ໃນໄລຍະຮ່ຳຮຽນ, ຄົ້ນຄວ້າຢູ່ວິທະຍາຄານປ້ອງກັນຊາດເປັນເວລາ 3 ເດືອນ, ບັນດາພະນັກງານກອງທັບປະຊາຊົນລາວ ໄດ້ຄົ້ນຄວ້າບັນດາບົດຮຽນກ່ຽວກັບວິທະຍາສາດສັງຄົມ ແລະມະນຸດວິທະຍາການທະຫານ, ການປ້ອງກັນຊາດ-ປ້ອງກັນຄວາມສະຫງົບ, ສິລະປະຍຸດທະວິທີ, ການທະຫານທ້ອງຖິ່ນ, ທັກສະໃນການສິດສອນໃນການກະກຽມບົດສອນ, ປຶກສາຫາລື, ບົດຝຶກຫັດ ແລະຄົ້ນຄວ້າສິລະປະຍຸດທະວິທີຂອງໂຮງຮຽນກອງທັບຫວຽດນາມ.
 |
ບັນດາຜູ້ແທນເຂົ້າຮ່ວມພິທີປິດຊຸດຝຶກອົບຮົມຖ່າຍຮູບເປັນທີ່ລະນຶກ. (ພາບ: qdnd.vn)
ກ່າວຄຳເຫັນທີ່ພິທີປິດ, ທ່ານພົນຕີ, ຮສຈ. ປອ ຟານແອງຫວຽດ, ຮອງຫົວໜ້າວິທະຍາຄານປ້ອງກັນຊາດ ເຊື່ອໝັ້ນວ່າ ພາຍຫຼັງຈົບຊຸດຝຶກອົບຮົມຄັ້ງນີ້, ບັນດາພະນັກງານກອງທັບປະຊາຊົນລາວ ຈະໝູນໃຊ້ບັນດາຄວາມຮູ້ສິລະປະຍຸດທະວິທີ, ສົມທົບຢ່າງແໜ້ນແຟ້ນກັບເນື້ອໃນ, ວິທີການສິດສອນເພື່ອຍົກສູງຄຸນນະພາບສິດສອນຢູ່ບັນດາໂຮງຮຽນ, ວິທະຍາຄານຂອງກອງທັບປະຊາຊົນລາວ. ທ່ານພົນຕີ, ຮສຈ. ປອ ຟານແອງຫວຽດ ສະແດງຄວາມປາດຖະໜາວ່າ ຢູ່ໃນຖານະຕຳແໜ່ງປະຕິບັດງານຂອງຕົນ, ບັນດາພະນັກງານກອງທັບປະຊາຊົນລາວ ຈະມີບັນດາການປະກອບສ່ວນຢ່າງຕັ້ງໜ້າເຂົ້າໃນການປົກປັກຮັກສາ, ຮັກສາ ແລະພັດທະນານ້ຳໃຈສາມັກຄີທີ່ເປັນມູນເຊື້ອ, ມິດຕະພາບແບບພິເສດ ແລະສາຍພົວພັນຮ່ວມມືຮອບດ້ານ, ບໍລິສຸດຜຸດຜ່ອງລະຫວ່າງກອງທັບ ແລະປະຊາຊົນສອງປະເທດ.
（ແຫຼ່ງຂໍ້ມູນ： la.qdnd.vn）
