 |
ການນຳຂອງບັນດາ ພະແນກ, ຂະແໜງການ ແລະ ຫ້ອງການ ສຳນັກຂ່າວສູນກາງ ແລະ ທ້ອງຖິ່ນ ເຂົ້າຮ່ວມ ໃນການຖະແຫຼງຂ່າວ.
ງານຕະຫຼາດນັດຈະດຳເນີນໄປແຕ່ວັນທີ 13-19 ທັນວາ ຢູ່ ເກາະລອຍ ຢູ່ ໜອງສູນກາງເທດສະບານ ຢາເຫງຍ, ໂດຍ ກົມສົ່ງເສີມການຄ້າ(ກະຊວງ ອຸດສາຫະກຳ-ການຄ້າ) ແລະ ພະແນກອຸດສາຫະກຳ ແລະ ການຄ້າ ແຂວງ ດັກນົງຈັດຂື້ນ. ນີ້ແມ່ນກິດຈະກຳໃຫຍ່ ນອນໃນບັນດາເຫດການ ຄຳນັບຮັບຕ້ອນ 15 ປີ ຂອງການສ້າງຕັ້ງ ແຂວງ ດັກນົງ. ຕະຫຼາຍນັດຈັດຂື້ນເພື່ອພັດທະນາທີ່ຕັ້ງ, ບົດບາດ “ ຂົວຕໍ່” ຂອງ ດັກນົງ ບົນເສັ້ນທາງເສດຖະກິດ ຕາເວັນອອກ-ຕາເວັນຕົກ ແລະ ໃນ ສາມຫຼ່ຽມພັດທະນາ ຫວຽດນາມ-ລາວ-ກຳປູເຈຍ.
 |
ນັກຂ່າວຕັ້ງຄຳຖາມຕໍ່ຄະນະຈັດງານ ໃນງານການຖະແຫຼງຂ່າວ.
ດ້ວຍຂະໜາດຄວາມໃຫຍ່ຂອງງານທີ່ມີ 400 ຫ້າງຮ້ານມາດຕະຖານ ຂອງ ວິສາຫະກິດ ພາຍໃນ ແລະ ຫຼາຍປະເທດ, ພາກພື້ນ( ກຳປູເຈຍ, ລາວ, ໄທ, ເກົາຫຼີໃຕ້...) ງານຕະຫຼາດນັດ ແບ່ງອອກເປັນ 4 ເຂດ: ເຂດງານວາງສະແດງ ( ມີປະມານ 100 ຮ້ານ) ແນະນຳຜົນງານເສດຖະກິດ-ສັງຄົມ ຂອງ ດັກນົງ ແລະ ບັນດາແຂວງພາຍໃນ ແລະ ຕ່າງປະເທດ; ເຂດວາງສະແດງ ( ປະມານ 150 ຮ້ານ) ແນະນຳ, ໂຄສະນາ ສິນຄ້າ ກຳສິກຳ, ອຸດສາຫະກຳ, ເຄິ່ງອຸດສາຫະກຳ...; ເຂດ ຕະຫຼາດນັດປະສົມ ( ມີປະມານ 200 ຮ້ານ) ແລະ ເຂດເປົ່າວາງໃນເດີ່ນແມ່ນຈະໃຫ້ບໍລິການກັນບັນດາວິສາຫະກິດທີມີຄວາມຕ້ອງການ.
ງານຕະຫຼາດນັດມີ ກິດຈະກຳຫຼັກ 4 ຢ່າງປະກອບມີ: ການເຄື່ອນໄຫວການຄ້າ, ເຊັນສັນຍາ, ສົ່ງເສີມການຄ້າ; ໂຄສະນາດ້ານທ່າແຮງ, ດຶງດູດການລົງທືນດ້ານການຄ້າ, ທ່ອງທ່ຽວ; ຕະຫຼາດນັດ-ວາງສະແດງ ແລະ ລາຍການແລກປ່ຽນສິນລະປະ ໃນແຕ່ລະຄືນ.
 |
ມາຮອດປະຈຸບັນ ຄະນະຈັດງານຕະຫຼາດນັດ ໄດ້ຄັດເລືອກຜູ້ຮັບເໝົາ(ຄື: ບໍລິສັດ ຫຸ້ນສ່ວນ ການຄ້າ ແລະ ສື່ສານມວນຊົນ ບັກຮ່າ); ສ້າງເນື້ອໃນ ຂ່າວສານ, ລະດົມນັກທຸລະກິດ ພາຍໃນ ແລະ ຕ່າງປະເທດກ່ຽວກັບການເຂົ້າຮ່ວມ; ສ້າງເນື້ອໃນ ແຜນການລະອຽດເພື່ອຜັນຂະຫຍາຍ... ວັນທີ 6 ພະຈິກ ທີ່ຜ່ານມາ, ຄະນະຈັດງານໄດ້ຈັດພິທີຖະແຫຼງຂ່າວຮັບຄຳຄິດຄຳເຫັນຈາກບັນດາສະມາຊິກ ເພື່ອເຮັດໃຫ້ແຜນການມີຄວາມສົມບູນ, ຮັບປະກັນວ່າງານຕະຫຼາດນັດຈຳດຳເນີນໄປດ້ວຍຄວາມສຳເລັດ.
ທີ່ການຖະແຫຼງຂ່າວ ຕ່າງໜ້າບັນດາສຳນັກຂ່າວສູນກາງ ແລະ ທ້ອງຖິ່ນໄດ້ ຕັ້ງຄຳຖາມ ກ່ຽວກັບວຽກງານການຜັນຂະຫຍາຍ, ກະກຽມ ແລະ ບັນຫາອາດຈະເກີດຂື້ນໃນງານຕະຫຼາດນັດ.
 |
ເກາະກາງໜອງ ຢູ່ໃນສູນກາງເທດສະບານ ຢາເຫງຍ-ສະຖານທີ່ຈັດງານຕະຫຼາດນັດ.
ຫົວໜ້າພະແນກ ອຸດສາຫະກຳ ແລະ ການຄ້າ ຮອງຄະນະ ຜູ້ປະຈຳການ ການຈັດງານ-ງານຕະຫຼາດນັດ ບຸ່ຍ ຮຸຍແທັ່ງ ໄດ້ຮັບຮູ້ ແລະ ຕີລາຄາສູງບັນດາຄຳຄິດຄຳເຫັນປະກອບຂອງ ບັນດາອົງການສຳນັກຂ່າວ. ຕ່າງໜ້າຄະນະຈັດງານ, ທ່ານ ບຸ່ຍ ຮຸຍແທັ່ງຫວັງເປັນຢ່າງຍິ່ງວ່າ ບັນດາອົງການສຳນັກຂ່າວ ສືບຕໍ່ ຮ່ວມກ້າວເດີນໄປພ້ອມກັບ ແຂວງ, ເພີ່ມທະວີ ວຽກງານການໂຄສະນາ ບັນດາເນື້ອໃນທີ່ກ່ຽວຂອງກ່ອນ, ພາຍໃນ ແລະ ຫຼັງຕະຫຼາດນັດ ເພື່ອປະກອບສ່ວນໃນການໂຄສະນາ ການເຄື່ອນໄຫວ ຂອງຕະຫຼາດນັດເວົ້າສະເພາະ, ທ່າແຮງ, ຄວາມສາມາດບົ່ມຊ້ອນ ຂອງດັກນົງ ສົ່ງເຖິງເພື່ອນຜູ້ອ່ານພາຍໃນ ແລະ ຕ່າງປະເທດ.
（ຫັດທະບູນ）
