 |
| ອົງການຈັດຕັ້ງ Plan International ຫວຽດນາມ ໄດ້ສົມທົບກັບມະຫາວິທະຍາໄລຄົມມະນາຄົມ ແລະ ຂົນສົ່ງ ປຸກລະດົມ ການສອບເສງ “ອອກແບບຮູບແບບບ່ອນລໍຖ້າລົດເມ ມີຄວາມປອດໄພ - ອັດສະລິຍະ - ເປັນມິດ”. |
ຂໍ້ລິເລີ່ມກ່ຽວກັບການສອບເສງນີ້ໄດ້ເລີ່ມຕົ້ນແຕ່ໝາກຜົນຂອງການສຳຫຼວດ ທີ່ໄດ້ປະຕິບັດຢູ່ສະຖານທີ່ຈອດ, ບ່ອນລໍຖ້າລົດເມໃນບໍລິເວນນະຄອນ ຮ່າໂນ້ຍ, ຜ່ານນັ້ນສະແດງໃຫ້ເຫັນຄຸນນະພາບຂອງ ສະຖານທີ່ຈອດ, ບ່ອນລໍຖ້າລົດເມຢູ່ນະຄອນຮ່າໂນ້ຍບັນລຸໄດ້ພຽງແຕ່ລະດັບກາງ (67.2/100 ຄະແນນ). ມີສະຖານທີ່ຫຼາຍແຫ່ງຖືກຕົກຕ່ຳ, ເປ່ເພ, ບໍລິເວນຢືນລໍຖ້າລົດເມຂອງຜູ້ໂດຍສານຖືກບຽດຢຶດຕະຫຼອດ ສ້າງຄວາມບໍ່ສະບາຍ ແລະ ເສຍຄວາມປອດໄພ. ມີສະຖານທີ່ຈອດ, ບ່ອນລໍຖ້າລົດເມຫຼາຍແຫ່ງຢູ່ບ່ອນທີ່ມີຄົນເດີນທາງໄປມາໜ້ອຍ, ຂາດແສງໄຟສ່ອງແສງ, ຈຳກັດວິໄສທັດຂອງຜູ້ໂດຍສານ ໃນຍາມຕອນຄ່ຳ…
ການສອບເສງ “ອອກແບບຮູບແບບບ່ອນລໍຖ້າລົດເມທີ່ມີຄວາມປອດໄພ - ອັດສະລິຍະ - ເປັນມິດ” ແມ່ນໂອກາດເພື່ອໃຫ້ນັກສຶກສາ ຍົກອອກບັນດາວິທີການແກ້ໄຂໃຫ້ແກ່ບັນຫາຂາດຄວາມປອດໄພ ເມື່ອນຳໃຊ້ພາຫະນະຂົນສົ່ງ ສາທາລະນະ. ການສ່ອງເສງຍັງປະກອບສ່ວນປ່ຽນແປງແນວຄິດຕາຍຕົວກ່ຽວກັບເລື່ອງ ໄວໜຸ່ມບໍ່ມີຄວາມສົນໃຈ ແລະ ບໍ່ສາມາດເຂົ້າຮ່ວມການສ້າງສາ ແລະ ບໍລິຫານນະຄອນ. ບັນດາວິທິການແກ້ໄຂໄດ້ຍົກອອກມາໃນການສອບເສງຈະປະກອບສ່ວນຍົກສູງຄຸນນະພາບການບໍລິຫານຂົນສົ່ງຜູ້ໂດຍສານສາທາລະນະ ຈາກນັ້ນສົ່ງເສີມປະຊາຊົນນຳໃຊ້ລົດເມແທນທີ່ນຳໃຊ້ພາຫະນະສ່ວນຕົວ.
ບັນດາກຸ່ມເຂົ້າຮ່ວມ ຈະສົ່ງບົດເຂົ້າຮ່ວມການແຂ່ງຂັນທາງອອນລາຍໄປຍັງ ຄະນະຈັດຕັ້ງການສອບເສັງຕາມ Email: [email protected] ກ່ອນວັນທີ 10 ກໍລະກົດປີ 2020. ຫຼັງຈາກນັ້ນ, ການສອບເສງຈະໄດ້ຈັດຕັ້ງເປັນ 2 ຮອບ: ຮອບຄັດເລືອກເບື້ອງຕົ້ນຈະດຳເນີນໃນວັນທີ 16 ກໍລະກົດ ປີ 2020 ໂດຍຈະເລືອກເອົາ 2 ກຸ່ມເຂົ້າຮ່ວມການເສັງທີ່ດີເດັ່ນ ໄດ້ເຂົ້າຮອບຊີງຊະນະເລີດ, ຮອບຊີງຊະນະເລີດຄາດວ່າຈະດຳເນີນໃນວັນທີ 25 ສິງຫາ 2020 ເພື່ອເລືອກເອົາກຸ່ມທີ່ມີແຜນການອອກແບບທີ່ດີເດັ່ນທີ່ສຸດ.
