| ຄະນະຜູ້ແທນຫວຽດນາມ ປະຈໍາ ສະຫະປະຊາຊາດໄດ້ສະເຫຼີມສະຫຼອງວັນສ້າງຕັ້ງອາຊຽນຄົບຮອບ 53 ປີ | |
| Helvetas ຫວຽດນາມ ໄດ້ຈັດກອງປະຊຸມເພື່ອສະໜັບສະໜູນ ພໍ່ແມ່ປະຊາຊົນແຂວງ ລ່າວກາຍ ໃນການຜະລິດຊາ ແລະ ການພັດທະນາເປັນຢາ |
 |
| ທ່ານ ຫງວຽນຊວນຟຸກ ນາຍົກລັດຖະມົນຕີຫວຽດນາມ ແລະ ທ່ານນາງ ຫງວຽນທິກິມເງິນ ປະທານສະພາແຫ່ງຊາດຫວຽດນາມ ເປັນປະທານການເຈລະຈາລະຫວ່າງບັນດາການນໍາອາຊຽນ ແລະ AIPA.(ພາບ:TTXVN) |
ນັບແຕ່ໄດ້ເຂົ້າເປັນສະມາຊິກອາຊຽນຢ່າງເປັນທາງການ ແລະ ກາຍເປັນສະມາຊິກທີ 7 ຂອງອົງການນີ້ເມື່ອປີ 1995, ຫວຽດນາມ ໄດ້ເຊື່ອມຕົວຢ່າງໄວວາ ແລະ ເປັນເຈົ້າການປະກອບສ່ວນຢ່າງຕັ້ງໜ້າເຂົ້າໃນການພັດທະນາ ແລະ ຜົນສຳເລັດຂອງອາຊຽນ ໃນປະຈຸບັນ. ຫວຽດນາມ ມີການປະກອບສ່ວນສຳຄັນຫຼາຍຢ່າງ ເຂົ້າໃນການກຳນົດເປົ້າໝາຍ, ທິດທາງການພັດທະນາ ແລະ ສ້າງບັນດານະໂຍບາຍຊີ້ຂາດໃຫ່ຍຂອງອາຊຽນຄື: ວິໄສທັດອາຊຽນ 2020 ແລະ ບັນດາແຜນການຜັນຂະຫຍາຍວິໄສທັດ, ກົດບັດອາຊຽນ, ແຜນການສັງລວມກ່ຽວກັບການເຊື່ອມຕໍ່ອາຊຽນ 2025.
ຫວຽດນາມ ຮັບດໍາລົງຕໍາແໜ່ງເປັນປະທານອາຊຽນ ອາຍຸການ 2010, ເຊິ່ງແມ່ນໄລຍະທີ່ມີຄວາມໝາຍສໍາຄັນໃນວິວັດແຫ່ງການສ້າງປະຊາຄົມຂອງອາຊຽນ. ການປະຕິບັດສໍາເລັດໜ້າທີ່ເປັນປະທານອາຊຽນ 2010 ເປັນຢ່າງດີໄດ້ຍົກສູງບົດບາດ, ຖີ່ຕັ້ງສາກົນຂອງຫວຽດນາມ; ຍົກສູງຮູບພາບປະເທດຫວຽດນາມ ແຫ່ງການປ່ຽນໃໝ່ ແລະຂະຫຍັນຂັນເຄື່ອນ, ມີແນວທາງພົວພັນກັບຕ່າງປະເທດເປັນເອກະລາດ, ເປັນເຈົ້າຕົນເອງ, ສັນຕິພາບ, ຮ່ວມມື, ພັດທະນາ.
