ທ່ານ ແສງເພັດ ເພັດດວງຈັນ ຫົວໜ້າຫ້ອງການຖະແຫຼງຂ່າວ, ວັດທະນາທໍາ ແລະ ທ່ອງທຽ່ວ ເມືອງນານ ໄດ້ລາຍງານ ມື້ເຊົ້ານີ້ 31/7/2109 ວ່າ ທັງໝົດມີ 9 ບ້ານທີ່ຕັ້ງຢູ່ແຄມນ້ຳນານ, ສວ່ນບັນດາບ້ານທີ່ໄດ້ຮັບຜົນກະທົບມີ 8 ບ້ານ ແລະ ຫຼາຍກ່ວາ 500 ຄອບຄົວ ທີ່ໄດ້ຮັບຜົນກະທົບຈາກ ໄພທຳມະຊາດໃນຄັ້ງນີ້. ບ້ານທີ່ໄດ້ຮັບຜົນກະທົບໜັກແມ່ນ ບ້ານ ສີບຸນເຮືອງ ທີ່ມີເຮືອນຫຼາຍຫຼັງຍຸບພັງລົງມາ ແລະ ເປ່ເພ ຈາກນ້ຳໄຫຼແຮງ. ນອກນັ້ນຍັງມີ ເນື້ອທີ່ນາທີ່ຫາກໍ່ປັກດຳຕົ້ນເຂົ້າແລ້ວ ໃໝ່ຖືກທຳລາຍ ແລະ ພືດກະສິກຳຈຳນວນໜຶ່ງໄດ້ໄຫຼໄປຕາມນ້ຳ.
 |
ພາຍຫຼັງນໍ້າໄດ້ບົກແຫ້ງລົງ ທາງເຕັມໄປດ້ວຍຂີ້ຕົມ. (ພາບ: vientiane online)
ທ່ານແສງເພັດຍັງໄດ້ກ່າວຕື່ມອິກວ່າ ນ້ຳຖ້ວມກະທັນຫັນໃນຄັ້ງນີ້ແມ່ນນ້ຳ ຖ້ວມແບບໄຫຼຊຸ ສະນັ້ນພຽງແຕ່ສອງສາມຊົ່ວໂມງກໍບົກແຫ້ງລົງ ແລະ ເຂົ້າສູ່ສະພາບປົກກະຕິ. ປັດຈຸບັນນີ້ ທາງພາກສ່ວນກຽ່ວຂ້ອງກຳລັງເກັບກຳຂໍ້ມູນຜົນເສຍຫາຍ, ສ່ວນປະຊາຊົນກຳລັງເລັ່ງອະນາໄມ ເຮືອນຊານຂອງພວກເຂົາເຈົ້າ ແລະ ມີກ້ອນກຳລັງທະຫານຈໍານວນໜຶ່ງໄດ້ ໄປຊ່ວຍອະນາໄມສິ່ງກິດຂວາງຕາມ ຫົນທາງ ແລະ ເຮືອນຊານຂອງ ປະຊາຊົນ.
（ແຫຼ່ງຂໍ້ມູນ： vientiane online）
