ຕາມນັກຂ່າວສຳນັກຂ່າວສານຫວຽດນາມ ປະຈຳ ຝະລັ່ງ, ໃນວັນທີ 14 ສິງຫາ, ສະຖານທູດຫວຽດນາມ ປະຈຳ ຝະລັ່ງ ໄດ້ຈັດຕັ້ງພິທີໄວ້ອາໄລ ແລະ ເປີດປື້ມໄວ້ອາໄລ ທ່ານອະດີດເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດຫວຽດນາມ ເລຂາຟຽວ ຂຶ້ນຢ່າງສົມກຽດ.
ເຂົ້າຮ່ວມພິທີໄວ້ອາໄລມີ ທ່ານ ຫງວຽນທຽບ - ເອກອັກຄະລັດຖະທູດຫວຽດນາມ ປະຈຳຝະລັ່ງ ແລະ ບັນດາພະນັກງານ, ພາລະກອນຂອງສະຖານທູດ ແລະ ຫ້ອງການຜູ້ຕາງໜ້າ ຫວຽດນາມ ປະຈຳ ຝະລັ່ງ, ຜູ້ຕາງໜ້າຄະນະຜູ້ແທນການທູດຂອງບາງປະເທດ ແລະ ຜູ້ຕາງໜ້າຊາວຫວຽດນາມອາໄສຢູ່ຕ່າງປະເທດ ທີ່ກຳລັງປະຕິບັດການສຶກສາ ແລະ ດຳລົງຊີວິດໃນປະເທດຝຣັ່ງ.
 |
| ສະຖານທູດຫວຽດນາມ ປະຈຳ ຝະລັ່ງ ໄດ້ຈັດຕັ້ງພິທີໄວ້ອາໄລ ແລະ ເປີດປື້ມໄວ້ອາໄລ ທ່ານອະດີດເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດຫວຽດນາມ ເລຂ໋າຟຽວ ຂຶ້ນຢ່າງສົມກຽດ.(ພາບ: TTXVN) |
ທ່ານເອກອັກຄະລັດຖະທູດ ຫງວຽນທຽບ ໄດ້ສະແດງຄວາມເສົ້າສະຫຼົດໃຈຕໍ່ການຈາກໄປຂອງ ທ່ານ ເລຂາຟຽວ - ອະດີດເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ.
ທ່ານເອກອັກຄະລັດຖະທູດ ຫງວຽນທຽບ ໄດ້ເນັ້ນໜັກວ່າ, ທ່ານເລຂາທິການໃຫຍ່ ເລຂາຟຽວ ໄດ້ປະກອບສ່ວນຢ່າງໃຫຍ່ຫຼວງເຂົ້າໃນພາລະກິດປະຕິວັດອັນສະຫງ່າລາສີຂອງປະເທດຊາດຫວຽດນາມ.
ຕາງໜ້າສະຖານທູດລາວ ປະຈຳປະເທດຝຣັ່ງ, ທ່ານເອກອັກຄະລັດຖະທູດ ສປປ.ລາວ ໄດ້ສົ່ງຄວາມເສົ້າສະຫລົດໃຈຢ່າງເລິກເຊິ່ງຕໍ່ການຈາກໄປຂອງທ່ານ ເລຂາຟຽວ - ອະດີດເລຂາທິການໃຫຍ່ພັກກອມມູນິດຫວຽດນາມ. ທ່ານເອກອັກຄະລັດຖະທູດ ສປປ.ລາວ ໄດ້ເນັ້ນໜັກວ່າ: “ສະຫາຍ ເລຂາຟຽວ ແມ່ນເພື່ອນທີ່ດີຂອງປະຊາຊົນລາວ, ໄດ້ປະກອບສ່ວນຢ່າງໃຫຍ່ຫຼວງເຂົ້າໃນການເສີມຂະຫຍາຍສາຍພົວພັນມິດຕະພາບພິເສດ, ຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງສອງປະເທດ ລາວ - ຫວຽດນາມ”.
ແລະກໍ່ໃນວັນທີ 14 ສິງຫາ, ສະຖານທູດຫວຽດນາມ ປະຈຳອີຕາລີ ໄດ້ຈັດຕັ້ງພິທີໄວ້ອາໄລ ແລະ ເປີດປື້ມໄວ້ອາໄລ ທ່ານອະດີດເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດຫວຽດນາມ ເລຂ໋າຟຽວ ຂຶ້ນຢ່າງສົມກຽດ.
