| ສືບຕໍ່ນຳສົ່ງພົນລະເມືອງ ຫວຽດນາມ ຈາກ ອົດສະຕາລີ ກັບຄືນປະເທດ | |
| ຫວຽດນາມ ປະກອບສ່ວນຢ່າງສໍາຄັນໃຫ້ແກ່ພາກພື້ນໃນໄລຍະຮັບຕໍາແໜ່ງເປັນປະທານອາຊຽນ |
 |
| ພາບປະກອບ |
ນັກຊ່ຽວຊານ Pradhan ໄດ້ຄັດສະເໜີການຕີລາຄາຂອງເວທີປາໄສເສດຖະກິດໂລກ ທີ່ຖືວ່າ: ການຟື້ນຟູຂອງພື້ນຖານເສດຖະກິດ ແມ່ນຍ້ອນ ຫວຽດນາມ ໄດ້ຍູ້ແຮງການຫັນການຄ້າເປັນເສລີ, ປະຕິບັດການປະຕິຮູບ ກໍ່ຄືລົງທຶນຢ່າງແຮງເຂົ້າແຫຼ່ງທຶນ, ຊັບພະຍາກອນມະນຸດ ແລະ ກຳລັງວັດຖຸ, ຕົ້ນຕໍແມ່ນຜ່ານບ້ວງເງິນລົງທຶນສາທາລະນະ. ເສດຖະກິດ ຫວຽດນາມ ໄດ້ຮັບການຕີລາຄາວ່າ ພັດທະນາຢ່າງວ່ອງໄວ ແລະ ບືນຕົວຂຶ້ນໃຫ້ມີລະບັບລາຍຮັບສະເລ່ຍປານກາງ. ສິ່ງທີ່ເປັນໜ້າສົນໃຈ ນັ້ນແມ່ນປີ 2019, ລະດັບຄວາມໄວການເຕີບໂຕເສດຖະກິດຂອງ ຫວຽດນາມ ແມ່ນຫລາຍກ່ວາ 7% ສູງກ່ວາຫລາຍປະເທດໃນພາກພື້ນ ອາຊີ.
ທ່ານ Nicolas Audier ປະທານ EuroCham ໃຫ້ຮູ້ວ່າ, ການສຳຫຼວດດັດຊະນີ BCI ຄັ້ງນີ້ເປັນການພິສູດໃຫ້ເຫັນວ່າ ຫວຽດນາມ ແມ່ນ ໜຶ່ງໃນບັນດາປະເທດທີ່ປະສົບຜົນສຳເລັດໃນໂລກກ່ຽວກັບການຮັບມືກັບໂລກລະບາດໂຄວິດ-19. ຈາກນັ້ນ, ປັບປຸງຄວາມໄວ້ເນື້ອເຊື່ອໃຈຂອງບັນດາການນຳວິສາຫະກິດ ເອີລົບ ກ່ຽວກັບສະພາບແວດລ້ອມແຫ່ງການດຳເນີນທຸລະກິດຢູ່ ຫວຽດນາມ.
ໃນຕອນເຊົ້າວັນທີ 24 ກໍລະກົດ, ກະຊວງແຜນການ ແລະ ການລົງທຶນຫວຽດນາມ ໄດ້ສົມທົບກັບອົງການພັດທະນາສາກົນອາເມລິກາ (USAID) ຈັດຕັ້ງກອງປະຊຸມດ້ວຍຫົວຂໍ້ວ່າ “ໜູນຊ່ວຍວິສາຫະກິດຫວຽດນາມ ພັດທະນາລະບົບມູນຄ່າແບບຍືນຍົງ”. ກອງປະຊຸມເພື່ອແນໃສ່ໜູນຊ່ວຍບັນດາວິສາຫະກິດຟື້ນຟູການຜະລິດ, ດຳເນີນທຸລະກິດພາຍຫຼັງເກີດໂລກລະບາດໂຄວິດ-19. ພ້ອມທັງຊ່ວຍໃຫ້ວິສາຫະກິດ, ພິເສດແມ່ນກຸ່ມວິສາຫະກິດຂະໜາດກາງ ແລະ ນ້ອຍ, ຮັບມືກັບການຫັນປ່ຽນເຂົ້າໃນລະບົບສະໜອງທົ່ວໂລກ ເພື່ອແນໃສ່ສ້າງບັນດາລະບົບສະໜອງໃໝ່ ແລະ ຍືນຍົງ.
ທ່ານ Michael Greene, ຜູ້ອຳນວຍການໃຫຍ່ USAID ປະຈຳຫວຽດນາມ ໃຫ້ຮູ້ວ່າ, ລັດຖະບານອາເມລິກາ ໄດ້ໃຫ້ຄຳໝັ້ນສັນຍາອຸປະຖຳຈຳນວນເງິນ 9,5 ລ້ານ USD ຜ່ານອົງການ USAID ປະຈຳຫວຽດນາມ ເພື່ອໜູນຊ່ວຍບັນດາຂໍ້ລິເລີ່ມເພື່ອແນໃສ່ຊ່ວຍຫວຽດນາມ ໃນວຽກງານປ້ອງກັນ, ຕ້ານໂລກລະບາດໂຄວິດ-19, ກໍຄືໜູນຊ່ວຍບັນດາວິສາຫະກິດສະໜາດກາງ ແລະ ນ້ອຍ. ພ້ອມທັງຫວັງວ່າ, ແຫຼ່ງງົບປະມານດັ່ງກ່າວ ຈະຊ່ວຍໃຫ້ຫວຽດນາມ ຟື້ນຟູພາຍຫຼັງວິກິດການ ແລະ ຈະປະກອບສ່ວນຊ່ວຍໃຫ້ຫວຽດນາມ ກາຍເປັນປະເທດມີລາຍຮັບປານກາງສູງ.