ໃນຖານະເປັນປະທານອາຊຽນ 2020, ຫວຽດນາມ ໄດ້ນຳພາອາຊຽນ ຜັນຂະຫຍາຍຫຼາຍມາດຕະການຮັບມືກັບໂລກລະບາດໂຄວິດ-19 ເພື່ອຮັກສາສຸຂະພາບຂອງປະຊາຊົນ, ຫລຸດຜ່ອນບັນດາການກະທົບທີ່ຫຍໍ້ທໍ້ຕໍ່ເສດຖະກິດ, ຜັນຂະຫຍາຍແຜນການຟື້ນຟູຮອບດ້ານ ເພື່ອບືນຕົວຂຶ້ນ. ດ້ວຍທິດນຳທີ່ວ່າ “ຈິນຕະນາການປະຊາຄົມ, ການກະທຳຂອງປະຊາຄົມ”, ຫວຽດນາມ ໃຫ້ຄຳໝັ້ນສັນຍາຈະສືບຕໍ່ຮ່ວມມືຢ່າງແໜ້ນແຟ້ນກັບບັນດາປະເທດສະມາຊິກອາຊຽນ ພ້ອມກັນສ້າງປະຊາຄົມອາຊຽນແຫ່ງຄວາມສາມັກຄີ ແລະ ສ້າງຄວາມເຂັ້ມແຂງດ້ວຍຕົນເອງ.
ຫວຽດນາມ ເລີ່ມຕົ້ນອາຍຸການເປັນປະທານອາຊຽນນັບແຕ່ເດືອນມັງກອນ 2020, ກົງກັບເວລາພະຍາດໂຄວິດ-19 ແຜ່ລະບາດຢ່າງກວ້າງຂວາງໃນໂລກ. ຕາມນັ້ນ, ຫວຽດນາມ ໄດ້ຕັ້ງໜ້າ, ເປັນເຈົ້າການນໍາພາ ແລະປະສານຄວາມມານະພະຍາຍາມລວມຂອງອາຊຽນ ແລະຮ່ວມມືກັບບັນດາຄູ່ຮ່ວມມືຄວບຄຸມ, ສະກັດກັ້ນການແຜ່ລະບາດ, ຫຼຸດຜ່ອນຜົນກະທົບຂອງພະຍາດໂຄວິດ-19 ເຖິງເສດຖະກິດ-ສັງຄົມ.
ຫວຽດນາມ ໄດ້ສະເໜີໃຫ້ບາງມາດຕະການລະອຽດເພື່ອແນໃສ່ຍູ້ແຮງຄວາມມານະພະຍາຍາມລວມຂອງອາຊຽນ ໃນການຮັບມືກັບພະຍາດໂຄວິດ-19 ຄື ສ້າງແຜນຮັບມືລວມຂອງອາຊຽນ ໃນສະພາບການແຜ່ລະບາດຂອງພະຍາດ; ບົນພື້ນຖານການແນະນໍາຂອງອົງການອະນາໄມໂລກ, ຈັດຕັ້ງການຝຶກຊ້ອມທາງໄກຂອງສູນເສນາຮັກອາຊຽນ ກ່ຽວກັບການຮັບມືກັບເຊື້ອພະຍາດ; ສ້າງກອງທຶນອາຊຽນ ກ່ຽວກັບການຕ້ານພະຍາດໂຄວິດ-19…
ຜ່ານເຄິ່ງສັດຕະວັດທີ່ຜ່ານມາ, ຜົນງານການຮ່ວມມືຂອງອາຊຽນ ໄດ້ສະແດງອອກໃນຫຼາຍດ້ານ. ກ່ຽວກັບດ້ານລະບອບລະບຽບການ, ອາຊຽນ ແມ່ນອົງການຮ່ວມມືໃນພາກພື້ນລວມມີ 10 ປະເທດອາຊີຕາເວັນອອກສ່ຽງໃຕ້, ທຳການເຄື່ອນໄຫວບົນພື້ນຖານກົດໝາຍ ແລະ ບັນດາຫຼັກຖານພື້ນຖານທີ່ໄດ້ລະບຸໄວ້ໃນກົດບັດອາຊຽນ, ມີກົງຈັກການຈັດຕັ້ງສົມບູນແບບ, ໃນນັ້ນມີຄະນະກຳມະການ ບັນດາຜູ້ຕາງໜ້າປະຈຳອາຊຽນຢູ່ຈາກາຕາ.
