 |
ພາບປະກອບ
ສະພາລ່າງສະຫະລັດອາເມລິກາ ໄດ້ສະແດງຄວາມກັງວົນວ່າ ສະກຸນເງິນ Libra ຂອງ Facebook ຈະເຮັດໃຫ້ສະກຸນເງິນໂດລາອ່ອນແອ. ດັ່ງນັ້ນ, ພວກເຂົາກໍາລັງສັ່ງໃຫ້ ບໍລິສັດເຕັກໂນໂລຢີນີ້ ຢຸດການພັດທະນາສະກຸນເງິນເອເລັກໂຕຣນິກ. ກຸ່ມສະມາຊິກນິຕິບັດຍັດ ທີ່ ຄະນະກຳມະການບໍລິການດ້ານການເງິນ ສະພາລ່າງ ສະຫະລັດອາເມລິກາ ຫາກໍ່ສົ່ງຈົດຫມາຍ ໄປຫາ ເຟສບຸກ, ຮຽກຮ້ອງໃຫ້ຢຸດການພັດທະນາ ສະກຸນເງິນ Libra ຈົນກວ່າ ບັນດາຜູ້ຄຸ້ມຄອງຈະມີເວລາໃນການກວດກາເບິ່ງແຜນງານຂອງໂຄງການ. ຈົດຫມາຍສະບັບດັ່ງກ່າວ ກໍ່ສະແດງໃຫ້ເຫັນຄວາມກົດດັນທີ່ເພີ່ມຂື້ນ ໃນແຜນການ-ການພັດທະນາ ສະກຸນເງິນ ເງິນເອເລັກໂຕນິກຂອງເຟສບຸກ, ຊຶ່ງກໍ່ໄດ້ຖືກກວດສອບຈາກຜູ້ບໍລິຫານການໃນທົ່ວໂລກ ຢ່າງລະອຽດລະອໍ.
ເດືອນທີ່ຜ່ານມາ Facebook ໄດ້ປະກາດແຜນການ-ການພັດທະນາ ສະກຸນເງິນ Libra ໃນຄວາມຫວັງວ່າມັນຈະກາຍເປັນສະກຸນເງິນທີ່ມີຄວາມຫມັ້ນຄົງ ແລະ ໄດ້ຮັບການຍອມຮັບຢ່າງກວ້າງຂວາງທົ່ວໂລກ. ບໍລິສັດໄດ້ນໍາສະເໜີວ່າ ສະກຸນເງິນ Libra ສາມາດຕໍ່ຍອດໄດ້ ໃນການບໍລິການດ້ານການເງິນທົ່ວໂລກ ແລະ ເຮັດໃຫ້ການໂອນເງິນອອນລາຍງ່າຍຂຶ້ນ, ລາຄາຖືກກວ່າ.
ຢ່າງໃດກໍຕາມ, ຂະຫນາດ ແລະ ອິດທິພົນຂອງເຟສບຸກໄດ້ເຮັດໃຫ້ອົງການຄຸ້ມຄອງ ຮຽກຮ້ອງ ໃຫ້ໂຈະໄວ້ກ່ອນ. Facebook ມີຜູ້ຊົມໃຊ້ 2,4 ລ້ານຄົນທົ່ວໂລກ. ນີ້ອາດຈະເປັນຈໍານວນຂອງລູກຄ້າອັນມະຫາສານ ທີ່ຈະຍອມຮັບ ສະກຸນເງິນ ທີ່ຍັງບໍ່ທັນມີແຜນການ-ການຄຸ້ມຄອງເທື່ອ. ບັນດານັກນິຕິບັນຍັດກໍ່ຍັງມີຄວາມກັງວົນ, ຜູ້ຊົມໃຊ້ Facebook ຈະພົບ ບັນຫາດ້ານຄວາມເປັນສ່ວນຕົວ ແລະ ຂໍ້ມູນຂ່າວສານສ່ວນຕົວ.
（ຫັດທະບູນ）