ນີ້ແມ່ນການເຄື່ອນໄຫວທີ່ນອນໃນຂອບເຂດໂຄງການ “ນະຄອນມີຄວາມປອດໄພ ແລະ ເປັນມິດກັບເດັນນ້ອຍຍິງ” ໂດຍອົງການຈັດຕັ້ງ Plan International ສົມທົບກັບກົມສະເໝີພາບລະຫວ່າງ ຍິງ - ຊາຍ - ກະຊວງແຮງງານ - ທະຫານເສຍອົງຄະ ແລະ ສັງຄົມ ຫວຽດນາມ, ມະຫາວິທະຍາໄລ ຄົມມະນາຄົມ ແລະ ຂົນສົ່ງ, ສູນຄຸ້ມຄອງ ແລະ ບໍລິຫານຄົມມະນາຄົມ ຕົວເມືອງຮ່າໂນ້ຍ, ສະຫະພັນແມ່ຍິງນະຄອນຮ່າໂນ້ຍ, ຄະນະກຳມະການປະຊາຊົນ ເມືອງ ດົງແອັງ, ສະຖາບັນພັດທະນາ ສຸຂະພາບ ປະຊາຄົມແສງໄຟ (LIGHT) ພວມປະຕິບັດ ຢູ່ຮ່າໂນ້ຍນັບແຕ່ປີ 2014 ແລະ ຢູ່ລະດັບຊາດ ເລີ່ມແຕ່ປີ 2017 ດ້ວຍເປົ້າໝາຍກໍ່ສ້າງບັນດານະຄອນ ທີ່ມີຄວາມປອດໄພ, ເປັນມິດ ແລະ ມີຄວາມຮັບຜິດຊອບຕໍ່ເດັກນ້ອຍ ແລະ ໄວໜຸ່ມຍິງ.
ທ່ານຮອງສາດສະດາຈານ ປອ ຫງວຽນແທັງເຈືອງ - ເລຂາຄະນະພັກ, ຮອງຜູ້ອຳນວຍການໂຮງຮຽນແບ່ງປັນວ່າ: “ຄະນະຈັດຕັ້ງມີຄວາມປາດຖະໜາວ່າ ນັກສຶກສາບັນດາມະຫາວິທະຍາໄລໃຫຍ່ ກ່ຽວກັບທາງດ້ານເຕັກນິກໃນບໍລິເວນຮ່າໂນ້ຍ, ນັກສຶກສາຕ່າງປະເທດຮ່ຳຮຽນຢູ່ ຫວຽດນາມ, ນັກສຶກສາຫວຽດນາມຮ່ຳຮຽນຢູ່ຕ່າງປະເທດ ກໍ່ສາມາດເຂົ້າຮ່ວມກັບພວກຂ້າພະເຈົ້າໃນການເຄື່ອນໄຫວນີ້. ຫວັງວ່າ, ຈະມີຂໍ້ລິເລີ່ມ, ປະດິດສ້າງຫຼາຍຂໍ້ຂອງນັກສຶກສາຈາການສອບເສງນີ້ຈະໄດ້ນຳໃຊ້ເຂົ້າພຶດຕິກຳຕົວຈິງເພື່ອປະຊາຊົນອາດຈະຊົມໃຊ້ບ່ອນອັດສະລິຍະ, ທີ່ເປັນມິດ, ຄວາມປອດໄພໃນໄລຍະຈະມາເຖິງ”.
