 |
ທ່ານປະທານາທິບໍດີ ລັດເຊຍ ວະລາດິເມຍ ປູຕິນ.
ໃນຄຳກ່າວຕ້ອນຮັບ, ທ່ານປະທານາທິບໍດີລັດເຊຍ V.Putin ຊີ້ແຈ້ງ: ຫົວຂໍ້ຂອງເວທີປາໄສປີນີ້ແມ່ນ: “ຕາເວັນອອກໄກ - ເປີດກ້ວາງຂອບເຂດຂອງບັນດາກຳລັງຄວາມສາມາດ”, ເຊິ່ງສ່ອງແສງເຖິງຄວາມມານະພະຍາຍາມ ໃນການເຊື່ອມໂຍງຂອງລັດເຊຍ ເຂົ້າໃນບັນດາການພົວພັນຮ່ວມມືເສດຖະກິດ ຢູ່ເຂດອາຊີ - ປາຊິຟິກກວ້າງໃຫຍ່. ຕາມການນຳລັດເຊຍແລ້ວ, ເພື່ອຊຸກຍູ້ບັນດາຂໍ້ລິເລີ່ມ ດຳເນີນທຸລະກິດຢູ່ພາກພື້ນ ຕາເວັນອອກໄກນັ້ນ,ລັດເຊຍໄດ້ສ້າງບັນດາເຂດພັດທະນາພິເສດ ສະຫງວນໃຫ້ແກ່ບັນດາວິສາຫະກິດ, ໃຫ້ແກ່ການເລີ່ມຕົ້ນບັນດາຂະແໜງການຜະລິດໃໝ່; ໄດ້ສ້າງຕັ້ງເຂດທ່າກຳປັ່ນດ້ວຍກົນໄກພິເສດ ກ່ຽວກັບພາສີ ແລະ ອາກອນ ທ່າກຳປັ່ນເສລີ Vladovostok. ປະເທດລັດເຊຍກຳລັງປະຕິບັດບັນດາ ໂຄງການຂະໜາດໃຫຍ່ກ່ຽວກັບສັງຄົມ, ໂຄງລ່າງ, ການສຶກສາ ແລະ ວິທະຍາສາດ, ບັນດາໂຄງການແນໃສ່ໜູນຊ່ວຍການສົ່ງອອກ ແລະ ຫັນເປັນເຕັກໂນໂລຊີທັນສະໄໝ. ທັງໝັດທີ່ກ່າວມານີ້ ກຳລັງ ເປີດອອກພາບພົດທີ່ກວ້າງໃຫຍ່ໃຫ້ແກ່ການຮ່ວມມື ກັບຄູ່ຮ່ວມມື, ການຄ້າ, ການລົງທຶນໄລຍະຍາວ, ເພື່ອພັດທະນາບັນດາຮູບແບບເສດຖະກິດທີ່ທັນສະໄໝ ແລະ ບັນດາຕົວແບບ ການຮ່ວມມືລວມມີທັງໃນຂອບເຂດຂອງບັນດາໂຄງສ້າງຫຼາຍຝ່າຍຄື ສະຫະພັນເສດຖະກິດ ອາຊີ - ເອີຣົບ, ອົງການຮ່ວມມື ຊຽງໄຮ ແລະ APEC.
（ແຫຼ່ງຂໍ້ມູນ： vov5）
