 |
ປະທານ Kim Jong-un ອຳລາ ປະທານາທິບໍດີ Donald Trump ດ້ວຍຄວາມຍິ້ມແຍ້ມ. (ພາບ: Instagram)
ເລຂາໂຄສົກ ເຮືອນຂາວ Sarah Sanders ວັນທີ 28/2 ໄດ້ອັບບັນຊີ Instagram ຮູບຖ່າຍ ຂອງ ປະທານາທິບໍດີ ອາເມລິກາ Donald Trump ແລະ ປະທານ ສປປ ເກົາຫຼີ Kim Jong-un ພາຍຫຼັງກອງປະຊຸມສຸດຍອດຄັ້ງທີ 2 ຢູ່ຮ່າໂນ້ຍ ຊິ້ນສຸດລົງ.
“ປະທານາທິບໍດີ Trump ກ່າວຄຳອຳລາ ປະທານ Kim ເມື່ອກອງປະຊຸມສຸດຍອດຊິ້ນສຸດລົງ ຢູ່ ຮ່າໂນ້ຍ”, ທ່ານນາງ Sanders ໄດ້ອັບຂໍ້ຄວາມບັນຍາຍຮູບພາບ. ພາຍໃນຮູບ ປະທານ Kim ມີໃບໜ້າທີ່ຍິ້ມແຍ້ມແຈ່ມໃສຂະນະທີ່ໂອ້ລົມກັບ ປະທານາທິບໍດີ Trump.
ກອງປະຊຸມສຸດຍອດ ອາເມລິກາ -ສປປ ເກົາຫຼີ ຢູ່ ໂຮງແຮມ Metropole ຕອນເຊົ້າວັນທີ 28/2 ຈົບລົງໄວກ່ອນກຳນົດ. ຜູ້ນຳທັງສອງຝ່າຍບໍ່ຮ່ວມຮັບປະທານອາຫານທ່ຽງນຳກັນ ແລະ ບໍ່ມີການລົງນາມໃນຄຳຖະແຫຼງ ຮ່ວມ ຕາມແຜນທີ່ວາງໄວ້ກ່ອນໜ້ານີ້.
ໃນການຖະແຫຼງຂ່າວຫຼັງຈາກນັ້ນ, ປະທານາທິບໍດີ ອາເມລິກາ ໃຫ້ຮູ້ວ່າ: ທັງສອງຝ່າຍຍັງບໍ່ທັນມີຄວາມເປັນເອກກະພາບກັນກ່ຽວກັບ ການຂວ້າບາດ ຂອງ Washington. ປະທານາທິບໍດີ Trump ເວົ້າວ່າ: “ ສປປ ເກົາຫຼີ ຕ້ອງການໃຫ້ ອາເມລິກາ ລົບລ້າງຄຳສັ່ງຂວ້າບາດທັງໝົດ, ແຕ່ພວກເຮົາຍັງບໍ່ທັນສາມາດເຮັດແນວນັ້ນໄດ້. ພວກເຮົາຕ້ອງໄດ້ຫຼີກລ້ຽງບັນຫາດັ່ງກ່າວນີ້.（ຫັດທະບູນ）
