 |
ທ່ານຮອງປະທານປະເທດຍ້ອງຍໍສັນລະເສີນຜົນງານນັກກີລາບານເຕະຍິງທີມຊາດລາວ
ໂອກາດນີ້ ທ່ານ ພັນຄຳ ວິພາວັນ ໄດ້ສະແດງຄວາມຍິນດີຕ້ອນຮັບຊົມເຊີຍ ແລະ ຍ້ອງຍໍສັນລະເສີນຜົນງານຂອງນັກກິລາບານເຕະຍິງ ທີມຊາດລາວ ຮຸ່ນອາຍຸບໍ່ເກີນ 15 ປີ ຄູເຝິກ ແລະ ທີມແພດ ໄດ້ສ້າງຜົນງານສ້າງກຽດ ແລະ ຊື່ສຽງມາໃຫ້ປະເທດຊາດ ທີ່ສາມາດຍາດໄດ້ຮອງຊະນະເລີດໃນການແຂ່ງຂັນບານເຕະຊີງແຊັມອາຊຽນ. ນອກຈາກນີ້, ທ່ານຮອງປະທານປະເທດ ຍັງໃຫ້ກຳລັງໃຈຕໍ່ບັນດານັກກີລາບານເຕະຍິງ ແລະ ກະກຽມຄວາມພ້ອມ ແລະ ເຝີກຊ້ອມຢ່າງເຕັມທີ່ເພື່ອເຂົ້າຮ່ວມແຂ່ງຂັນຊຸດຕໍ່ໄປໃນອະນາຄົດ.
ຕອນທ້າຍ ທ່ານ ບົວລານ ສິລິປັນຍາ ຕາງໜ້າໃຫ້ຄະນະໄດ້ສະແດງຄວາມຂອບໃຈຢ່າງຈິງໃຈຕໍ່ທ່ານ ພັນຄຳ ວິພາວັນ ທີ່ໄດ້ສະຫຼະເວລາອັນມີຄ່າໃຫ້ການຕ້ອນຮັບອັນອົບອຸ່ນໃນຄັ້ງນີ້ພ້ອມທັງລາຍງານກ່ຽວກັບການແຂ່ງຂັນບານເຕະຊີງແຊັມອາຊຽນໃຫ້ທ່ານຮອງປະທານປະເທດຮັບຊາບຕື່ມອີກ.
（ແຫຼ່ງຂໍ້ມູນ： vientianemai.net）
