ທົ່ວໂລກມີຈຳນວນຜູ້ຕິດເຊື້ອພະຍາດ Covid – 19 ເກືອບ19.514.000 ຄົນ,ໃນນັ້ນ ມີຜູ້ເສຍຊີວິດ 722.779 ຄົນ

	ທ່ານນາຍົກລັດຖະມົນຕີ ຫງວຽນຊວັນຟຸກ ເນັ້ນໜັກເຖິງຈິດໃຈເດັດຂາດ, ບໍ່ຄວນປະໝາດຕໍ່ໂລກລະບາດ
	ອາເມລິກາ ສະໜັບສະໜູນອາຊຽນ ເສີມຂະຫຍາຍບົດບາດເປັນໃຈກາງໃນພາກພື້ນ

ອາເມລິກາ, ບຣາຊິນ, ອິນເດຍ, ລັດເຊຍ ຍັງແມ່ນບັນດາປະເທດມີຈຳນວນຜູ້ຕິດເຊື້ອພະຍາດ Covid – 19 ຫຼາຍທີ່ສຸດໃນໂລກ.(ພາບປະກອບ)

ໄລ່ຮອດຈຸດເວລານີ້, ທົ່ວໂລກມີຈຳນວນຜູ້ຕິດເຊື້ອພະຍາດ Covid – 19 ເກືອບ19.514.000 ຄົນ,ໃນນັ້ນ ມີຜູ້ເສຍຊີວິດ 722.779 ຄົນ. ອາເມລິກາ, ບຣາຊິນ, ອິນເດຍ, ລັດເຊຍ ຍັງແມ່ນບັນດາປະເທດມີຈຳນວນຜູ້ຕິດເຊື້ອພະຍາດ Covid – 19 ຫຼາຍທີ່ສຸດໃນໂລກ.

ມາຮອດປັດຈຸບັນ, ຫວຽດນາມ ໄດ້ຢັ້ງຢືນວ່າມີຜູ້ຕິດເຊື້ອພະຍາດ Covid – 19 ຈຳນວນ 789 ຄົນ, ໃນນັ້ນມີ ຜູ້ຕິດເຊື້ອມາຈາກຕ່າງປະເທດ ແມ່ນ 316 ຄົນ, ຜູ້ຕິດເຊື້ອໃໝ່ໃນຊຸມຊົນ ແມ່ນ 333 ຄົນ ນັບແຕ່ວັນທີ 25 ກໍລະກົດມາຮອດປັດຈຸບັນ, ຜູ້ຕິດເຊື້ອ 395 ຄົນແມ່ນໄດ້ຮັບການປິ່ນປົວຫາຍດີເປັນປົກກະຕິແລ້ວ ແລະ ມີຜູ້ເສຍຊີວິດ 10 ຄົນ.

ໃນລະຫວ່າງວັນທີ 06 ແລະ 07 ສິງຫາ 2020, ບັນດາອົງການເຈົ້າໜ້າທີ່ ຫວຽດນາມ, ສະຖານທູດ ຫວຽດນາມ ປະຈຳ ອັງກິດ, ອົງການຕາງໜ້າ ຫວຽດນາມ ປະຈຳບາງປະເທດ ເອີຣົບ, ບໍລິສັດການບິນແຫ່ງຊາດ ຫວຽດນາມ ໄດ້ສົມທົບກັບບັນດາອົງການເຈົ້າໜ້າທີ່ປະເທດປະຈຳຖິ່ນ ຈັດຕັ້ງຖ້ຽວບິນນຳສົ່ງພົນລະເມືອງ ຫວຽດນາມ ເກືອບ 280 ຄົນຈາກ ອັງກິດ, ເຢຍລະມັນ, ສະວິດ, ແດນມາກ ແລະ ເຊັກໂກ ກັບມາປະເທດຢ່າງປອດໄພ.

ໂດຍປະຕິບັດຄຳເຫັນຊີ້ນຳຂອງທ່ານນາຍົກລັດຖະມົນຕີ ຫວຽດນາມ, ດ້ວຍຄວາມມານະພະຍາຍາມຢ່າງສູງສຸດຂອງບັນດາອົງການເຈົ້າໜ້າທີ່ຢູ່ພາຍໃນປະເທດ, ບັນດາອົງການຕາງໜ້າ ຫວຽດນາມ ປະຈຳຕ່າງປະເທດ, ບົນພື້ນຖານຄວາມມຸ່ງມາດປາດຖະໜາຂອງພົນລະເມືອງ ແລະ ກຳລັງຄວາມສາມາດກັກຕົວຢູ່ພາຍໃນປະເທດ, ມາຮອດປະຈຸບັນ ໄດ້ຈັດຕັ້ງຖ້ຽວບິນກ່ວາ 80 ຖ້ຽວ ແລະ ນຳສົ່ງພົນລະເມືອງກ່ວາ 21.000 ຄົນຈາກກ່ວາ 50 ປະເທດ ແລະ ເຂດແຄ້ວນກັບມາປະເທດ, ຮັບປະກັນຄວາມປອດໄພ ກໍ່ຄືວຽກງານປ້ອງກັນ, ສະກັດກັ້ນໂລກລະບາດໂຄວິດ-19.