ສະຖານທູດຫວຽດນາມ ປະຈຳ ສ.ເກົາຫຼີ ໄດ້ຈັດຕັ້ງພິທີໄວ້ອາໄລ ແລະ ເປີດປື້ມໄວ້ອາໄລ ທ່ານອະດີດເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດຫວຽດນາມ ເລຂາຟຽວ ຂຶ້ນຢ່າງສົມກຽດ ໃນວັນທີ 14-15 ສິງຫາ.
 |
| ພິທີໄວ້ອາໄລ ແລະ ເປີດປື້ມໄວ້ອາໄລ ທ່ານອະດີດເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດຫວຽດນາມ ເລຂາຟຽວ ທີ່ ສະຖານທູດ ຫວຽດນາມ ປະຈໍາ ສ.ເກົາຫຼີ. (ພາບ: TTXVN) |
ທ່ານເອກອັກຄະລັດຖະທູດລາວ ປະຈຳ ສ.ເກົາຫຼີ ໄດ້ບັນທຶກໄວ້ໃນປຶ້ມໄວ້ອາໄລ ວ່າ: “ທ່ານ ເລຂາຟຽວ ແມ່ນຜູ້ນຳທີ່ດີເດັ່ນ, ເປັນເພື່ອນທີ່ຍິ່ງໃຫຍ່ ຂອງ ປະເທດ ລາວ, ຂ້າພະເຈົ້າຂໍແບ່ງເບົາຄວາມເສົ້າສະຫຼົດໃຈນໍາພັກ, ລັດ ແລະ ປະຊາຊົນຫວຽດນາມ ຕໍ່ການຈາກໄປຂອງທ່ານອະດີດເລຂາທິການໃຫຍ່ ເລຂາຟຽວ...".
 | ສະຖານທູດຫວຽດນາມ ປະຈຳ ປະເທດຊູແອດ ຢ້ຽມຢາມ ແລະ ໃຫ້ກຳລັງໃຈ ປະຊາຄົມຊາວຫວຽດນາມ ຢູ່ ປະເທດຊູແອດ ຍສໝ - ການຢ້ຽມຢາມຊາວຫວຽດນາມທີ່ດຳລົງຊີວິດ ແລະ ດຳເນີນທຸລະກິດຢູ່ແຂວງ Skäne, ຄະນະປະຕິບັດງານໄດ້ມີການພົບປະ ແລະ ເຮັດວຽກກັບຄະນະບໍລິຫານງານສະມາຄົມວັດທະນະທຳ ຫວຽດນາມ ຢູ່ ປະເທດຊູແອດ, ຜູ້ຕາງໜ້າຊາວຫວຽດນາມຢູ່ ບາງແຂວງພາກໃຕ້ຂອງປະເທດຊູແອດ, ຜູ້ຕາງໜ້າບັນດາວິສາຫະກິດຫວຽດນາມຢູ່ບັນດານະຄອນ Malmo, Lund, Helsinborg, Göteborg... |
 | ສະຖານທູດຫວຽດນາມປະຈຳ ສະວິດເປັນປະທານກອງປະຊຸມຄັ້ງທຳອິດຂອງຄະນະກຳມະການອາຊຽນທີ່ Bern ຍສໝ - ທີ່ກອງປະຊຸມຄະນະກຳມະການອາຊຽນຢູ່ Bern, ເອກອັກຄະລັດຖະທູດບັນດາປະເທດອາຊຽນໄດ້ອວຍພອນ ແລະ ຕີລາຄາສູງຜົນສຳເລັດຂອງຫວຽດນາມ ໃນການຄວບຄຸມໂລກລະບາດ Covid – 19, ຮັກສາການພັດທະນາເສດຖະກິດ, ພ້ອມທັງຜັນຂະຫຍາຍຢ່າງຕັ້ງໜ້າບົດບາດເປັນປະທານອາຊຽນ, ເພີ່ມທະວີການຮ່ວມມືອາຊຽນ ແລະ ກັບບັນຄູ່ຮ່ວມມືໃນບັ້ນຕໍ່ສູ້ກັບໂລກລະບາດ Covid – 19. |
 | ສະຖານທູດຫວຽດນາມປະຈຳ ການາດາຮ່ວມເດີນທາງກັບພົນລະເມືອງໃນການປ້ອງກັນ ແລະ ຕ້ານໂລກລະບາດ Covid-19 ຍສໝ - ທ່ານເອກອັກຄະລັດຖະທູດ ຟ້າມເຟືອກຟອງ ໃຫ້ຮູ້ວ່າ, ໃນໄລຍະເບື້ອງຕົ້ນຂອງໂລກລະບາດ, ສະຖານທູດໄດ້ມອບວຽກໃຫ້ພະນັກງານ, ລັດຖະກອນຢ່າງ ເໝາະສົມ, ຕັ້ງໂທລະສັບສາຍດ່ວນ (3 ສາຍ) ແລະ ກ່ອງຈົດໝາຍເອເລັກໂຕນິກ 24/24 ຊົ່ວໂມງ ແລະ 7 ວັນ/ອາທິດເພື່ອຮັກສາການຕິດຕໍ່ພົວພັນໃນການສະໜັບສະໜູນ ພົນລະເມືອງໃຫ້ດີທີ່ສຸດໃນສະພາບການອຳນາດການປົກຄອງຂອງປະເທດປະຈຳຖິ່ນປະຕິບັດການແຍກຫ່າງໃນສັງຄົມ. |
ຄຳຮຸ່ງ
