ອີງຕາມການລາຍງານຂອງວິທະຍຸກະຈາຍສຽງລາວ, ໃນວັນທີ 9 ພຶດສະພາ, ພະພຸດທະຮູບ ມະຫາມຸນີ ໄດ້ເຮັດ ໂດຍ ໂຮງງານຄວັດແກະສະຫຼັກ ຢູ່ແຂວງ ດ່າໜັງ ຫວຽດນາມ, ມີນ້ໍາຫນັກ 38 ໂຕນ, ຂະໜາດສູງ 5.09 ແມັດ, ຄວາມກວ້າງ ແມ່ນ 309 ແມັດ ແລະ ເປັນການປະສົມປະສານຂອງວັດທະນະທໍາ ວ້ານເຕື້ອງ - ຈຳບາ. ພະພຸດທະຮູບເຮັດຈາກຫີນອ່ອນ (ຢົກ) ທີ່ມີມູນຄ່າ 70 ພັນໂດລາສະຫະລັດ, ປະມານ 1.5 ຕື້ດົ່ງ.
 |
ຮູບປັ້ນ ພະພຸດທະເຈົ້າ Mahamuni ໄດ້ເຮັດ ໂດຍ ໂຮງງານຄວັດແກະຮູບ ຢູ່ແຂວງ ດາໜັ໋ງ ຫວຽດນາມ. (ພາບ: LNR)
ຫຼັງຈາກ ພິທີກຳທາງສາສະຫນາ ຂອງພະສົງ ແລະ ພຸດທະສາສະນິກະຊົນລາວ ແລ້ວ, ພະພຸດທະຮູບ ມະຫາມຸນີ ໄດ້ຮັບການຂົນສົ່ງໂດຍທາງບົກ ຜ່ານດ່ານຊາຍແດນສາກົນ ລາວບາວ ແລະ ແລ່ນໄປຕາມເສັ້ນທາງເລກ 9 ເຊໂປນ, ສະຫວັນນະເຂດ ໄປນະຄອນຫຼວງວຽງຈັນ ແລ້ວຈະມາຮອດແຂວງຫຼວງພະບາງ ໃນວັນທີ 11 ພຶດສະພາ ແລະ ຈະໄດ້ຈັດພິທີກຳສັກກະລະ, ເສັ່ນໄຫວ້ບູຊາຢູ່ວັດ ພູຄວາຍ.
 |
ພິທີການປະຕິບັດທາງສາສະຫນາໂດຍບັນດາພະສົງ ແລະ ພຸດທະສາສະນິກະຊົນລາວ. (ພາບ: LNR)
ພະພຸດທະຮູບປັ້ນ ມະຫາມຸນີ ໄດ້ສ້າງຂຶ້ນ ໂດຍພະອາຈານ ຈັນທະຣິນ ຈັນນະທຳໂມ ເຈົ້າອາວາດວັດ ພູຄວາຍ, ກຳມະການສູນກາງ ສະຫະພັນພຸດທະສາດສະໜາລາວ, ຮອງປະທານ ສະຫະພັນພຸດທະສາດສະໜາລາວ ແຂວງຫຼວງພະບາງ ແລະ ການບໍລິຈາກຂອງພຸດທະສາສະນິກະຊົນ, ປະຊາຊົນທ້ອງຖິ່ນ.
（ຄຳຮຸ່ງ）
