ກອງ​ປະ­ຊຸມ​ປຶກ­ສາ​ຫາ­ລື​ວຽກ​ງານ​ຂອງ​ຄະ­ນະ​ສະ­ເພາະ​ກິດ​ເພື່ອ​ປ້ອງ​ກັນ ຄວບ​ຄຸມ­ພະ​ຍາດ ແລະ ແກ້​ໄຂ​ການ​ແຜ່​ລະ­ບາດ​ຂອງ​ພະ­ຍາດ​ອັກ­ເສບ​ປອດ ຈາກ​ເຊື້ອ​ຈຸ​ລະ​ໂລກ​ສາຍ​ພັນ​ໃໝ່ ຫຼື ໂຄ​ໂຣ​ນາ​ໄວ​ຣັສ (nCov). (ພາບ:vientianemai.net)

ກອງ​ປະ­ຊຸມ​ໄດ້​ຮັບ​ຟັງ​ການ​ລາຍ​ງານ​ສະ­ພາບ​ການ​ກຽ່ວ​ກັບ​ການ​ຄວບ​ຄຸມ ແລະ ເຝົ້າ​ລະ­ວັງ​ສະ­ພາບ​ການ​ຂອງ​ພະ­ຍາດ​ອັກ­ເສບ​ປອດ ຈາກ​ເຊື້ອ​ຈຸ​ລະ​ໂລກ​ສາຍ​ພັນ​ໃໝ່​ໂຄ​ໂຣ​ນາ 2019 (nCoV) ຢູ່ ສປປ ລາວ ນັບ​ແຕ່​ວັນ​ທີ 15 ມັງ­ກອນ?2 ກຸມ­ພາ 2020 ຢູ່ ສປປ ລາວ ມີ 13 ກໍ­ລະ­ນີ​ສົງ­ໄສ ຢູ່​ນະ­ຄອນ­ຫຼວງ​ວຽງ​ຈັນ 9 ກໍ­ລະ­ນີ ແຂວງ​ບໍ່​ແກ້ວ 2 ກໍ­ລະ­ນີ ອຸ­ດົມ​ໄຊ ແລະ ແຂວງ​ສະ­ຫວັນ​ນະ​ເຂດ ແຂວງ​ລະ 1 ກໍ­ລະ­ນີ (ຄົນ​ຈີນ 4 ກໍ­ລະ­ນີ ແລະ ຄົນ​ລາວ 9 ກໍ­ລະ­ນີ) ໄດ້​ຮັບ​ການ​ສອບ​ສວນ ແລະ ເກັບ​ຕົວ­ຢ່າງ​ທັງ​ໜົດ 13 ຕົວ­ຢ່າງ ໃຫ້​ຜົນ​ລົບ 11 ຕົວ­ຢ່າງ ແລະ ຍັງ​ອິກ 2 ຕົວ­ຢ່າງ ຍັງ​ລໍ­ຖ້າ​ຜົນ​ກວດ ມາ​ຮອດ​ປັດ­ຈຸ­ບັນ​ຢູ່ ສປປ ລາວ ຍັງ​ບໍ່​ພົບ​ກໍ­ລະ­ນີ​ຕິດ­ເຊື້ອ​ຢູ່​ລາວ ແລະ ປັດ­ຈຸ­ບັນ​ນັກ​ສຶກ​ສາ​ລາວ​ທີ່​ຍັງ​ອາ­ໄສ​ຢູ່ ສປ ຈີນ 242 ຄົນ ໃນ​ນັ້ນ ຍັງ​ຢູ່​ເມືອງ​ອູ​ຫັ່ນ ແຂວງ​ຫູ​ເປີຍ ຈຳ­ນວນ 37 ຄົນ ຍັງ​ມີ​ສຸ­ຂະ­ພາບ​ທີ່​ແຂງ­ແຮງ​ດີ ແລະ ປອດ​ໄພ​ດີ.

