| ຫວຽດນາມເປັນປະທານກອງປະຊຸມທາງອອນລາຍເຈົ້າໜ້າທີ່ອາວຸໂສ ການປ້ອງກັນຊາດ ອາຊຽນ (ADSOM) | |
| ທ່ານເລຂາທິການໃຫຍ່ສູນອາຊຽນ - ຍີ່ປຸ່ນ ຕີລາຄາສູງບົດບາດເປັນປະທານອາຊຽນຂອງ ຫວຽດນາມ |
 | |
|
ເຊັບໄຊ asialink ຫາກໍ່ລົງບົດຂຽນຂອງທ່ານປ.ອ ເລທູເຮື່ອງ, ນັກໄຈ້ແຍກຂັ້ນສູງໃນລາຍການປ້ອງກັນປະເທດ ແລະ ຍຸດທະສາດຂອງ ສະຖາບັນນະໂຍບາຍຍຸດທະສາດ ອົດສະຕາລີ (ASPI), ເຊິ່ງທ່ານໄດ້ຢັ້ງຢືນວ່າ ປະຊາຄົມອາຊຽນ ໄດ້ຜ່ານຜ່າໜຶ່ງປີ ທີ່ມີການເຄື່ອນໄຫວຢ່າງມີປະສິດທິຜົນ ແລະ ສາມາດຮັກສາຄວາມຜູກພັນໃນພາກພື້ນ, ໂດຍບໍ່ຫົວຊາຕໍ່ການແກ້ງແຍ້ງຍຸດທະສາດ ທີ່ນັບມື້ນັບເພີ່ມຂຶ້ນຢູ່ມະຫາສະມຸດອິນເດຍ - ປາຊີຟິກ ແລະ ບັນດາວິກິດການເສດຖະກິດກໍ່ຄືສາທາລະນະສຸກທີ່ບໍ່ເຄີຍມີມາກ່ອນ.
ບົດຂຽນໄດ້ຍົກໃຫ້ເຫັນຢ່າງຈະແຈ້ງກ່ຽວກັບການປະກອບສ່ວນຂອງ ຫວຽດນາມຕໍ່ອາຊຽນ ໃນປີ 2020 ໃນຂົງເຂດ, ຈາກການເດີນເຮືອ, ຄວາມໝັ້ນຄົງແບບເກົ່າຕະຫຼອດຮອດເສດຖະກິດ, ການຄ້າ, ບັນດາແຜນການຟື້ນຟູ ແລະ ຊຸກຍູ້ການປ່ຽນແປງໃໝ່ໃນໂລກ ໄລຍະຫຼັງໂລກລະບາດໂຄວິດ - 19. ບໍ່ພຽງແຕ່ເທົ່ານັ້ນ, ຫວຽດນາມ ໄດ້ມານະພະຍາຍາມເຊື່ອມຕໍ່ ອາຊຽນຜ່ານບັນດາຂໍ້ລິເລີ່ມເປັນໝູ່ຄະນະກ່ຽວກັບວິວັດການຟື້ນຟູໄລຍະຫລັງໂລກລະບາດໂຄວິດ - 19, ເໝາະສົມກັບຫົວຂໍ້ຂອງປີ ອາຊຽນທີ່ວ່າ ສະໜິດຕິດພັນ ແລະ ເປັນເຈົ້າການຮັບມື”
ຜົນສຳເລັດຂອງ ຫວຽດນາມໃນການຄວບຄຸ້ມໂລກລະບາດ ໂຄວິດ - 19 ມີຄວາມໝາຍສຳຄັນຕໍ່ບົດບາດນຳພາອາຊຽນໃນປີນີ້. ຫວຽດນາມ ຢັ້ງຢືນໄດ້ບົດບາດນຳພາຢ່າງແຮງໃນສະພາບພູມມີສາດການເມືອງ ທີ່ເຕັມໄປດ້ວຍສິ່ງທ້າທາຍ ແລະ ກໍ່ສະແດງໃຫ້ເຫັນບັນດາສິ່ງທີ່ດີທີ່ສຸດ ເພື່ອສະເຫຼີມສະຫຼອງ 25 ປີແຫ່ງວັນເຂົ້າຮ່ວມອາຊຽນ.
ໃນຂອບເຂດບັນດາກອງປະຊຸມສຸດຍອດທີ່ກ່ຽວຂ້ອງເຖິງອາຊຽນ, ຫວຽດນາມໄດ້ຈັດຕັ້ງການໂອ້ລົມສົນທະນາ ອາຊຽນ - ສປຊ. ການໂອ້ລົມສົນທະນານີ້ ໄດ້ຮັບຄວາມສົນໃຈເປັນພິເສດໃນສະພາບການໂລກລະບາດ ໂຄວິດ - 19 ພວມກໍ່ຄວາມກີດຂວາງຕໍ່ການສຳເລັດບັນດາເປົ້າໝາຍພັດທະນາແບບຍືນຍົງຂອງ ສປຊ.
