ວິທະຍຸ Sputnik (ປະເທດຣັດເຊຍ) ໃນວັນທີ 25 ເມສາ ໄດ້ລົງລາຍຊື່ຫຼາຍບົດຂຽນຂອງສື່ມວນຊົນສາກົນ ທີ່ໄດ້ຕີລາຄາສູງຕໍ່ປະເທດຫວຽດນາມ ໃນການຕໍ່ສູ້ກັບການຕິດເຊື້ອພະຍາດປອດອັກເສບທີ່ເປັນໂລກລະບາດຢ່າງຮຸນແຮງ COVID-19. ຕາມ Sputnik ແລ້ວ, ຫົວຂໍ້ຕົ້ນຕໍຂອງບັນດາບົດຂຽນ ແລະ ຂໍ້ມູນຂ່າວສານກ່ຽວກັບຫວຽດນາມ ໃນສື່ມວນຊົນລັດເຊຍ ແລະ ຕ່າງປະເທດແມ່ນການວິເຄາະຄວາມເຄັດລັບຜົນສຳເລັດຂອງຫວຽດນາມ.
 |
| ບົດຂຽນໃນໜັງສືພິມ Los Angeles Times. (ພາບ: thoidai.com.vn) |
ຕາມນັ້ນ, ໜັງສືພິມ Los Angeles Times (ປະເທດອາເມລິກາ) ໃຫ້ຮູ້ວ່າ ຫວຽດນາມເປັນ “ແບບຢ່າງ” ແລະ ເຮັດໃຫ້ທົ່ວໂລກເກີດຄວາມແປກໃຈ ໃນການຕໍ່ສູ້ກັບໂລກລະບາດພະຍາດ Covid-19. ໜັງສືພິມອາເມລິກາ ກໍ່ໄດ້ຕີລາຄາກກ່ຽວກັບຄວາມປະສິດທິຜົນຂອງບັນດາມາດຕະການຮັບມືຢ່າງທັນການ ແລະ ເດັດດ່ຽວ ເຊິ່ງຫວຽດນາມໄດ້ປະຕິບັດ, ເຊັ່ນ: ຫ້າມທຸກໆການເດີນທາງມາຈາກປະເທດຈີນ, ປິດໂຮງຮຽນທຸກລະດັບໃນທ້າຍເດືອນມັງກອນ; ປະຕິບັດການແຍກຫ່າງ ແລະ ຕິດຕາມການເດີນທາງຂອງຄົນເຈັບ SARS-CoV-2 ກັບຄົນອື່ນ.
ໜັງສືພິມ Market Place ໄດ້ກ່າວວ່າ: ກົງຈັກຮັກສາຄວາມປອດໄພທີ່ເຂັ້ມແຂງໃນປະເທດຫວຽດນາມ ແລະ ອຳນາດການປົກຄອງທ້ອງຖິ່ນທີ່ມີປະສິດຕິພາບ ໄດ້ລະດົມໃນການຮັບປະກັນຂໍ້ມູນຂ່າວສານຢ່າງທັນທີ ກ່ຽວກັບການລະບາດ ແລະ ການແຍກຫ່າງ ໃນທົ່ວປະເທດ. ບົດຂຽນໃນໜັງ ສືພິມດັ່ງກ່າວນີ້ ໄດ້ເນັ້ນໜັກວ່າ: ແທນທີ່ຈະນຳໃຊ້ການທົດລອງໃຊ້ເປັນຂະຫຍາຍກວ້າງຂວາງ ເຊັ່ນ ສ.ເກົາຫຼີ ຫຼື ເຢຍລະມັນ, ຫວຽດນາມໄດ້ເລືອກວິທີການທີ່ເໝາະສົມສຳຫຼັບດ້ານງົບປະມານ ເພື່ອສະກັດກັ້ນໂລກລະບາດ Covid-19 ຢ່າງປະສິດທິຜົນ. “ໃນສະພາບການທີ່ການລະບາດຂອງພະຍາດ Covid-19 ຍັງສືບຕໍ່ແຜ່ລາມອອກໄປໃນບັນດາປະເທດຢ່າງສັບສົນ, ຮູບແບບປ້ອງກັນ ແລະ ຕ້ານພະຍາດ ຂອງຫວຽດນາມ ເປັນບົດຮຽນທີ່ສຳຄັນສຳຫຼັບບັນດາປະເທດທົ່ວໂລກ” - ບົດຂຽນໄດ້ກ່າວໄວ້.