ການ​ເຝົ້າ​ລະ­ວັງ ແລະ ການ­ບົ່ງ­ມະ­ຕິ​ດ້ານ​ວິ­ເຄາະ​ມີ​ເຄືອ​ຄ່າຍ​ລະ­ບົບ​ເຝົ້າ​ລະ­ວັງ​ໂດຍ​ເຊື່ອມ​ໂຍງ​ກັບ ດ່ານ​ເຂົ້າ?ອອກ ແລະ ສະ­ຖານ­ທີ່​ບໍ­ລິ­ການ​ສາ­ທາ­ລະ­ນະ​ສຸກ​ໃນ​ທົ່ວ​ປະ­ເທດ ລວມ​ທັງ​ຄຣີ​ນິກ​ເອ­ກະ​ຊົນ ໃຫ້​ຂ່າວ​ແກ່​ມວນ​ຊົນ​ທົ່ວ​ໄປ ໃນ​ການ​ຕິດ­ຕໍ່​ຫາ​ຜູ້​ຮັບ​ສາຍ​ດ່ວນ 166 ຫຼື ເບີ​ໂທ​ຕິດ­ຕໍ່ (IHR) ເພື່ອ​ລາຍ​ງານ ແລະ ແກ້​ຂໍ້​ຂ້ອງ​ໃຈ ພ້ອມ​ທັງ​ລາຍ​ງານ​ກໍ­ລະ­ນີ​ສົງ­ໄສ ເພື່ອ​ເຮັດ​ການ​ສອບ​ສວນ​ໄດ້​ທັນ​ເວ­ລາ​ສ້າງ​ລະ­ບົບ​ຕິດ­ຕາມ ແລະ ກວດ­ຄືນ​ຂ່າວ​ລື ກ່ຽວ​ກັບ​ກໍ­ລະ­ນີ​ສົງ­ໄສ ເຮັດ​ລາຍ​ງານ​ປະ­ຈຳ​ວັນ ແລະ ແລກ­ປ່ຽນ​ຂໍ້​ມູນ​ຂ່າວ­ສານ​ການ​ເຝົ້າ​ລະ­ວັງ​ປະ­ຈຳ​ວັນ​ກັບ​ແຂວງ ແລະ ພາກ­ສ່ວນ​ທີ່​ກ່ຽວ­ຂ້ອງ​ທົ່ວ​ປະ­ເທດ ສ່ວນ​ການ​ປ້ອງ​ກັນ​ການ​ຕິດ­ເຊື້ອ ແລະ ການ​ຄຸ້ມ​ຄອງ​ກໍ­ລະ­ນີ​ໂຮງ­ໝໍ​ສູນ​ກາງ​ໄດ້​ກຳ­ນົດ​ເອົາ​ສາມ​ໂຮງ­ໝໍ​ເປັນ​ບ່ອນ​ຮັບ­ຮອງ​ໃນ​ການ​ແຍກ​ປ່ຽວ​ກໍ­ລະ­ນີ​ສົງ­ໄສ (ໂຮງ­ໝໍ​ມະ­ໂຫ­ສົດ ເສດ​ຖາ​ທິ​ຣາດ ໂຮງ­ໝໍ​ເດັກ) ແລະ ກຳ­ນົດ​ເອົາ​ໂຮງ­ໝໍ​ມິດ­ຕະ­ພາບ​ທີ່​ເປັນ​ບ່ອນ​ປີ່ນ​ປົວ​ຄົນ​ເຈັບ​ຕິດ­ເຊື້ອ ສຳ­ລັບ​ແຂວງ​ແມ່ນ​ໂຮງ­ໝໍ​ແຂວງ​ເປັນ​ບ່ອນ​ປິ່ນ­ປົວ ສ່ວນ​ຢູ່​ຈຸດ​ຜ່ານ​ແດນ​ດ່ານ​ຂາ​ເຂົ້າ?ອອກ​ນັ້ນ​ໄດ້​ແຕ່ງ­ຕັ້ງ​ພະ­ນັກ­ງານ​ແພດ​ປະ­ຈຳ​ຢູ່​ດ່ານ​ສາ­ກົນ​ທົ່ວ​ປະ­ເທດ ເພື່ອ​ກັ່ນ​ກອງ​ຜູ້­ໂດຍ­ສານ​ເດີນ­ທາງ​ເຂົ້າ​ມາ​ກໍ­ລະ­ນີ​ມີ​ໄຂ້ ຫຼື ເດີນ­ທາງ​ມາ​ຈາກ​ເຂດ​ທີ່​ມີ​ການ​ລະ­ບາດ ຈະ​ໄດ້​ສອບ​ຖາມ​ປະ­ຫວັດ​ຢ່າງ​ລະ­ອຽດ​ພ້ອມ​ທັງ​ເອົາ​ເບີ​ໂທ​ຕິດ­ຕໍ່ ເພື່ອ​ຈະ​ຕິດ­ຕາມ​ອາ­ການ​ພາຍ​ໃນ 14 ວັນ ຕິດ​ຕັ້ງ​ເຄື່ອງ​ວັດ­ແທກ​ອຸນ­ຫະ­ພູມ​ຢູ່​ດ່ານ​ສາ­ກົນ​ທົ່ວ​ປະ­ເທດ​ມີ​ຢູ່ 4 ດ່ານ ນອກ​ນີ້ ຍັງ​ໄດ້​ຕັ້ງ​ເຄື່ອງ​ແທກ​ອຸນ­ຫະ­ພູມ​ຍິງ​ແສງ​ອິນ​ຟຣາ​ເຣດ 27 ດ່ານ​ສາ­ກົນ ກົມ​ກົງ​ສູນ ກະ­ຊວງ​ການ​ຕ່າງ­ປະ­ເທດ ໄດ້​ແຈ້ງ​ໃຫ້​ໂຈະ​ການ​ອອກ​ວີ​ຊາ​ກັບ​ດ່ານ ຊົ່ວ­ຄາວ (ສະ­ເພາະ​ດ່ານ​ທີ່​ມີ​ຊາຍ​ແດນ​ກັບ ສປ ຈີນ) ວຽກ​ງານ​ປະ­ສານ​ງານ​ໄດ້​ເປີດ​ຫ້ອງ​ປະ­ຕິ­ບັດ​ງານ​ເຫດ­ການ​ສຸກ​ເສີນ ດ້ານ​ສາ­ທາ­ລະ­ນະ​ສຸກ ເພື່ອ​ປືກ​ສາ​ຫາ­ລື​ຮ່ວມ​ກັບ​ບັນ­ດາ​ກົມ ສູນ ແລະ ອົງ​ການ­ຈັດ­ຕັ້ງ​ສາ­ກົນ​ທຸກໆ​ວັນ ໃນ​ກອງ​ປະ­ຊຸມ​ຄະ­ນະ​ສະ­ເພາະ​ກິດ​ຍັງ​ໄດ້​ປຶກ­ສາ​ຫາ­ລື ວາງ​ແຜນ­ການ​ປະ­ສານ​ງານ​ກັນ​ຢ່າງ​ລະ­ອຽດ ເພີ່ມ​ຕື່ມ​ເພື່ອ​ເຮັດ​ໃຫ້­ການ​ເຝົ້າ​ລະ­ວັງ​ການ​ຕອບ​ໂຕ້ ແລະ ຮັບ​ມື​ພະ­ຍາດ​ດັ່ງ­ກ່າວ​ໃຫ້​ທັນ​ກັບ​ສະ­ພາບ​ເພີ່ມ​ຂຶ້ນ.