ບົດຂຽນໄດ້ຢັ້ງຢືນວ່າ ຫວຽດນາມ ໄດ້ມານະພະຍາຍາມຫັນອາຊຽນກັບໄປສູ່ເສັ້ນທາງແຫ່ງການຮ່ວມມືຜ່ານບັນດາການເຄື່ອນໄຫວ ຖືອາຊຽນເປັນໃຈກາງ ແລະ ໄດ້ຮັບການສະໜັບສະໜູນຈາກຫຼາຍປະເທດ. ບົດບາດເປັນປະທານ ຂອງ ຫວຽດນາມ ໄດ້ຊ່ວຍໃຫ້ອາຊຽນຜ່ານຜ່າບາງສິ່ງທ້າທາຍຈາກໂລກລະບາດໂຄວິດ - 19 ແລະ ນຳພາກພື້ນກ້າວເດີນຖືກຕາມເສັ້ນທາງມຸ່ງໄປສູ່ການຟື້ນຟູ.
 | ທ່ານເລຂາທິການໃຫຍ່ສູນອາຊຽນ - ຍີ່ປຸ່ນ ຕີລາຄາສູງບົດບາດເປັນປະທານອາຊຽນຂອງ ຫວຽດນາມ ຍສໝ - ທ່ານ Masataka Fujita, ເລຂາທິການໃຫຍ່ສູນອາຊຽນ - ຍີ່ປຸ່ນ (AJC)ໃຫ້ຮູ້ວ່າ ໃນຖານະທີ່ເປັນປະເທດທີ່ປະສົບຜົນສຳເລັດໃນການຄວບຄຸມການລະບາດຂອງ COVID-19, ຫວຽດນາມສາມາດນຳໜ້າບໍ່ພຽງແຕ່ໃນການຄວບຄຸມການລະບາດຂອງພະຍາດ, ແຕ່ຍັງສາມາດຟື້ນຕົວໃຫ້ເຂັ້ມແຂງໃນຂະນະທີ່ອີກຫຼາຍໆປະເທດຍັງປະສົບກັບຄວາມຫຍຸ້ງຍາກຈາກການໂລກລະບາດ COVID-19 |
 | ລັດຖະມົນຕີກະຊວງການຕ່າງປະເທດ ຍີ່ປຸ່ນ ຕີລາຄາສູງບົດບາດ ການນຳພາຂອງຫວຽດນາມ ໃນຖານະເປັນປະທານອາຊຽນ 2020 ຍສໝ - ທ່ານ Chiba Akira ໃຫ້ຮູ້ວ່າ ເຂົ້າຮ່ວມກອງປະຊຸມ AMM 53, ຍີ່ປຸ່ນຢັ້ງຢືນຄືນໃໝ່ຄຳໝັ້ນສັນຍາສ້າງສູນອາຊຽນກ່ຽວກັບບັນດາກໍລະນີການແພດປະຊາຄົມຮີບດ່ວນ ແລະ ໂລກລະບາດ, ໜູນຊ່ວຍເງິນ 1 ລ້ານ USD ໃຫ້ແກ່ກອງທຶນອາຊຽນ ຮັບມືກັບໂລກລະບາດ Covid – 19, ກໍ່ຄືຈະຜັນຂະຫຍາຍບັນດາໂຄງການໃຫ້ກູ້ຢືມ ແລະ ລົງທຶນ ຢ່າງເໝາະສົມໃຫ້ແກ່ອາຊຽນ. |
 | ອາຊຽນ 2020: ຫວຽດນາມ ນຳຄວາມຂະຫຍັນຂັນເຄື່ອນໃໝ່ມາໃຫ້ອາຊຽນ ຍສໝ - ທ່ານນາງເອກອັກຄະລັດຖະທູດ Kamsiah ໄດ້ຕີລາຄາວ່າຫວຽດນາມໄດ້ເຮັດ “ດີທີ່ສຸດ” ໃນຖານະເປັນປະທານອາຊຽນ, ພ້ອມທັງຊີ້ແຈ້ງວ່າຫວຽດນາມໄດ້ສະແດງບົດບາດນຳພາຢ່າງແຮງຜ່ານການຊຸກຍູ້ການຮ່ວມມືລະຫວ່າງບັນດາປະເທດອາຊຽນ. ບໍ່ພຽງແຕ່ຮັບມືກັບໂລກລະບາດ COVID-19 ເທົ່ານັ້ນ ຫາກຍັງແມ່ນໃນໄລຍະຟື້ນຟູອີກດ້ວຍ. |
ບຸນຄົງ