ບົດຂຽນກໍ່ໄດ້ຢັ້ງຢືນເຖິງວ່າ ປັດໃຈສຳຄັນເຮັດໃຫ້ ປະເທດຫວຽດນາມ ມີປະສິດຕິຜົນໃນການປ້ອງກັນ ແລະ ຕ້ານພະຍາດ ແມ່ນການນຳພາຂອງພັກກອມມູນິດຫວຽດນາມ ໃນການຮຽກຮ້ອງໃຫ້ປະຊາຊົນ ຕ້ອງການສາມັກຄີ ແລະ ກຳນົດຄວາມຮັບຮູ້ທີ່ເປັນເອກະລັກສະເພາະ ແມ່ນ: ຕໍ່ສູ້ຕ້ານໂລກລະບາດ ຄືກັບການຕໍ່ສູ້ກັບສັດຕູ.
 | ບັນດາຜູ້ນຳສາກົນ ໄດ້ຕີລາຄາສູງປະເທດຫວຽດນາມ ເປັນແບບຢ່າງໃນການຄວບຄຸມພະຍາດ ທີ່ມີປະສິດຕິຜົນ ຍສໝ - ທີ່ກອງປະຊຸມອອນລາຍກ່ຽວກັບການການຮ່ວມມືລັດຖະສະພາ ເພື່ອສະກັດກັ້ນພະຍາດ COVID-19, ເຊິ່ງໄດ້ຈັດຕັ້ງໂດຍຄະນະກຳມະການຮ່ວມມືສະພາຕ່ຳຂອງ ອິນໂດເນເຊຍ. ປະເທດຫວຽດນາມໄດ້ຮັບການຕີລາຄາສູງ ໂດຍຜູ້ນຳຕ່າງປະເທດ ແລະ ໄດ້ຮັບຄວາມຄິດເຫັນຂອງປະຊາຊົນສາກົນວ່າ ເປັນຮູບແບບການຄວບຄຸມທີ່ມີປະສິດຕິຜົນ. |
 | ຊາວຫວຽດນາມ ອາໄສ ຢູ່ ອາເມລິກາ ໄດ້ຮ່ວມແຮງຮ່ວມໃຈຕໍ່ສູ້ຕ້ານກັບພະຍາດ COVID-19 ຍສໝ - ຕໍ່ໜ້າກັບສະຖານະການທີ່ສັບສົນຂອງການລະບາດພະຍາດ COVID-19, ປະຊາຄົມຊາວຫວຽດນາມ ອາໄສຢູ່ອາເມລິກາ ຍາມໃດກໍ່ໄດ້ຮ່ວມແຮງຮ່ວມໃຈກັນໃນການປ້ອງກັນການລະບາດ. |
 | ປະຊາຄົມຊາວຫວຽດນາມຢູ່ Irkutsk ບໍລິຈາກຜ້າອັດປາກ 4.000 ອັນ ໃຫ້ແກ່ຂະບວນການອາສາສະໝັກ ຢູ່ ລັດເຊຍ ຍສໝ - ເມື່ອບໍ່ດົນມານີ້, ຊຸມຊົນຊາວຫວຽດນາມ ຢູ່ ເມືອງ Irkutsk ໄດ້ມອບຜ້າອັດປາກທີ່ສາມາດນຳໃຊ້ໄດ້ຄືນ ຈຳນວນ 4000 ອັນ ໃຫ້ຫ້ອງການບໍລິຫານງານຂະບວນການອາສາສະໝັກ "ພວກເຮົາຮ່ວມກັນ" ຂອງແຂວງ Irkutsk, ລັດເຊຍ. |
ຄຳຮຸ່ງ