ຂໍ້ມູນຫລ້າສຸດວັນທີ 04 ກຸມພາ 2020, ສະຖານະການລະບາດຂອງ ເຊື້ອໄວຣັດ ອັກເສບປອດຮຸນແຮງ ໂຄໂຣນາ ຫລື ໄວຣັສ ອູຮັນ ໃນໄລຍະ 10 ວັນຜ່ານມາ ຊຶ່ງມີອັດຕາເພີ່ມຂຶ້ນນຢ່າງຕໍ່ເນື່ອງຈົນກວ່າຈະໝົດໄລຍະຟັກຕົວ (14 ວັນ), ນັບແຕ່ວັນທີ 26 ມັງກອນ ຮອດປັດຈຸບັນ ຜູ້ຕິດເຊື້ອໄວ ຣັດ 20.438 ລາຍ, ເພີ່ມຂຶ້ນຈາກມຶື້ຜ່ານມາ 3.235 ລາຍ ແລະ ຜູ້ເສັຍຊີວິດ 425 ລາຍ, ເພີ່ມຂຶ້ນ 64 ລາຍ.

ບັນດາສະຖິຕິລາຍລະອຽດ 14 ວັນອັນຕະລາຍ ຕິດຕາມສະພາບການລະບາດໄວຣັດໂຄໂຣນາ:
(1). ວັນທີ 26 ມັງກອນ 2020 ມີຜູ້ຕິດເຊື້ອໄວຣັດ 2.540 ລາຍ ແລະ ຜູ້ເສຍຊີວິດ 56 ລາຍ;

(2). ວັນທີ 27 ມັງກອນ 2020 ມີຜູ້ຕິດເຊື້ອໄວຣັດ 2.744 ລາຍ, ເພີ່ມຂຶ້ນຈາກວັນທີ່ຜ່ານມາ 204 ລາຍ ແລະ ຜູ້ເສຍຊີວິດ 80 ລາຍ, ເພີ່ມຂຶ້ນຈາກມື້ຜ່ານມາ 24 ລາຍ;

(3). ວັນທີ 28 ມັງກອນ 2020 ມີຜູ້ຕິດເຊື້ອໄວຣັດ 4.515 ລາຍ, ເພີ່ມຂຶ້ນຈາກວັນທີ່ຜ່ານມາ 1.771 ລາຍ ແລະ ຜູ້ເສຍຊີວິດ 106 ລາຍ, ເພີ່ມຂຶ້ນຈາກມື້ຜ່ານມາ 24 ລາຍ);