ຕາມບັນດານັກຊ່ຽວຊານເສດຖະກິດແລ້ວ, ໃນ 6 ເດືອນທ້າຍປີ 2020, ການສົ່ງອອກສິນຄ້າຂອງຫວຽດນາມ ຄາດຄະເນວ່າຈະເຕີບໂຕດີກວ່າພາຍຫຼັງທີ່ຫຼາຍປະເທດເລີ່ມຜ່ອນຜັນບັນດາມາດຕະການຄວບຄຸມພະຍາດໂຄວິດ-19 ແລະຍູ້ໄວວິວັດທະນາການຟື້ນຟູ. ຄຽງຂ້າງນັ້ນ, ການຄວບຄຸມພະຍາດໂຄວິດ-19 ຂອງຫວຽດນາມ ໄດ້ຮັບການຕີລາຄາສູງຈາກປະຊາຄົມສາກົນ, ໄດ້ຮັບຖືວ່າແມ່ນກໍາລັງໜູນສໍາຄັນເພື່ອດຶງດູດແຫຼ່ງທຶນຈາກຕ່າງປະເທດເຂົ້າຫວຽດນາມ ພາຍຫຼັງພະຍາດໂຄວິດ-19.
ຕາມທ່ານ ກາວກ໊ວກຮືງ ຮອງລັດຖະມົນຕີກະຊວງອຸດສາຫະກຳ ແລະການຄ້າຫວຽດນາມ ແລ້ວ, ພື້ນຖານໃຫ້ການເຕີບໂຕການສົ່ງອອກໃນໄລຍະຈະມາເຖິງ ຍ້ອນແມ່ນຄວາມສາມາດໃນການຮັບມືທີ່ດີກວ່າຂອງກຸ່ມວິສາຫະກິດພາຍໃນປະເທດຈາກຜົນກະທົບຂອງພະຍາດໂຄວິດ-19. ໃນ 6 ເດືອນຕົ້ນປີ 2020, ວົງເງິນສົ່ງອອກຂອງກຸ່ມວິສາຫະກິດພາຍໃນປະເທດເພີ່ມຂຶ້ນ 11,7% ເມື່ອທຽບໃສ່ໄລຍະດຽວກັນຂອງປີ 2019. ໝາກຜົນນີ້ໄດ້ສະແດງໃຫ້ເຫັນກໍາລັງໜູນເຕີບໂຕຂອງກຸ່ມວິສາຫະກິດພາຍໃນປະເທດແມ່ນບໍ່ໄດ້ອີງໃສ່ການເຕີບໂຕສົ່ງອອກຂອງກຸ່ມຜະລິດຕະພັນກະເສດ, ສິນໃນນ້ຳຄືໃນຊຸມປີກ່ອນນີ້ອີກແລ້ວ, ເຊິ່ງມາຈາກປະເພດສິນຄ້າຕ່າງໆຂອງກຸ່ມອຸດສາຫະກໍາ.
 | ປະທານຄະນະກຳມະການຊົນເຜົ່າສ່ວນໜ້ອຍນະຄອນ Prague (ເຊັກ): ປະຊາຄົມຊາວຫວຽດນາມສະໜັບສະໜູນ ປະເທດ ເຊັກ ຢ່າງແທດຈິງ ໃນການຕໍ່ສູ້ຕ້ານກັບ ໂລກລະບາດ COVID-19 ຍສໝ - ທ່ານ Jiří Koubek ເຈົ້າຄອງນະຄອນ Prague-Libuš ໃຫ້ຮູ້ວ່າການເຄື່ອນໄຫວຂອງປະຊາຄົມຊາວຫວຽດນາມໃນ 4 ເດືອນຜ່ານມາໄດ້ຮັບການຕີລາຄາສູງຈາກປະທານາທິບໍດີເຊັກ. |
 | ຫວຽດນາມ ແບ່ງປັນບົດຮຽນປະສົບການໃນການຄວບຄຸມໂລກລະບາດ ກັບ ສ.ເກົາຫຼີ ຍສໝ - ທ່ານລັດຖະມົນຕີກະຊວງການຕ່າງປະເທດ Kang Kyung Wha ໄດ້ເຫັນດີເປັນເອກະພາບສືບຕໍ່ບັນດາມາດຕະການໜູນຊ່ວຍບັນດາວິສາຫະກິດ, ຍູ້ແຮງການດຳເນີນທຸລະກິດ ແລະ ມາລົງທຶນຢູ່ຫວຽດນາມ, ທ່ານກໍ່ຢັ້ງຢືນວ່າ ຈະຕັ້ງໜ້າເຂົ້າຮ່ວມບັນດາການເຄື່ອນໄຫວຮ່ວມມືໃນບັນດາກົນໄກຂອງອາຊຽນ ແລະ ອະນຸພາກພື້ນແມ່ນ້ຳຂອງໃນໄລຍະຈະມາເຖິງ. |
 | ວັນທີ 9 ສິງຫາ ຈະນຳພົນລະເມືອງຫວຽດນາມຈາກຢູແກຼນຜູ້ທີ່ປາດຖະໜາຢາກກັບຄືນປະເທດ ຍສໝ - ສະຖານທູດຫວຽດນາມປະຈຳ ຢູແກຼນ ໃຫ້ຮູ້ວ່າລັດຖະບານຫວຽດນາມຈະຈັດຕັ້ງຖ້ຽວບິນເພື່ອນໍາສົ່ງພົນລະເມືອງຫວຽດນາມ ຢູ່ ຢູແກຼນ ຜູ້ທີ່ປາດຖະໜາຢາກກັບຄືນປະເທດ. |
ໄຊພອນ
