ລັດຖະມົນຕີກະຊວງຍຸຕິທຳ ຫວຽດນາມ ໄດ້ເຂົ້າຢ້ຽມຂ່ຳນັບທ່ານເລຂາທິການໃຫຍ່, ປະທານປະເທດ ລາວ ບຸນຍັງ ວໍລະຈິດ

ທ່ານເລຂາທິການໃຫຍ່, ປະທານປະເທດ ລາວ ຕ້ອນຮັບຄະນະຜູ້ແທນກະຊວງຍຸຕິທຳ ຫວຽດນາມ.(ພາບ:nhandan.com.vn)

ທີ່ການພົບປະ, ທ່ານເລຂາທິການໃຫຍ່, ປະທານປະເທດ ລາວ ບຸນຍັງ ວໍລະຈິດ ໄດ້ສະເໜີສອງກະຊວງຍຸຕິທຳ ຄວນສືບຕໍ່ເພີ່ມທະວີການພົວພັນຮ່ວມມື ເພື່ອປະກອບສ່ວນເພີ່ມພູນຄູນສ້າງໃຫ້ແກ່ສາຍພົວພັນມິດຕະພາບອ້າຍນ້ອງພິເສດລະຫວ່າງພັກ, ລັດ ແລະ ປະຊາຊົນ ສອງປະເທດ; ພ້ອມທັງປາດຖະໜາວ່າ ສອງກະຊວງຍຸຕິທຳ ຈະເພີ່ມທະວີການຮ່ວມມື, ແລກປ່ຽນບົດຮຽນ ເພື່ອແກ້ໄຂບັນດາບັນຫາທີ່ຍັງຄົງຄ້າງສຳລັບປະຊາຊົນອົບພະຍົບແບບຊະຊາຍລະຫວ່າງ ສອງປະເທດ, ລາຍງານຕໍ່ລັດຖະບານ ສອງປະເທດ ເພື່ອປະຕິບັດວຽກງານທີ່ໄດ້ວາງອອກໃຫ້ປະສົບຜົນສຳເລັດໂດຍໄວ.

ທີ່ການພົບປະ, ທ່ານລັດຖະມົນຕີ ເລແທ່ງລອງ ປາດຖະໜາວ່າ: ລັດຖະບານ ລາວ ຈະສ້າງເງື່ອນໄຂສະດວກທີ່ສຸດໃຫ້ແກ່ບັນດາຮາກຖານບຳລຸງສ້າງກົດໝາຍທີ່ຂຶ້ນກັບກະຊວງ ຍູ້ແຮງການຮ່ວມມືບຳລຸງສ້າງ, ຝຶກອົບຮົມກ່ຽວກັບດ້ານກົດໝາຍໃຫ້ແກ່ລາວ ກໍ່ຄືໂຄງການໜູນຊ່ວຍສະຖາບັນຍຸຕິທຳ ລາວ ຈາກແຫຼ່ງທຶນຊ່ວຍເຫຼືອຂອງລັດຖະບານ ຫວຽດນາມ ທີ່ສະຫງວນໃຫ້ແກ່ ລາວ ເຊິ່ງລັດຖະບານ ສອງປະເທດໄດ້ອະນຸມັດ.

（ໄຊພອນ）