(4). ວັນທີ 29 ມັງກອນ 2020 ມີຜູ້ຕິດເຊື້ອໄວຣັດ 5.974 ລາຍ, ເພີ່ມຂຶ້ນຈາກມື້ຜ່ານມາ 1.432 ລາຍ) ແລະ ຜູ້ເສັຍຊີວິດ 132 ລາຍ, ເພີ່ມຂຶ້ນຈາກມື້ຜ່ານມາ 26 ລາຍ;

(5). ວັນທີ 30 ມັງກອນ 2020 ມີຜູ້ຕິດເຊື້ອໄວຣັດ 7.711 ລາຍ, ເພີ່ມຂຶ້ນຈາກມື້ຜ່ານມາ 1.737 ລາຍ, ຜູ້ໄດ້ຮັບການປິ່ນປົວຫາຍຂາດ ແລະ ອອກໂຮງໝໍ ຈຳນວນ 124 ລາຍ ແລະ ຜູ້ເສັຍຊີວິດ 170 ລາຍ,ເພິ່ມຂຶ້ນຈາກມື້ຜ່ານມາ 38 ລາຍ;

(6). ວັນທີ 31 ມັງກອນ 2020 ມີຜູ້ຕິດເຊື້ອໄວຣັດ 9.692 ລາຍ, ເພີ່ມຂຶ້ນຈາກມື້ຜ່ານມາ 1.981 ລາຍ) ຜູ້ໄດ້ຮັບການປິ່ນປົວຫາຍຂາດ ແລະ ອອກໂຮງໝໍ ຈຳນວນ 171 ລາຍ ແລະ ຜູ້ເສັຍຊີວິດ 213 ລາຍ, ເພີ່ມຂຶ້ນຈາກມື້ຜ່ານມາ 43 ລາຍ);

(7). ວັນທີ 01 ກຸມພາ 2020, ມີຜູ້ຕິດເຊື້ອໄວຣັດ 11.791 ລາຍ, ເພີ່ມຂຶ້ນຈາກມື້ຜ່ານມາ 2.102 ລາຍ) ຜູ້ໄດ້ຮັບການປິ່ນປົວຫາຍຂາດ ແລະ ອອກໂຮງໝໍ ຈຳນວນ 243 ລາຍ ແລະ ຜູ້ເສັຍຊີວິດ 259 ລາຍ, ເພີ່ມຂຶ້ນຈາກມື້ຜ່ານມາ 46 ລາຍ;

(8). ວັນທີ 02 ກຸມພາ 2020, ຜູ້ຕິດເຊື້ອໄວຣັດ 14.381 ລາຍ, ຜູ້ເສັຍຊີວິດ ຈຳນວນ 304 ລາຍ, ເພີ່ມຂື້ນຈາກມື້ຜ່ານມາ 45 ລາຍ, ເພີ່ມຂຶ້ນຈາກມື້ຜ່ານມາ 2.590 ລາຍ, ຜູ້ໄດ້ຮັບການປິ່ນປົວຫາຍຂາດ ແລະ ອອກໂຮງໝໍ ຈຳນວນ 344 ລາຍ;

(9). ວັນທີ 03 ກຸມພາ 2020, ຜູ້ຕິດເຊື້ອໄວຣັດ 17.205 ລາຍ, ເພີ່ມຂຶ້ນຈາກມື້ຜ່ານມາ 2.829 ລາຍ, ຜູ້ເສັຍຊີວິດ ຈຳນວນ 361 ລາຍ, ເພີ່ມຂຶ້ນຈາກມື້ຜ່ານມາ 57 ລາຍ, ຜູ້ໄດ້ຮັບການປິ່ນປົວຫາຍຂາດ ແລະ ອອກໂຮງໝໍ ຈຳນວນ 475 ລາຍ;

(10). ວັນທີ 04 ກຸມພາ 2020, ຜູ້ຕິດເຊື້ອໄວຣັດ 20.440 ລາຍ, ເພີ່ມຂຶ້ນຈາກມື້ຜ່ານມາ 3.235 ລາຍ, ແລະ ຜູ້ເສັຍຊີວິດ ຈຳນວນ 425 ລາຍ, ເພີ່ມຂຶ້ນຈາກມື້ຜ່ານມາ 64 ລາຍ, ຜູ້ໄດ້ຮັບການປິ່ນປົວຫາຍຂາດ ແລະ ອອກໂຮງໝໍ ຈຳນວນ 632 ລາຍ.

（ໄຊພອນ）