 |
ທີມຊາດລາວ ພົບ ບັງກະລາເທດ ບານໂລກ 2022 ຮອບຄັດເລືອກ. ພາບ:vientianemai.net
ສະຫະພັນບານເຕະອາຊີ (AFC) ຈັບສະຫຼາກການແຂ່ງຂັນບານໂລກ 2022 ຢູ່ປະເທດກາຕາ ຮອບຄັດເລືອກ ຮອບທີ 1 ແລະ ການແຂ່ງຂັນບານເຕະຊີງແຊັມອາຊີ 2022 ຮອບຄັດເລືອກຮອບທີ 1 (FIFA World Cup Qatar 2022 and AFC Asian Cup 2022 Qualifiers-Preliminary Joint Qualification Round 1) ຂຶ້ນວັນທີ 17 ເມສາ 2019 ຢູ່ກົວລຳເປີ ປະເທດມາເລເຊຍ.
ສຳລັບທີມຊາດລາວ ຖືກຈັບສະຫຼາກ ພົບກັບ ທີມຊາດບັງກະລາເທດ ໂດຍນັດທີ 1 ຈະແຂ່ງຂັນວັນທີ 6 ມິຖຸນາ 2019 ຢູ່ສະໜາມກີລາແຫ່ງຊາດ ຫຼັກ 16 ນະຄອນຫຼວງວຽງຈັນ ແລະ ນັດທີ 2 ຈະແຂ່ງຂັນວັນທີ 11 ມິຖຸນາ 2019 ຢູ່ປະເທດບັງກະລາເທດ.
ສ່ວນຜົນການຈັບສະຫຼາກຄູ່ອື່ນໆມີ: ທີມຊາດມົງໂກລີ ພົບ ທີມຊາດບຣູໄນ ທີມຊາດມາເກົາ ພົບ ທີມຊາດສີລັງກາ ທີມຊາດມາເລເຊຍ ພົບ ທີມຊາດຕີມໍ ເລສເຕ ທີມຊາດກຳປູເຈຍ ພົມ ທີມຊາດປາກິສຖານ ທີມຊາດພູຖານ ພົບ ທີມຊາດກວມ.
（ແຫຼ່ງຂໍ້ມູນ： www.vientianemai.net）
