ຍີ່ປຸ່ນ ສະແດງຄວາມຄັດຄ້ານການກະທຳທີ່ເປັນຢ່າງຝ່າຍດຽວ ຂອງປະເທດຈີນ ໃນທະເລຕາເວັນອອກ

	ອັນຕະລາຍ ແລະ ຕ້ອງມີຄວາມລະມັດລະວັງຕົວ?
	ຫວຽດນາມ ໄດ້ປະຕິເສດຄຳຮຽກທວງ ຂອງປະເທດຈີນ ຢູ່ ທະເລຕາເວັນອອກ ຢ່າງເດັດຂາດ

ວັນທີ 19 ພຶດສະພາ, ຢູ່ Tokyo, ທ່ານ Taro Kono - ລັດຖະມົນຕີກະຊວງປ້ອງກັນປະເທດຍີ່ປຸ່ນ ໄດ້ສະແດງຄວາມຄັດຄ້ານ ຕໍ່ການເພີ່ມທະວີການເຄື່ອນໄຫວ ທີ່ສ້າງຄວາມເຄັ່ງຕຶງຂອງປະເທດຈີນ ຢູ່ທະເລຕາເວັນອອກ.

ໃນບັນດາການໂອ້ລົມທາງໂທລະສັບ ແລະ ການປະຊຸມທາງອອນລາຍກັບບັນດາຜູ້ນຳ ປະເທດສິງກະໂປ, ອິນໂດເນເຊຍ ແລະ ນິວຊີແລນ, ທ່ານ Taro Kono - ລັດຖະມົນຕີກະຊວງປ້ອງກັນປະເທດຍີ່ປຸ່ນ ໄດ້ກ່າວເຖິງການກະທຳທີ່ເປັນຢ່າງຝ່າຍດຽວ ແລະ ລະເມີດກົດໝາຍສາກົນ ຂອງຈີນ ໃນທະເລຕາເວັນອອກ.

ທ່ານ Taro Kono - ລັດຖະມົນຕີກະຊວງປ້ອງກັນປະເທດຍີ່ປຸ່ນ. (ພາບ: TTXVN)

ທ່ານ Taro Kono ກ່າວວ່າລັດຖະບານຍີ່ປຸ່ນ ສະແດງຄວາມຄັດຄ້ານ ສຳລັຢບການໃຊ້ອຳນາດການທະຫານ ເພື່ອປ່ຽນສະຖານະພາບ ແລະ ສ້າງຄວາມເຄັ່ງຕຶງຢູ່ທະເລຕາເວັນອອກ. ການກະທຳດັ່ງກ່າວ ແມ່ນບໍ່ສອດຄ່ອງກັບກົດໝາຍທະເລສາກົນ ໃນປະຈຸບັນນີ້.

ການພົວພັນທາງການທູດລະຫວ່າງຍີ່ປຸ່ນ ແລະ ຈີນ ໃນໄລຍະມໍ່ໆມານີ້ ມີຄວາມສັບສົນຫລາຍຂື້ນ, ເມື່ອເຮືອທະຫານຂອງຈີນ ໄດ້ລ່ວງລະເມີດໃນເຂດທະເລຂອງຍີ່ປຸ່ນ ໃນໝູ່ເກາະ Senkaku ທີ່ກຳລັງຄວບຄຸມໂດຍ Tokyo.

ໝູ່ເກາະ Senkaku ແມ່ນກຸ່ມໝູ່ເກາະນ້ອຍໆ ທີ່ຕັ້ງຢູ່ທາງທິດຕາເວັນຕົກ ຫ່າງຈາກບັນດາໝູ່ເກາະແຂວງ Okinawa, ປະເທດຍີ່ປຸ່ນ ປະມານ 400 ກມ.

ໃນປະຈຸບັນ, ໝູ່ເກາະ Senkaku ໄດ້ຄວບຄຸມໂດຍປະເທດຍີ່ປຸ່ນ, ແຕ່ປະເທດຈີນ ປະກາດອຳນາດອະທິປະໄຕ ແລະ ໄດ້ສົ່ງເຮືອສຳຫຼວດໄປເຂດໝູ່ເກາະນີ້ເປັນປະຈຳ.

ອັນຕະລາຍ ແລະ ຕ້ອງມີຄວາມລະມັດລະວັງຕົວ? ຍສໝ - ແຕ່ຕົ້ນປີ 2020 ມາຮອດປະຈຸບັນ, ໃນຂະນະທີ່ປະຊາຊົນທົ່ວໂລກກຳລັງຕໍ່ສູ້ກັບສັດຕູທີ່ເປັນອັນຕະລາຍທີ່ສຸດ (ເປັນທີ່ຮູ້ຈັກໂດຍຊື່ທີ່ແຕກຕ່າງກັນເຊັ່ນ: Corona Virus, Covid-19 ... ) ແຕ່ຈີນ ຍັງດຳເນີນກິດຈະກຳຫລາຍຢ່າງຢູ່ເຊິ່ງເຮັດໃຫ້ສະພາບການຢູ່ທະເລຕາເວັນອອກເຄັ່ງຕຶງຂຶ້ນຕື່ມ.

ຫວຽດນາມ ໄດ້ປະຕິເສດຄຳຮຽກທວງ ຂອງປະເທດຈີນ ຢູ່ ທະເລຕາເວັນອອກ ຢ່າງເດັດຂາດ ຍສໝ - ກະຊວງການຕ່າງປະເທດຫວຽດນາມ ໄດ້ຢືນຢັນວ່າ ຫວຽດນາມໄດ້ປະຕິເສດຄຳຮຽກທວງ ທີ່ບໍ່ມີເຫດຜົນ ແລະ ບັນດາການລະເມີດຂອງປະເທດຈີນ ຢູ່ ທະເລຕາເວັນອອກ ແລະ ຮຽກຮ້ອງຈີນບໍ່ໄດ້ເຮັດໃຫ້ສະພາບການສັບສົນຂຶ້ນຕື່ມ.

ຜູ້ຊ່ຽວຊານສາກົນ ກ່າວປະນາມ ຈີນ ລະເມີດກົດໝາຍສາກົນໃນທະເລຕາເວັນອອກ ຍສໝ - ບັນດາຜູ້ຊ່ຽວຊານສາກົນ ໄດ້ກ່າວປະນາມຢ່າງຮຸນແຮງ ຕໍ່ການກະທຳລະເມີດກົດໝາຍສາກົນ ຂອງ ຈີນ ຢູ່ ທະເລຕາເວັນອອກ ໃນເມື່ອບໍ່ດົນມານີ້.