 |
| ທ່ານຮອງສາດສະດາຈານ ປອ ຫງວຽນແທັງເຈືອງ. |
ໂຄງການນະຄອນ ທີ່ມີຄວາມປອດໄພ ແລະ ເປັນມິດກັບເດັກນ້ອຍຍິງ ໄດ້ເລີ່ມປະຕິບັດຢູ່ຮ່າໂນ້ຍເລີ່ມແຕ່ປີ 2014 ດ້ວຍເປົ້າໝາຍສ້າງນະຄອນທີ່ມີຄວາມປອດໄພ, ມີຄວາມຮັບຜິດຊອບ ແລະ ເປັນມິດກັບບັນດາເດັກນ້ອຍຍິງທັງໝົດ. ຜ່ານ 6 ປີປະຕິບັດ, ໂຄງການໄດ້ສຳຜັດກັບນ້ອງນ້ອຍຊາຍ 325.000 ຄົນ, ນ້ອງນ້ອຍຍິງ 325.000 ຄົນ ແລະ ພະນັກງານຂະແໜງຄົມມະນາຄົມ ແລະ ຂົນສົ່ງຜູ້ໂດຍສານສາທາລະນະ 8000 ຄົນ ແລະ ພະນັກງານຂອງບັນດາອົງການແຫ່ງລັດ 1000 ຄົນ. ໂຄງການໄດ້ທົດລອງປະຕິບັດ ຢູ່ບັນດາເມືອງໃຫ້ສຳເລັດຜົນ ດ້ວຍລະບົດລົດເມຢູ່ນະຄອນຮ່າໂນ້ຍ. ຜົນສຳເລັດຂອງໂຄງການໃນໄລຍະທີ່ຜ່ານມາໄດ້ຮັບຮອງຈາກລັດຖະບານ ແລະ ນຳເຂົ້າໂຄງການແຫ່ງຊາດກ່ຽວກັບການປ້ອງກັນ, ຕ້ານ ແລະ ຮັບມືກັບຄວາມຮຸນແຮງບົນພື້ນຖານຍິງ - ຊາຍໄລຍະ 2016 – 2021.
ດ້ວຍປະສົບການເຮັດວຽກມາເປັນເວລາ 80 ປີ ຢູ່ 75 ປະເທດ, ອົງການ Plan International ແມ່ນອົງການບໍ່ຂຶ້ນກັບລັດຖະບານໃຫຍ່ທີ່ສຸດໃນໂລກທີ່ເຄື່ອນໄຫວໃນຂົງເຂດ ສິດທິເດັກນ້ອຍຍິງ. ຢູ່ຫວຽດນາມ, ອົງການ Plan International ໄດ້ເລີ່ມເຄື່ອນໄຫວແຕ່ປີ 1993. ໃນປີ 2017, ອົງການ Plan International ຫວຽດນາມ ໄດ້ ແລະ ກຳລັງປົບປຸງຊີວິດການເປັນຢູ່ຂອງ ເດັກນ້ອຍກ່ວາ 350.000 ຄົນ, ບັນດາຄອບຄົວ ແລະ ປະຊາຄົມມາຈາກ ຕາແສງ 131 ແຫ່ງ ທີ່ຂຶ້ນກັບ ນະຄອນ, ແຂວງ 10 ແຫ່ງໃນທົ່ວປະເທດ. ອົງການ Plan International ຫວຽດນາມຕັ້ງເປົ້າໝາຍຊ່ວຍເຫຼືອເດັກນ້ອຍ, ເຍົາວະຊົນ, ອະນຸຊົນ ພິເສດແມ່ນກຸ່ມທີ່ມີຄວາມສ່ຽງສູງກ່ວາໝູ່ ແລະ ບັນດານ້ອງນ້ອຍ, ໄດ້ກຳເນີດ ແບະ ເຕີບໃຫຍ່ໃນສັງຄົມທີ່ມີຄວາມປອດໄພ ແລະ ເຄົາລົບສິດທິເດັກນ້ອຍ. ມາຮອດປີ 2021, ອົງການ Plan International ຫວຽດນາມ ຈະກະທຳເພື່ອໃຫ້ນ້ອງນ້ອຍຍິງ 2 ລ້ານຄົນ ມາຈາກປະຊາຄົມຢູ່ຫວຽດນາມ 1.875 ແຫ່ງ ໄດ້ຮັບການຮ່ຳຮຽນ, ຊີ້ນຳ, ຕັດສິນໃຈ ແລະ ພັດທະນາ.