ອາຊຽນ ໄດ້ຊຸກຍູ້ລັດທິຫຼາຍຝ່າຍ, ຫັນການຄ້າເປັນເສລີ, ສ້າງບັນດາກົນໄກເປັນຫຼັກແຫຼ່ງໃຫ້ແກ່ໂຄງປະກອບເສດຖະກິດ, ຄວາມໝັ້ນຄົງຢູ່ພາກພື້ນອາຊີ-ປາຊີຟິກ, ຍ້ອນເຫດນັ້ນ ໄດ້ດຶງດູດການເຂົ້າຮ່ວມ, ເປີດກ້ວາງການພົວພັນຄູ່ຮ່ວມມື ແລະ ການຮ່ວມມືຂອງບັນດາປະເທດ, ອົງການຈັດຕັ້ງໃນໂລກນັບມື້ນັບຫຼາຍຂຶ້ນ.
 | ຫວຽດນາມດຶງດູດບັນດາວິສາຫະກິດເຕັກໂນໂລຢີຂໍ້ມູນຂ່າວສານຂອງອິນເດຍ ຍສໝ - ຫວຽດນາມ, ດ້ວຍພື້ນຖານເສດຖະກິດເປີດ ແລະ ສະພາບແວດລ້ອມແຫ່ງການດຳເນີນທຸລະກິດທີ່ສະດວກ, ມີຄວາມສາມາດກາຍເປັນໜຶ່ງໃນບັນດາປະເທດທີ່ເຕີບໂຕໄວທີ່ສຸດໃນໂລກໃນໄລຍະຫລັງໂລກລະບາດ. |
 | ຫວຽດນາມຄັດຄ້ານເລື່ອງຈີນສົ່ງກຳປັ່ນສູ້ຮົບ ແລະ ເຮືອບິນສູ້ຮົບ ໄປຍັງເກາະເຈື່ອງຊາ ຍສໝ - ໃນການຖະແຫຼງຂ່າວນັດສາມັນທີ່ໄດ້ດຳເນີນໃນຕອນບ່າຍວັນທີ 7 ສິງຫາ, ໂຄສົກກະຊວງການຕ່າງປະເທດຫວຽດນາມ ໄດ້ໃຫ້ຄຳເຫັນກ່ຽວກັບກິດຈະກຳທີ່ຜ່ານມາຂອງຈີນ ໃນເວລາທີ່ຈີນໄດ້ນຳໃຊ້ກຳປັ່ນສູ້ຮົບ ແລະ ເຮືອບິນສູ້ຮົບ ໄປຍັງ ເກາະເຈື່ອງຊາ ຂອງຫວຽດນາມ, ໃນນັ້ນມີເຂດລານຫີນ ຊູບີ. |
 | ໝາກຜົນຫຼາຍຢ່າງທີ່ແທດຈິງໃນການຮ່ວມມືຊາຍແດນຫວຽດນາມ - ລາວ ຍສໝ - ການຮ່ວມມືດ້ານຄວາມໝັ້ນຄົງ ແລະ ປ້ອງກັນປະເທດ ລະຫວ່າງສອງປະເທດໄດ້ຮັບການເພີ່ມທະວີ ແລະຜັນຂະຫຍາຍຢ່າງມີປະສິດທິຜົນໃນທຸກຂົງເຂດ. ພິເສດ, ໃນການຮ່ວມມືຊາຍແດນ, ສອງປະເທດໄດ້ປະສານສົມທົບຢ່າງ ແໜ້ນແຟ້ນໃນການຄຸ້ມຄອງ ແລະປົກປັກຮັກສາຊາຍແດນ, ປະກອບສ່ວນຢ່າງຕັ້ງໜ້າ ເຂົ້າໃນການນຳການພົວພັນຮ່ວມມືດ້ານປ້ອງກັນຊາດລະຫວ່າງສອງຝ່າຍເຂົ້າສູ່ລວງເລິກ . |
ໄຊພອນ
