 |
| ທ່ານນາງ ເລທິຕວຽດມາຍ, ເອກອັກຄະລັດຖະທູດ, ຫົວໜ້າຄະນະຜູ້ຕາງໜ້າ ຫວຽດນາມ ປະຈຳ ເຊີແນວ (ພາບ: MOFA) |
ຕອນບ່າຍວັນທີ 19 ສິງຫາ, ຄະນະຜູ້ຕາງໜ້າຫວຽດນາມ ປະຈຳ ສປຊ, ອົງການການຄ້າໂລກ (WTO) ແລະ ບັນດາອົງການຈັດຕັ້ງສາກົນອື່ນໆຢູ່ເຊີແນວ, ໄດ້ຈັດຕັ້ງພິທີສະເຫຼີມສະຫຼອງ 75 ປີ ແຫ່ງວັນປະຕິວັດ ເດືອນສິງຫາ (19 ສິງຫາ 1945 – 19 ສິງຫາ 2020) ດ້ວຍການເຂົ້າຮ່ວມຂອງ ພະນັກງານ, ສະມາຊິກພັກ, ພາລະກອນ, ພັນລະຍາ ແລະ ສາມີຂອງຄະນະຜູ້ຕາງໜ້າຢ່າງພ້ອມພຽງ.
ກ່າວຄຳເຫັນທີ່ພິທີ, ທ່ານນາງ ເລທິຕວຽດມາຍ, ເອກອັກຄະລັດຖະທູດ, ຫົວໜ້າຄະນະຜູ້ຕາງໜ້າ ຫວຽດນາມ ປະຈຳ ເຊີແນວ ໄດ້ພ້ອມກັບບັນດາຜູ້ແທນຫວນຄືນເຫດການທີ່ມີຄວາມສຳຄັນຍິ່ງໃນປະຫວັດສາດຂອງຊາດຫວຽດນາມ. ເສີມຂະຫຍາຍບັນດາບົດຮຽນຂອງການປະຕິວັດເດືອນສິງຫາ ປີ 1945, ຊົນຊາດຫວຽດນາມພາຍໃຕ້ການນຳພາ ຂອງພັກກອມມູນິດ ຫວຽດນາມ ຍາດໄດ້ໄຊຊະນະຢ່າງໃຫຍ່ຫຼວງໃນບັນດາບັ້ນຕໍ່ສູ້ປົດປ່ອຍຊາດ, ທ້ອນໂຮມປະເທດຊາດເປັນເອກະພາບ, ປົກປັກຮັກສາປະເທດຊາດ ແລະ ພັດທະນາປະເທດຕາມເສັ້ນທາງສັງຄົມນິຍົມ, ປະຕິບັດພັນທະສາກົນໃຫ້ຄົບຖ້ວນ. ທີ່ຕັ້ງ ບົດບາດຂອງຫວຽດນາມ ຢູ່ເວທີສາກົນນັບມື້ນັບໄດ້ຍົກສູງຂຶ້ນ.
ທ່ານນາງ ເລທິຕວຽດມາຍ ໃຫ້ຮູ້ວ່າ ສະມາຊິກພັກ, ພະນັກງານ, ພາລະກອນ ຄະນະຜູ້ຕາງໜ້າຫວຽດນາມທຸກໆຄົນ ແລະ ຜູ້ຕາງໜ້າບັນດາອົງການຕ່າງໆຂອງຫວຽດນາມ ປະຈຳເຊີແນວ ໄດ້ຕັດສິນໃຈເສີມຂະຫຍາຍໝາກຜົນ, ປະຕິບັດໃຫ້ສຳເລັດທຸກໆໜ້າທີ່ເຊິ່ງພັກລັດມອບໝາຍ, ປະກອບສ່ວນຢ່າງຕັ້ງໜ້າເຂົ້າການຜັນຂະຫຍາຍນະໂຍບາຍທາງການທູດ ແລະ ວິວັດທະນາການປ່ຽນແປງໃໝ່, ນຳປະເທດຊາດພັດທະນາຢ່າງໄວວາ ແລະ ຍືນຍົງ.
ທີ່ພິທີສະເຫຼີມສະຫຼອງ, ບັນດາຜູ້ແທນໄດ້ພ້ອມກັນເບິ່ງໜັງສືພິມສາລະຄະດີ ເຊິ່ງຫວນຄືນໄລຍະຫ່າງຈາກນີ້ 75 ປີ ເມື່ອ ຫວຽດນາມ ຢູ່ໃນສະພາບການທີ່ຮີບດ່ວນທີ່ສຸດ ແຕ່ກໍ່ແມ່ນໂອກາດທີ່ຫາຍາກ, ໂດຍຊ່ວຍໃຫ້ຜູ້ຊົມເຂົ້າໃຈຢ່າງເລິກເຊິ່ງກ່ວາກ່ຽວກັບຄວາມໝາຍ ແລະ ມູນຄ່າຂອງວັນທ້ອນໂຮມປະເທດຊາດເປັນເອກະພາບ.
 | ສະເຫຼີມສະຫຼອງວັນສ້າງຕັ້ງຂະແໜງການຕຳຫຼວດປະຊາຊົນຫວຽດນາມ ຄົບຮອບ 75 ປີ ຢູ່ ສປປ.ລາວ ຍສໝ - ໃນວັນທີ່ 18 ສິງຫາ ຢູ່ ນະຄອນຫຼວງວຽງຈັນ ປະເທດລາວ, ສະຖານທູດຫວຽດນາມ ແລະ ອົງການຕາງໜ້າກະຊວງຕຳຫຼວດຫວຽດນາມ ປະຈຳລາວ ໄດ້ຈັດພິທີສະເຫຼີມສະຫຼອງ 75 ປີແຫ່ງວັນມູນເຊື້ອຕຳຫຼວດປະຊາຊົນຫວຽດນາມ ວັນທີ 19 ສິງຫາ 1945 - ວັນທີ 19 ສິງຫາ 2020 ແລະ ... |
 | ພິທີສະເຫຼີມສະຫຼອງວັນຊາດສາທາລະນະລັດອິນໂດເນເຊຍ ຄົບຮອບ 75 ປີ ຍສໝ - ພິທີດັ່ງກ່າວໄດ້ດຳເນີນພາຍໃຕ້ການເປັນປະທານຂອງ ທ່ານ Ibnu Hadi ເອກອັກຄະລັດຖະທູດສາທາລະນະລັດອິນໂດເນເຊຍປະຈຳ ຮ່າໂນ້ຍ. . |
 | ສະເຫຼີມສະຫຼອງ 25 ປີແຫ່ງວັນສ້າງຕັ້ງການພົວພັນທາງການທູດລະຫວ່າງ ຫວຽດນາມ ແລະ ອາເມລິກາ ຍສໝ - ທ່ານນາງ Marie C. Damour, ກົງສຸນໃຫຍ່ສະຫະລັດອາເມລິກາປະຈຳ ນະຄອນໂຮ່ຈີມິນ, ໄດ້ເນັ້ນ ໜັກເຖິງການພົວພັນຄູ່ຮ່ວມມືຮອບດ້ານລະຫວ່າງສອງປະເທດໄດ້ຮັບການພັດທະນາຢ່າງດີງາມໃນຫຼາຍຂົງເຂດ, ໃນນັ້ນມີຄວາມໝັ້ນຄົງ, ສ.ການຄ້າ, ເສດຖະກິດ, ການທູດຂອງປະຊາຊົນ, ສາທາລະນະສຸກ, ສິ່ງແວດລ້ອມ, ການສຶກສາແລະພະລັງງານ. |
ບຸນຄົງ
