ຕອນບ່າຍຂອງວັນທີ 16 ກໍລະກົດ, ຢູ່ທີ່ສຳນັກງານສະພາແຫ່ງຊາດຫວຽດນາມ, ທ່ານປະທານສະພາແຫ່ງຊາດ ຫງວ໋ຽນ ຖິ ກີມ ເງິນ ໄດ້ໃຫ້ກຽດຕ້ອນຮັບ ຜູ້ພິພາກສາ ສານປະຊາຊົນສູງສຸດ ແຫ່ງ ສາທາລະນະລັດ ປະຊາທິປະໄຕ ປະຊາຊົນ ລາວ ຄຳພາ ແສງດາລາ ກໍຳລັງຢ້ຽມຢາມ ແລະ ເຮັດວຽກຢູ່ ສສ ຫວຽດນາມ.
ທ່ານປະທານສະພາແຫ່ງຊາດ ຫງວ໋ຽນ ຖິ ກີມ ເງິນ ໄດ້ສະແດງຄວາມຍິນດີຕ້ອນຮັບຜູ້ພິພາກສາສານປະຊາຊົນສູງສຸດຂອງລາວ ແລະ ຄະນະຜູ້ແທນສານປະຊາຊົນສູງສຸດຂອງລາວ ທີ່ໄດ້ມາຢ້ຽມຢາມ ແລະ ເຮັດວຽກຢູ່ ສສ ຫວຽດນາມ; ທ່ານປະທານສະພາ ຕີລາຄາສູງເຖິງ ຄວາມຫມາຍສຳຄັນ ແລະ ເນື້ອໃນຂອງການເຮັດວຽກຂອງຄະນະຜູ້ແທນ; ທ່ານຍັງໄດ້ສະແດງຄວາມຍິນດີກັບສະຫາຍຜູ້ພິພາກສາສານປະຊາຊົນສູງສຸດ ແຫ່ງ ສປປ ລາວ ຄົນໃໝ່ທີ່ຫາກໍ່ໄດ້ຮັບການເລືອກຕັ້ງເປັນຜູ້ພິພາກສາສານປະຊາຊົນສູງສຸດ ແຫ່ງ ສປປ ລາວ ໃນກອງປະຊຸມສາມັນ ຄັ້ງທີ 7.
 |
ທ່ານປະທານສະພາແຫ່ງຊາດ ຫງວ໋ຽນ ຖິ ກີມ ເງິນ ຕ້ອນຮັບ ປະທານສານປະຊາຊົນສູງສຸດ ແຫ່ງ ສປປ ລາວ ຄຳພາ ແສງດາລາ. (ພາບ: vov.vn)
ທ່ານປະທານສະພາແຫ່ງຊາດຫວຽດນາມ ໄດ້ເນັ້ນຫນັກວ່າ: ການນໍາພັກ, ລັດ ແລະ ສະພາແຫ່ງຊາດຫວຽດນາມ ໃຫ້ຄວາມເອົາໃຈໃສ່, ໃຫ້ຄວາມສຳຄັນວຽກງານຍຸດຕິທຳ. ປະຈຸບັນ, ຫວຽດນາມ ກໍາລັງພະຍາຍາມປະຕິບັດຍຸດທະສາດການປະຕິຮູບທາງດ້ານວຽງການຍຸດຕິທຳ ແລະ ບັນລຸຜົນສໍາເລັດສຳຄັນຫຼາຍຢ່າງ, ໃນນັ້ນ ສານປະຊາຊົນສູງສຸດມີບົດບາດສໍາຄັນ. ສານປະຊາຊົນສູງສຸດແມ່ນອົງການພິຈາລະນາ, ປະຕິບັດສິດທາງດ້ານກົດຫມາຍ, ມີຫນ້າທີ່ປົກປ້ອງຄວາມຍຸດຕິທໍາ, ປົກປ້ອງສິດທິພົນລະເມືອງ, ປົກປ້ອງລະບອບສັງຄົມນິຍົມ, ປົກປ້ອງສິດຜົນປະໂຫຍດຂອງລັດ, ສິດແລະ ຜົນປະໂຫຍດທາງດ້ານກົດຫມາຍຂອງອົງການນິຕິບຸກຄົນ.
ປະທານສານປະຊາຊົນສູງສຸດຂອງລາວ ຄຳພາ ແສງດາລາ ໄດ້ສະແດງຄວາມຂອບໃຈຕໍ່ ປະທານສະພາແຫ່ງຊາດຫວຽດນາມ ທີ່ໄດ້ສະຫຼະເວລາອັນມີຄ່າ ແລະ ສະແດງຄວາມຍິນດີກັບປະທານສະພາແຫ່ງຊາດຫວຽດນາມ ກ່ຽວກັບການຮ່ວມມື ລະຫວ່າງ ສານປະຊາຊົນສູງສຸດຂອງສອງປະເທດ ແລະ ໃນນາມສ່ວນຕົວ.
