 |
ພາບປະກອບ
ປີ 2019, ຫວຽດນາມ ຕ້ອນຮັບແຂກທ່ອງທ່ຽວສາກົນກວ່າ 18 ລ້ານເທື່ອຄົນ. ການເຕີບໂຕຂອງຂະແໜງທ່ອງທ່ຽວຫວຽດນາມ ກໍ່ປະກອບສ່ວນເຂົ້າໃນການເຕີບໂຕລວມຂອງພາກພື້ນອາຊີຕາເວັນອອກສ່ຽງໃຕ້ ແລະອາຊີ-ປາຊີຟິກ. ປີ 2019, ປະລິມານແຂກທ່ອງທ່ຽວສາກົນທີ່ມາຈາກອາຊີ-ປາຊີຟິກເພີ່ມຂຶ້ນ 4,6%, ສູງທີ 2 ໃນໂລກ, ຖັດຈາກພາກພື້ນຕາເວັນອອກກາງ, ສະເພາະພາກພື້ນອາຊີຕາເວັນອອກສ່ຽງໃຕ້ເພີ່ມຂຶ້ນ 7,8%.
ໂດຍຖືກນອນຢູ່ແຄມອ່າວ ຮະລອງ, ມໍລະດົກທຳມະຊາດໂລກ ເຊິ່ງໄດ້ຮັບການຮັບຮອງເປັນສອງຄັ້ງ ຈາກ Unesco, ຮະລອງ ແມ່ນນະຄອນທ່ອງທ່ຽວທີ່ພົ້ນເດັ່ນຢູ່ພາກເໜືອ ຫວຽດນາມ ດ້ວຍທິວທັດທຳມະຊາດງົດງາມມະຫັດສະຈັນ, ພື້ນຖານໂຄງລ່າງພັດທະນາ. ດ້ວຍບັນດາບາດກ້າວທີ່ແຂງແຮງທາງດ້ານເສດຖະກິດ ສັງຄົມ, ໂສມໜ້າໄດ້ປ່ຽນແປງໄປໃນແຕ່ລະວັນ. ຮະລອງ ໄດ້, ພວມ ແລະ ຈະຮັກສາບົດບາດ ເປັນກຳລັງໜູນໃຫ້ແກ່ແຂວງ ກວ໋າງນິງ ເພື່ອນຳພາບພົດ ຫວຽດນາມ ອອກສູ່ເພື່ອນມິດສາກົນ.
ປັດຈຸບັນ ຮະລອງ ໄດ້ມີບັນດາເສັ້ນທາງຕິດຕໍ່ກັນ ອ້ອມຮອບນະຄອນທີ່ສວຍງາມດັ່ງໃນຝັນ. ບັນດາເສັ້ນທາງພາຍໃນຕົວເມືອງ ໄດ້ຮັບການູລະນະສ້ອມແປງສະອາດງາມຕາ, ບັນດາສວນສາທາລະນະມີດອກໄມ້, ຕົ້ນໄມ້ຂຽວງາມ.ເສັ້ນທາງຫຼວງ ຮະລອງ - ຫ໋າຍຟ່ອງ, ຮະລອງ - ເວິນໂດ່ນ, ສະໜາມບິນສາກົນ ເວິນໂດ່ນ, ທ່າກ່ຳປັ່ນສາກົນ ຫ໋າຍຟ່ອງ ກໍ່ໄດ້ຕ້ອນຮັບກ່ຳປັ່ນນັບຮ້ອຍຖ້ຽວ ທີ່ມາຈາກຫຼາຍປະເທດໃນໂລກເຂົ້າທຽບທ່າ, ອັນໄດ້ນຳ ຮະລອງ ຍັບເຂົ້າໃກ້ກັບໂລກພາຍນອກ. ປີ 2019, ແຂວງ ກວ໋າງນິງ ໄດ້ຕ້ອນຮັບແຂກທ່ອງທ່ຽວ 14 ລ້ານເທື່ອຄົນ ໃນນັ້ນຕົ້ນຕໍແມ່ນມາທ່ອງທ່ຽວຢູ່ ຮະລອງ.
（ໄຊພອນ）
