 |
ທ່ານ ສັນຕິພາບ ພົມວິຫານ ເຈົ້າແຂວງສະຫວັນນະເຂດພ້ອມຄະນະໄດ້ລົງຕິດຕາມຂະບວນການຜະລິດ ການປູກໄມ້ໃຫ້ໝາກ ດ້ວຍເຕັກໂນໂລຊີ ຂອງປະເທດອິດສະລາແອນ ຢູ່ບໍລິສັດ ສຸກຮຸ່ງເຮືອງ.
 |
ທ່ານ ສັນຕິພາບ ພົມວິຫານ ເຈົ້າແຂວງສະຫວັນນະເຂດພ້ອມຄະນະໄດ້ລົງຕິດຕາມຂະບວນການຜະລິດ ການປູກໄມ້ໃຫ້ໝາກ ດ້ວຍເຕັກໂນໂລຊີ ຂອງປະເທດອິດສະລາແອນ ຢູ່ບໍລິສັດ ສຸກຮຸ່ງເຮືອງ.
ເມື່ອບໍ່ດົນມານີ້, ທ່ານ ສັນຕິພາບ ພົມວິຫານ ເຈົ້າແຂວງສະຫວັນນະເຂດ ພ້ອມຄະນະໄດ້ລົງຕິດຕາມຂະບວນການຜະລິດ ການປູກໄມ້ໃຫ້ໝາກ ດ້ວຍເຕັກໂນໂລຊີ ຂອງປະເທດອິດສະລາແອນ ຢູ່ບໍລິສັດ ສຸກຮຸ່ງເຮືອງ ທີ່ໄດ້ດຳເນີນການປູກຢູ່ຂອບເຂດບ້ານນາລົງ ເມືອງນອງ ແຂວງສະຫວັນນະເຂດ ເຊິ່ງປັດຈຸບັນ ຂະບວນການຜະລິດຂອງບໍລິສັດ ກໍາລັງໃຫ້ຜົນຜະລິດ ແລະ ກຽມທີ່ຈະສົ່ງຜົນຜະລິດປະເພດໝາກກ້ວຍ ງວດທຳອິດ ໄປປະເທດລັດເຊຍ.
ທ່ານ ຫວງວຽນດິງ ຮອງຫົວໜ້າອຳນວຍການ ບໍລິສັດ ສຸກຮຸ່ງເຮືອງ ໄດ້ໃຫ້ນຮູ້ວ່າ: ບໍລິສັດ ສຸກຮຸ່ງເຮືອງ ໄດ້ລົງມືທຳການປູກໄມ້ກິນໝາກ ມາແຕ່ກາງປີ 2017 ໃນນັ້ນປະກອບມີ: ປູກກ້ວຍ 400 ກວ່າເຮັກຕາ, ໝາກມັງກອນ 200 ເຮັກຕາ, ໝາກນ໋ອດ 50 ເຮັກຕາ, ພ້ອມທັງ ປູກໝາກມີ້, ໝາກຂຽບ ແລະ ໝາກໄມ້ອື່ນໆຈຳນວນໜຶ່ງ, ເຊິ່ງໃນປີ 2018 ນີ້, ທາງບໍລິສັດກຽມຈະສົ່ງໝາກກ້ວຍ ອອກຕ່າງປະເທດ ເປັນຕົ້ນ ແມ່ນປະເທດລັດເຊຍ ປະມານ 12.000 ໂຕນ, ປັດຈຸບັນ ທາງບໍລິສັດກໍໄດ້ເຊັນບົດບັນທຶກ (MOU) ກັບພາກສ່ວນກ່ຽວຂ້ອງ, ພ້ອມທັງໄດ້ກະກຽມ ສາງເກັບຜົນຜະລິດທີ່ໄດ້ມາດຕະຖານ, ກຽມການຫຸ້ມຫໍ່ເພື່ອສົ່ງອອກ ແລະ ງວດຕໍ່ໄປກໍຈະຈັດສົ່ງຜົນຜະລິດປະເພດ ໝາກມັງກອນ, ໝາກນ໋ອດ, ໝາກຂຽບ ແລະ ໝາກມີ້ ອອກຕ່າງປະເທດຕໍ່ໆໄປ.
ບໍລິສັດ ສຸກຮຸ່ງເຮືອງ ມີແຜນລົງທຶນ 38 ລ້ານໂດລາສະຫະລັດ ເພື່ອປູກໝາກໄມ້ເຊິ່ງຕາມແຜນແມ່ນ ຈະສຳປະທານເນື້ອທີ່ເຮັດສວນ ຢູ່ເມືອງນອງ ປະມານ 5.500 ເຮັກຕາ ປັດຈຸບັນແມ່ນໄດ້ບຸກເບີກເນື້ອທີ່ໄດ້ແລ້ວ 1.900 ເຮັກຕາ ໃນນີ້ໄດ້ດໍາເນີນການປູກໄມ້ປະເພດຕ່າງໆ ຈຳນວນ 700 ກວ່າເຮັກຕາແລ້ວ. ສຳລັບການປູກໝາກກ້ວຍ ເຫັນວ່າ ໄດ້ສະມັດຕະພາບດີເປັນທີ່ໜ້າພູມໃຈ, ປູກກ້ວຍ 1 ເຮັກຕາ ໄດ້ຜົນຜະລິດ 60 ໂຕນ ເຊິ່ງໃນງວດທຳອິດບໍລິສັດກຽມ ຈະເກັບກູ້ຜົນຜະລິດກ້ວຍປະມານ 200 ກວ່າເຮັກຕາ.
（ແຫຼ່ງຂໍ້ມູນ： ຂປລ）