 |
ບັນຍາກາດທີ່ການຕ້ອນຮັບ.(ພາບ: vov.vn)
ປະທານສານປະຊາຊົນສູງສຸດຂອງລາວ ຄຳພາ ແສງດາລາ ໃຫ້ຮູ້ວ່າ: ຂະແໜງສານປະຊາຊົນລາວ ກຳລັງດໍາເນີນການປະຕິຮູບດ້ານຍຸດຕິທຳ, ດັ່ງນັ້ນການມາຢ້ຽມຢາມ ແລະ ເຮັດວຽກ ຄັ້ງນີ້ ນອກຈາກຈຸດປະສົງຮັດແໜ້ນສາຍພົວພັນມິດຕະພາບແບບດັ້ງເດີມ ແລະ ການຮ່ວມມືຮອບດ້ານ ລະຫວ່າງສອງປະເທດ ຫວຽດນາມ - ລາວ, ແຕ່ສານປະຊາຊົນສູງສຸດແຫ່ງປະເທດລາວ ຍັງມີອີກ 5 ເນື້ອໃນ ທີ່ຕ້ອງການໄດ້ຮັບການແບ່ງປັນຈາກສານປະຊາຊົນຫວຽດນາມ ນັ້ນແມ່ນ: ການແລກປ່ຽນປະສົບການ ກັບ ຫວຽດນາມ ໃນການກໍ່ສ້າງ ລະບົບກົດຫມາຍແພ່ງ; ປະສົບການໃນການເຜີຍແຜ່ການຕັດສິນພາຍຫຼັງຈາກພິຈາລະນາຄະດີ ຂື້ນເວັບໄຊ; ຄຸ້ມຄອງຖັນແຖວພະນັກງານຜູ້ພິພາກສາໃນການປະຕິບັດຫນ້າທີ່ຂອງລັດ; ປະສົບການໃນການນຳໃຊ້ເຕັກໂນໂລຢີ 4.0 ຢູ່ ຫວຽດນາມ; ປະສົບການການດໍາເນີນງານພິຈາລະນາຄະດີ ຂອງສານປະຊາຊົນສູງສຸດ.
ດ້ວຍ 5 ເນື້ອໃນດັ່ງກ່າວ, ໃນການເຈລະຈາ ຮ່ວມກັບ ປະທານ ສານປະຊາຊົນສູງສຸດຂອງຫວຽດນາມ ຫງວ໋ຽນ ຮວ່າ ບິ່ງ, ໃນວັນທີ 15 ກໍລະກົດ, ຝ່າຍ ສປປ ລາວ ໄດ້ຮັບຄໍາຕອບ ແລະ ປະສົບການທີ່ມີຄຸນຄ່າ ຈາກ ຫວຽດນາມ. ປະທານສານປະຊາຊົນສູງສຸດຂອງລາວ ຄຳພາ ແສງດາລາ ກ່າວວ່າ: ການຢ້ຽມຢາມ ແລະ ການເຮັດວຽກຄັ້ງນີ້ ໄດ້ບັນລຸຜົນສໍາເລັດຫຼາຍຢ່າງ; ດ້ວຍບົດບາດໜ້າທີ່ຂອງຕົນ, ທ່ານຈະພະຍາຍາມຊຸກຍູ້ສາຍພົວພັນລະຫວ່າງສອງປະເທດ ແລະ ຊຸກຍູ້ສົ່ງເສີມຂະແໜງການສານປະຊາຊົນ ສອງປະເທດ ນັບມື້ນັບມີປະສິດຕິຜົນຂື້ນຕື່ມ.
 |
ການນຳທັງສອງປະເທດຖ່າຍຮູບເປັນທີ່ລະນຶກ.(ພາບ: vov.vn)
ທ່ານປະທານສະພາແຫ່ງຊາດ ຫວຽດນາມ ຕີລາຄາສູງການຮ່ວມມືອັນແໜ້ນແຟ້ນ ລະຫວ່າງຂະແຫນງການ ສານປະຊາຊົນສູງສຸດ ຫວຽດນາມ ແລະ ລາວ ໃນໄລຍະຜ່ານມາເຊິ່ງໄດ້ຮັບຜົນສໍາເລັດຫຼາຍຢ່າງ, ໂດຍສະເພາະແມ່ນໃນການບຳລຸງສ້າງ , ການສືກສາອົບຮົມວິຊາສະເພາະສານ, ພິຈາລະນາຄະດີ, ແລກປ່ຽນ ຄະນະປະຕິວັດງານ ຢູ່ໃນຂັ້ນສູນກາງແລະ ທ້ອງຖິ່ນ. ທ່ານປະທານສະພາແຫ່ງຊາດຫວຽດນາມ ໄດ້ສະເຫນີ, ປະທານສານປະຊາຊົນສູງສຸດ ແລະ ຂະແໜງການສານຂອງສອງປະເທດ ເພີ່ມທະວີການປະສານສົມທົບ, ແບ່ງປັນປະສົບການໃນວຽກງານການຍົກສູງປະສິດທິພາບການຮ່ວມມື, ຊຸກຍູ້ວຽກງານການຝຶກອົບຮົມພະນັກງານເພື່ອເຮັດສຳເລັດໜ້າທີ່ທີ່ຕົນຮັບຜິດຊອບໃຫ້ດີ.
ການຊຸກຍູ້ສົ່ງເສີມການຮ່ວມມື ລະຫວ່າງ ສອງຂະແໜງການສານປະຊາຊົນສູງສຸດ ຈະນຳມາແຫ່ງ ຜົນປະໂຫຍດ ອັນເປັນຈິງໃຫ້ແກ່ຂະແໜງສານຂອງສອງປະເທດ, ປະກອບສ່ວນຢ່າງຕັ້ງຫນ້າຕໍ່ການພັດທະນາໂດຍລວມຂອງແຕ່ລະປະເທດ, ກໍ່ຄືສາຍພົວພັນສອງປະເທດໃຫ້ຮັດແໜ້ນຂື້ນຕື່ມ ສາຍພົວພັນອັນເປັນປະເພນີ ແລະ ຮ່ວມມືຮອບດ້ານ ລະຫວ່າງສອງປະເທດ ຫວຽດນາມແລະລາວ.
（ຫັດທະບູນ）
