ໃນຂອບເຂດການປຶກສາຫາລືຂັ້ນລັດຖະມົນຕີ, ທ່ານເອກອັກຄະລັດຖະທູດ ຫງວຽນ ຫງວຽດ ຫງ່າ, ພັນລະຍາຂອງຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຟ້າມບີ່ງມີງ ແລະ ທ່ານນາງ ອາລູນນີ ກົມມະສິດ, ພັນລະຍາຂອງທ່ານລັດຖະມົນຕີລັດຖະມົນຕີການຕ່າງປະເທດ ລາວ, ປະທານກຽດຕິຍົດຂອງພະແນກແມ່ຍິງການຕ່າງປະເທດ ລາວ ແລະ ຜູ້ຕາງໜ້າແມ່ຍິງຂອງສອງກະຊວງການຕ່າງປະເທດ ໄດ້ມີການແລກປ່ຽນຫຼາຍດ້ານກ່ຽວກັບວຽກງານແມ່ຍິງ.

ຄະນະຜູ້ແທນພະນັກງານຍິງກະຊວງການຕ່າງປະເທດຫວຽດນາມ ແລະ ລາວໄດ້ຖ່າຍຮູບຮ່ວມກັນ. (ພາບ: baoquocte.vn)

ທ່ານເອກອັກຄະລັດຖະທູດ ຫງວຽນ ຫງວຽດ ຫງ່າ ໄດ້ສະແດງຄວາມຍິນດີທີ່ໄດ້ຕ້ອນຮັບທ່ານນາງ ອາລູນນີ ກົມມະສິດ ແລະ ແມ່ຍິງການທູດລາວ ໄປຢ້ຽມຢາມປະເທດຫວຽດນາມ. ແຕ່ລະປີ, ສອງຝ່າຍ ຈະຈັດຕັ້ງກົນໄກແລກປ່ຽນ ແລະ ການຮ່ວມມືເປັນປະຈຳ ເພື່ອຮັດແໜ້ນສາຍພົວພັນລະຫວ່າງພະນັກງານແມ່ຍິງຂອງກະຊວງການຕ່າງປະເທດທັງສອງ, ປະກອບສ່ວນເຂົ້າໃນການຈັດຕັ້ງປະຕິບັດຂໍ້ຕົກລົງດັ່ງກ່າວເພື່ອເພີ່ມທະວີການຮ່ວມມືລະຫວ່າງສອງກະຊວງການຕ່າງປະເທດແຕ່ປີ 2014-2020, ນັບແຕ່ນັ້ນມາ, ເພີ່ມພູນຄູນສ້າງມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງ ຫວຽດນາມ ແລະ ລາວ.

ສອງຝ່າຍເຫັນດີເພີ່ມທະວີການປະສານງານ ແລະ ການສະໜັບສະໜູນເຊິ່ງກັນ ແລະ ກັນເພື່ອສົ່ງເສີມກິດຈະກຳຕ່າງໆ ຂອງປະຊາຄົມອາຊຽນ, ໂດຍສະເພາະໃນກິດຈະກຳທີ່ກ່ຽວຂ້ອງກັບຄວາມສະເໝີ ພາບລະຫວ່າງຍິງ - ຊາຍ, ການຍົກສູງຄວາມສາມາດໃຫ້ແກ່ແມ່ຍິງກໍ່ຄືກິດຈະກຳ ແລະ ຫົວຄິດປະດິດສ້າງຕ່າງໆ ໂດຍຫວຽດນາມເປັນປະທານອາຊຽນ 2020. ພ້ອມດຽວກັນນີ້, ພະນັກງານເພດຍິງຂອງກະຊວງການຕ່າງປະເທດຂອງສອງປະເທດ ໄດ້ແບ່ງປັນປະສົບການຫຼາຍຢ່າງໃນການນຳໃຊ້ວຽກງານແມ່ຍິງ ເພື່ອຕອບສະໜອງຄວາມຮຽກຮ້ອງຕ້ອງການໃນສະພາບການໃໝ່.

（ແຫຼ່ງ​ຂໍ້​ມູນ​： la.qdnd.vn）