ເຂົ້າຮ່ວມພິທີປຸກລະດົມທົ່ວປວງຊົນສະໜັບສະໜູນເພື່ອປ້ອງກັນ, ສະກັດກັ້ນໂລກລະບາດ Covid-19 ໃນຕອນເຊົ້າວັນທີ 18 ມີນາ ຢູ່ ຮ່າໂນ້ຍ, ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ຢັ້ງຢືນວ່າ: ພັກ ແລະ ລັດຍາມໃດກໍ່ຖືບັນຫາສຸຂະພາບຂອງປະຊາຊົນແມ່ນສຳຄັນທີ່ສຸດ, ແມ່ນບຸລິມະສິດແຖວໜ້າໃນການປະຕິບັດເປົ້າໝາຍນຳພາ, ຄຸ້ມຄອງເສດຖະກິດ - ສັງຄົມຂອງປະເທດຊາດ.
 |
ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ໃນພິທີປຸກລະດົມ. (ພາບ: thanhnien.vn)
ທ່ານນາຍົກລັດຖະມົນຕີກ່າວວ່າ:ຂ້າພະເຈົ້າຮຽກຮ້ອງໃຫ້ພໍ່ແມ່ປະຊາຊົນທຸກຊັ້ນວັນນະ ແລະ ນັກຮົບໃນທົ່ວປະເທດ ຈົ່ງເສີມຂະຫຍາຍໝາກຜົນທີ່ບັນລຸໄດ້, ສືບຕໍ່ມານະພະຍາຍາມຈົນສຸດຄວາມສາມາດຂອງຕົນ ປະຕິບັດບັນດາມາດຕະການຢ່າງເຂັ້ມງວດກ່ວາ ເພື່ອສະກັດກັ້ນໂລກລະບາດ. ເພື່ອເຮັດໄດ້ສິ່ງນັ້ນ ຄວນມີການເຂົ້າຮ່ວມຢ່າງແຮງກ່ວາອີກ ຂອງທົ່ວລະບົບການເມືອງ, ທຸກຂັ້ນ, ທຸກຂະແໜງການ, ທຸກຊັ້ນຄົນໃນສັງຄົມ, ພິເສດແມ່ນຄວາມຕື່ນຕົວ, ສະຕິການປະຕິບັດຕາມການກຳນົດ, ຄຳກ່າວເຕືອນຂອງກະຊວງສາທາລະນະສຸກ, ອຳນາດການປົກຄອງທຸກຂັ້ນ.
（ຄຳຮຸ່ງ）