ຕອນເຊົ້າວັນທີ 07 ສິງຫາ, ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ໄດ້ເປັນປະທານກອງປະຊຸມທາງອອນລາຍຄະນະປະຈຳລັດຖະບານກ່ຽວກັບວຽກງານປ້ອງກັນ, ສະກັດກັ້ນໂລກລະບາດໂຄວິດ-19. ກ່າວຄຳເຫັນທີ່ກອງປະຊຸມ, ທ່ານນາຍົກລັດຖະມົນຕີ ຫງວຽນຊວັນຟຸກ ເນັ້ນໜັກເຖິງຈິດໃຈເດັດຂາດ, ບໍ່ຄວນປະໝາດຕໍ່ໂລກລະບາດ. ທ້ອງຖິ່ນໃດ ບໍ່ມີຄວາມຮັບຜິດຊອບ, ບໍ່ປະຕິບັດແຜນນະໂຍບາຍປ້ອງກັນໂລກລະບາດໃນປະຈຸບັນໃຫ້ເປັນຢ່າງດີນັ້ນ ຈະຖືກກວດກາ, ລົງໂທດຢ່າງເຂັ້ມງວດ.

ທ່ານນາຍົກລັດຖະມົນຕີໄດ້ຊີ້ແຈ້ງວ່າ: ບັນດາກະຊວງ, ຂະແໜງການ, ປະຊາຊົນຄວນມີຄວາມທຸ່ນທ່ຽງ, ຮັບຟັງສະພາບການ, ພິເສດແມ່ນການຄາດຄະເນຂອງຄະນະຊີ້ນຳແຫ່ງຊາດ, ຈາກນັ້ນ ຍົກອອກບັນດາມາດຕະການທີ່ດີກ່ວາ, ບັນດາຄວາມຮຽກຮ້ອງເພື່ອຮັບໃຊ້ວຽກງານປ້ອງກັນ, ສະກັດກັ້ນໂລກລະບາດໃຫ້ທັນການກ່ວາ, ປຸກລະດົມ, ນຳໃຊ້ແຫຼ່ງກຳລັງຢ່າງມີປະສິດທິຜົນ.

ອົດສະຕາລີ ໜູນຊ່ວຍຫວຽດນາມ ນໍາໃຊ້ ປັນຍາປະດິດ (AI) ເຂົ້າໃນການຟື້ນຟູເສດຖະກິດຫວຽດນາມ ພາຍຫຼັງພະຍາດໂຄວິດ-19 ຍສໝ - ລັດຖະບານອົດສະຕາລີ ໄດ້ແຈ້ງໃຫ້ຊາບກ່ຽວກັບການດຳເນີນບ້ວງເງິນອຸປະຖໍາທີ່ມີມູນຄ່າ 650.000 ໂດລາອົດສະຕາລີ ເພື່ອແນໃສ່ໜູນຊ່ວຍຂໍ້ລິເລີ່ມໃໝ່ໃຫ້ແກ່ການນໍາໃຊ້ປັນຍາປະດິດ (AI) ເຂົ້າໃນການຟື້ນຟູເສດຖະກິດຫວຽດນາມ ພາຍຫຼັງພະຍາດໂຄວິດ-19.

ອາເມລິກາ ສະໜັບສະໜູນອາຊຽນ ເສີມຂະຫຍາຍບົດບາດເປັນໃຈກາງໃນພາກພື້ນ ຍສໝ - ທ່ານ ຫງວຽນກວກຢຸ້ງ ຮອງລັດຖະມົນຕີກະຊວງການຕ່າງປະເທດຫວຽດນາມ ໄດ້ກ່າວຢໍ້າຄືນຫຼັກໝັ້ນຂອງອາຊຽນໃນການຮັບປະກັນສັນຕິພາບ, ຄວາມໝັ້ນຄົງ, ສະຖຽນລະພາບ, ຄວາມປອດໄພ ແລະ ສິດເສລີພາບໃນການເດີນເຮືອ ແລະການໄປມາຫາສູ່ກັນຢູ່ທະເລຕາເວັນອອກ.

ປະທານສະພາແຫ່ງຊາດຫວຽດນາມ: ສະເໜີຈັດກອງປະຊຸມ AIPA 41 ທາງອອນລາຍ ຢູ່ ຮ່າໂນ້ຍ ຍສໝ - ຕອນເຊົ້າວັນທີ 05 ສິງຫາ, ຢູ່ ຮ່າໂນ້ຍ, ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ, ປະທານ ກອງປະຊຸມສະມັດຊາໃຫຍ່ລະຫວ່າງລັດຖະສະພາອາຊຽນ ຄັ້ງທີ 41 (AIPA 41), ຫົວໜ້າຄະນະຊີ້ນຳແຫ່ງຊາດເປັນປະທານກອງປະຊຸມຄັ້ງທີ 2 ຄະນະຊີ້ນຳແຫ່ງຊາດ, ຄະນະຈັດຕັ້ງ AIPA 41.