ປະເທດໄທ ໄດ້ອອກແຈ້ງການ ພະລາດສະອົງການຂອງເຈົ້າຊີວິດ ກ່ຽວກັບ ວັນເລືອກຕັ້ງທົ່ວປະເທດ

ທ່ານ ປຣະຢຸດ ຈັນໂອຊາ ນາຍົກລັດຖະມົນຕີ ແຫ່ງລາຊາອານາຈັກໄທ.

ພະລາດສະອົງການດັ່ງກ່າວ ອອກໂດຍ ເຈົ້າຊີວິດ ມະຫາ ວະຈິຣາໂລງກອນ ເປັນຜູ້ອະນຸມັດ ແລະ ໄດ້ຮັບການເຜີຍແຜ່ໃນເວບໄຊຂອງ ພະລາດສະວັງ.

ໃນອີກ 5ມື້ຕໍ່ໜ້ານີ້, ກຳມະການການເລືອກຕັ້ງແຫ່ງຊາດ ຈະແຈ້ງການຢ່າງເປັນທາງການວັນເວລາຂອງການເລືອກຕັ້ງ, ຕາມກົດໝາຍການຈັດຕັ້ງ ທີ່ກ່ຽວຂ້ອງກັບການເລືອກຕັ້ງ ໄດ້ກຳນົດໄວ້ໃນຣັດຖະທຳມະນູນຂອງປະເທດນີ້.

ໃນມື້ດຽວກັນ ສຳນັກຂ່າວໄທ ໄດ້ອີງໃສ່ຄຳໃຫ້ສຳພາດຂອງ ທ່ານນາຍົກລັດຖະມົນຕີ ປະຢຸດ ຈັນໂອຊາ ທ່ານກຳລັງພິຈາລະນາວ່າຈະເຂົ້າຮ່ວມກັບພັກໃດ ເພື່ອສືບຕໍ່ປະຕິບັດບັນນະໂຍບາຍຂອງລັດຖະບານປະຈຸບັນ.

ກ່ອນໜ້ານີ ພັກທີ່ສະໜັບສະໜູນ ລັດຖະບານ ພະລັງ ປຣະຊາຣັດ (PPRP) ໄດ້ກ່າວຕໍ່ສື່ມວນຊົນວ່າ ນາຍົກ ປຣະຢຸດ ຈັນໂອຊາ ແມ່ນໜຶ່ງໃນຜູ້ສະໝັກເປັນນາຍົກອັນດັບຕົ້ນໆຂອງພັກ ດັ່ງກ່າວຂອງການປ່ອນບັດຄັດເລືອກໃນສະພາຫຼັງການເລືອກຕັ້ງ.

ແຕ່ເຖິງຢ່າງໃດກໍ່ຕາມ, ທ່ານ ປຣະຢຸດ ຈັນໂອຊາ ໄດ້ໃຫ້ສຳພາດວ່າ: PPRP ຍັງບໍ່ທັນໄດ້ເຂົ້າມາເຊີນທ່ານເຂົ້າຮ່ວມພັກດັ່ງກ່າວເລີຍ. ມາຮອດປະຈຸບັນໄດ້ມີບາງພັກໄດ້ເລືອກ ຕົວແທນເຂົ້າຮ່ວມໃນການຊິງຕຳແໜ່ງນາຍົກໃຫ້ພັກຕົນແລ້ວ, ໃນມີພັກ ພູມໃຈໄທ, ພັກປະຊາທິປັດ, ພັກເພື່ອໄທ.

ຄວາມເປັນໄປໄດ້ໃນການເລືອກຕັ້ງ ຢູ່ປະເທດໄທ ອາດຈະຈັດຂື້ນໃນວັນທີ 24 ມີນາ ທີ່ຈະມາເຖິງ ຊ້າກວ່າແຜນການກ່ອນໜ້ານີ້ປະມານ 1 ເດືອນ.

（ຫັດ​ທະ​ບູນ）