟ້າມກຽນ/TTXVN)
ກອງປະຊຸມໄດ້ຮັບຮອງເອົາບົດລາຍງານສະຫຼຸບວຽກງານການເຄື່ອນໄຫວຂອງສະມາຄົມ ຊຸດທີ IX ແລະ ທິດທາງວຽກງານການເຄື່ອນໄຫວຂອງສະມາຄົມຊຸດທີ X, ສະໄໝ 2018 – 2022. ບົດລາຍງານໄດ້ຊີ້ແຈ້ງວ່າ ໃນອາຍຸຸການຜ່່ານມາ, ສະມາຄົມປະຕິບັດ ວຽກງານການເຄື່ອນໄຫວວົງຄະນະຍາດ, ຮັກສາ, ເສີມຂະຫຍາຍ ແລະ ປົກປັກຮັກສາສີສັນທີ່ເປັນເອກະລັກສະເພາະຂອງຊາດຫວຽດນາມ ໃຫ້ເປັນຢ່າງດີ; ຈັດຕັ້ງ ແລະ ເຂົ້າຮ່ວມບັນດາງານບຸນ, ພົບປະກັບພໍ່ແມ່່ປະຊາຊົນຊາວຫວຽດນາມອາໄສຢູ່ຕ່າງປະເທດ ເນື່ອງໃນໂອກາດວັນບຸນຄັ້ງຕ່າງໆຂອງປະເທດຊາດ.
ເຂົ້າຮ່ວມກອງປະຊຸມມີ ທ່ານເອກອັກຄະລັດຖະທູດ ຫວຽດນາມປະຈຳລາວ ທ່ານ ຫງວ໋ຽນບ໋າຮຸ່ງ, ປະທານໃຫຍ່ສະມາຄົມຄົນຫວຽດນາມຢູ່ລາວ ທ່ານຫງວ໋ຽນຢຸຍຈຸງ, ຫົວໜ້າພະແນກພາຍໃນ ນະຄອນຫຼວງວຽງຈັນ ທ່ານ ບຸນມາ ພະທູນມະວົງ, ຮອງປະທານ ແນວລາວສ້າງຊາດ ນະຄອນຫຼວງວຽງຈັນ ທ່ານ ບຸນຍົກ ໂຄດສີເມືອງ, ບັນດາການນຳການປະຕິວັດອະວຸໂສ ບັນດາຄະນະບໍລິຫານງານ ສະມາຄົມສະໄໝທີ IX, ບັນດາຫ້ອງການຂອງສະມາຄົມ ແລະ ຜູ້ແທນທີ່ມາຈາກອະນຸສະມາຄົມ ທີ່ຂື້ນກັບ ສະມາຄົມຄົນຫວຽດນາມຢູ່ນະຄອນຫຼວງວຽງຈັນ...
ກ່າວຄຳປາໄສທີ່ກອງປະຊຸມ ທ່ານ ບຸນນາ ພະທູນມະວົງ ຫົວໜ້າພະແນກ ພາຍໃນ ນະຄອນຫຼວງວຽງຈັນ, ຕີລາຄາສູງຜົນສຳເລັດຂອງກອງປະຊຸມ ຢັ້ງຢືນວ່າ ບົດລາຍງານສະຫຼຸບຂອງກອງປະຊຸມ ໄດ້ສະແດງ ແລະ ຊີ້ໃຫ້ເຫັນໂດຍກົງ ບັນດາວຽກງານທີ່ເຮັດໄດ້ ແລະ ຍັງຄົງຄ້າງຂອງ ສະໄໝທີ IX.
ທ່ານຍັງກ່າວຕື່ມອີກວ່າ ຄະນະບໍລິຫານງານໃໝ່ ສະໄໝທີ X ຂອງສະມາຄົມ ຈະຕ້ອງໄດ້ຍົກສູງຈິດໃຈ ສຸມໃສ່ປະຊາທິປະໄຕ, ສາມັກຄີຊຸມຊົນຄົນຫວຽດນາມ ທີ່ອາໄສຢູ່ນະຄອນຫຼວງວຽງຈັນ, ສືບຕໍ່ເສີມຂະຫຍາຍສິ່ງທີ່ດີສາມາດເຮັດໄດ້ ແລະ ແກ້ໄຂຂໍ້ຄົງຄ້າງ ໃນສະໄໝເກົ່າຜ່ານມາ.
ທ່ານໄດ້ສະເໜີຕໍ່ ຄະນະບໍລິຫານງານຊຸດໃໝ່ວ່າ: ຕ້ອງໄດ້ໄຈ້ແຍກໃຫ້ດີກ່ຽວກັບບົດບາດ, ໜ້າທີ່ ຂອງແຕ່ລະອົງການຈັດຕັ້ງໃນຫ້ອງການ, ໂປ່ງໃສໃນທຸກວຽກງານເພື່ອຈັດຕັ້ງປະຕິບັດໃຫ້ດີຂື້ນກ່ວາເກົ່າຕໍ່ກັບວຽກງານສາມັກຄີຊຸມຊົນ.
ຫົວໜ້າພະແນກ ພາຍໃນ ນະຄອນຫຼວງວຽງຈັນ ກໍ່ຍັງຮຽກຮ້ອງມາຍັງ ຊຸມຊົນຊາວຫວຽດນາມ ຢູ່ນະຄອນຫຼວງວຽງຈັນ ຍົກສູງຄວາມເປັນແບບເປັນຢ່າງ ແລະ ປະຕິບັດຕາມ ລະບຽບກົດໝາຍຂອງ ລາວ, ຊ່ວຍເຫຼືອເຊິ່ງກັນແລະກັນ ໃຫ້ຫຼຸດພົ້ນອອກຈາກຄວາມທຸກຍາກ ປະກອບສ່ວນເຂົ້າໃນການພັດທະນາເສດຖະກິດຄອບຄົວເວົ້າສະເພາະ ແລະ ພັດທະນານະຄອນຫຼວງວຽງຈັນເວົ້າລວມ...
 |
ກອງປະຊຸມໃຫຍ່ໄດ້ເລືອກຕັ້ງເອົາຄະນະປະຕິບັດງານຊຸດທີ X ເຊິ່ງລວມມີສະມາຊິກ 9 ຄົນ, ໃນນັ້ນ ທ່ານເລວັນມຸ່ຍ ໄດ້ຮັບການເລືອກຕັ້ງເປັນປະທານສະມາຄົມຊາວຫວຽດນາມຢູ່ນະຄອນຫຼວງວຽງຈັນ ຊຸດທີ X.
（ຫັດທະບູນ）