ມະຫາວິທະຍາໄລຄົມມະນາຄົມ ແລະ ຂົນສົ່ງພາຍຫຼັງ ສ້າງຕັ້ງ ແລະ ພັດທະນາ ມາເປັນເວລາກ່ວາ 75 ປີ ມີຄວາມພາກພູມໃຈທີ່ໄດ້ເປັນຫົວໜ່ວຍນຳໜ້າໃນບັນດາຂົງເຂດຄົມມະນາຄົມ ແລະ ຂົນສົ່ງໃນທົ່ວປະເທດ. ການຂົນສົ່ງຜູ້ໂດຍສານ ສາທາລະນະ ໃນສະພາບການປັດຈຸບັດໄດ້ຖືວ່າ ທ່າອ່ຽງພັດທະນາແບບຍືນຍົງຢູ່ບັນດາຕົວເມືອງໃໝ່ຄືຮ່າໂນ້ຍ. ດັ່ງນັ້ນ, ການຄົ້ນຄ້ວາ, ສ້າງພື້ນຖານໂຄງລ່າງຂົນສົ່ງຜູ້ໂດຍສານສາທາລະນະແບບຍືນຍົງຍັງປະສົບກັບຄວາມຫຍຸ້ງຍາກ, ສິ່ງທ້າທາຍກໍ່ຕາມ ແຕ່ດ້ວຍບົດຮຽນ, ປະສົບການຂອງຕົນ ມະຫາວິທະຍາໄລ ຄົມມະນາຄົມ ແລະ ຂົນສົ່ງ ໄດ້ ແລະ ກຳລັງຄົ້ນຄ້ວາ, ກໍ່ສ້າງມຸ່ງໄປສູ່ລະບົບຂົນສົ່ງຜູ້ໂດຍສານສາທາລະນະທີ່ມີຄວາມປອດໄພ, ອັດສະລິຍະ, ເປັນມິດ ແລະ ຍືນຍົງເທື່ອລະກ້າວ.
 | ນາຍົກລັດຖະມົນຕີ ຄາດປີນີ້ເສດຖະກິດລາວ ຈະຂະຫຍາຍຕົວລະດັບ 3,6% ສຳລັບປັດໄຈທີ່ເຮັດໃຫ້ GDP ຂະຫຍາຍຕົວໃນລະດັບ 3,6% ໃນ 2020 ມີດັ່ງນີ້: ຂະແໜງກະສິກຳ: ຂະຫຍາຍຕົວ 2,3% ຫລຸດແຜນການ 0,4%, ເຖິງວ່າຈະບໍ່ບັນລຸຕາມແຜນການທີ່ວາງໄວ້ແຕ່ເຫັນວ່າປະຊາຊົນ ໄດ້ຫັນມາສູ່ການຜະລິດກະສິກໍາ ເພື່ອສະໜອງພາຍໃນເພີ່ມຂຶ້ນ ຕາມຄວາມຕ້ອງການຂອງຕະຫລາດຍ້ອນການຈໍາກັດການສົ່ງອອກສິນຄ້າກະສິກໍາ ຂອງປະເທດເພື່ອນບ້ານ ເຮັດໃຫ້ການບໍລິໂພກຜະລິດຕະພັນພາຍໃນຫລາຍຂຶ້ນ. |
 | ປະເທດລາວ ໄດ້ເຂົ້າຮ່ວມກອງປະຊຸມຖ່າຍທອດສົດລະດັບສູງ ເພື່ອການຮ່ວມມືສາກົນ. ເມື່ອບໍ່ດົນມານີ້, ທ່ານ ສະເຫຼີມໄຊ ກົມມະສິດ - ລັດຖະມົນຕີກະຊວງການຕ່າງປະເທດແຫ່ງ ສປປ. ລາວ ໄດ້ນຳພາຄະນະຜູ້ແທນລາວ ເຂົ້າຮ່ວມກອງປະຊຸມທາງໄກລະດັບສູງໜຶ່ງແລວ ໜຶ່ງເສັ້ນທາງ ເພື່ອ ການຮ່ວມມືສາກົນ: ການຮ່ວມ ມືກັນໃນການຮັບມືຕ້ານການ ແຜ່ລະບາດພະຍາດ COVID-19. |
 | ສປປ ລາວ ບໍ່ພົບຜູ້ຕິດເຊື້ອພະຍາດ ໂຄວິດ-19 ເພີ່ມ ເປັນເວລາ 72 ວັນຕິດຕໍ່ກັນ ມາຮອດວັນທີ 23 ມິຖຸນາ 2020, ສປປ ລາວ ບໍ່ພົບຜູ້ຕິດເຊື້ອພະຍາດ ໂຄວິດ-19 ເພີ່ມ ເປັນເວລາ 72 ວັນຕິດຕໍ່ກັນ ແລະ ສາມາດປິ່ນປົວຜູ້ຕິດເຊື້ອທັງໝົດຫາຍດີ ແລະ ອອກໂຮງໝໍເປັນທີ່ຮຽບຮ້ອຍ. |
ບຸນຄົງ
