 |
ບັນຍາກາດ ການຕ້ອນຮັບ.
ເນື່ອງໃນໂອກາດທີ່ທາງຄະນະດັ່ງກ່າວໄດ້ມາເຄື່ອນໄຫວເຮັດວຽກ ຢູ່ ແຂວງບໍລິຄຳໄຊ, ພ້ອມທັງລາຍງານສະພາບໂດຍຫຍໍ້ໃນການເຕີບໃຫຍ່ຂະຫຍາຍຕົວ ທາງດ້ານເສດຖະກິດ-ສັງຄົມຂອງແຂວງໃນຕະຫຼອດໄລຍະທີ່ຜ່ານມາ. ໂອກາດນີ້, ທ່ານ ດິ໋ງ ຊວນເຝື່ອງ ຮອງຫົວໜ້າ ພະແນກ ກາານຕ່າງປະເທດແຂວງ ບາກລຽວ ສສ.ຫວຽດນາມ ໄດ້ສະແດງຄວາມຂອບໃຈມາຍັງ ທ່ານຮອງເຈົ້າແຂວງບໍລິຄຳໄຊ ທີ່ໄດ້ຕ້ອນຮັບດ້ວຍໄມຕີຈິດ ມິດຕະພາບ ທີ່ສະໜິດສະໜົມຢ່າງອົບອຸ່ນ, ເປັນກັນເອງ. ພ້ອມແຈ້ງເຈດຈຳນົງໃນການມາເຄື່ອນໄຫວເຮັດວຽກຢູ່ແຂວງ ບໍລິໄຊ ໃຫ້ທ່ານຮອງເຈົ້າແຂວງໄດ້ຮັບຊາບຕື່ມອີກ.
ຈາກນັ້ນ, ໃນເວລາຕໍ່ມາ 2 ຄະນະວິຊາການ ລະຫວ່າງ ແຂວງບໍລິຄຳໄຊ ແລະ ແຂວງບາກລຽວ ໄດ້ດຳເນີນກອງປະຊຸມປຶກສາຫາລື ຖອດຖອນບົດຮຽນ ດ້ານວິຊາການຮ່ວມກັນ ເຊິ່ງຕາງໜ້າຝ່າຍ ຄະນະແຂວງ ບໍລິຄຳໄຊ ໂດຍແມ່ນທ່ານ ສົມໂຍງ ສຸວັນນະມົງຄຸນ ຮອງຫົວໜ້າ ພະແນກ ການຕ່າງປະເທດແຂວງ ບໍລິຄຳໄຊ ແລະ ທ່ານ ດິ໋ງ ຊວນເຝື່ອງ ຮອງຫົວໜ້າພະແນກກາານຕ່າງປະເທດແຂວງ ບາກລຽວ, ສສ.ຫວຽດນາມ ພ້ອມຄະນະ.
ກອງປະຊຸມຕາງໜ້າຄະນະທັງສອງຝ່າຍ ໄດ້ລາຍງານການເຕີບໃຫຍ່ຂະຫຍາຍຕົວທາງດ້ານ ເສດຖະກິດ-ສັງຄົມ ແລະ ການຮ່ວມມືຮອບດ້ານລະຫວ່າງແຂວງທີ່ມີຊາຍແດນຮ່ວມກັນຕະຫຼອດໄລຍະຜ່ານມາ. ໃນນັ້ນ, ແຂວງ ບໍລິຄຳໄຊ ແມ່ນໄດ້ມີການພົວພັນແຮກສ່ຽວກັບແຂວງ ຮ່າຕິງ, ແຂວງ ເງະອານ ເຊິ່ງເປັນແຂວງ ທີ່ມີຊາຍແດນຕິດຈອດກັນ. ໃນແຕ່ລະປີໄດ້ຜັດປ່ຽນກັນເປັນເຈົ້າພາບຈັດກອງປະຊຸມຂັ້ນສູງ ແລະ ລົງນາມເຊັນບົດບັນທຶກຊ່ວຍຈຳທັງສອງຝ່າຍ ມີການພົບປະຢ້ຽມຢາມ ແລະ ອວຍພອນເຊິ່ງກັນ ແລະ ກັນ ເນື່ອງໃນໂອກາດວັນສຳຄັນຂອງຊາດ ຂອງສອງຝ່າຍ; ຈາກນັ້ນ, ແຂວງ ບໍລິຄຳໄຊ, ແຂວງ ເລີ່ມດົ່ງ ກໍ່ໄດ້ລົງນາມເຊັນບົດບັນທຶກສາຍພົວພັນມິດຕະພາບຮ່ວມກັນ ແຂວງບໍລິຄຳໄຊຍັງໄດ້ມີສາຍພົວພັນຮ່ວມມືເຊິ່ງກັນ ແລະ ກັນ ຢ່າງເປັນປົກກະຕິກັບ ນະຄອນດາໜັງ, ແຂວງແທ໋ງຫວ໋າ, ແຂວງ ເຊີນລາ, ແຂວງ ໄທ໋ຫງວຽນ ແລະ ນະຄອນ ໂຮຈີມິນ ຕື່ມອີກ.
ຄະນະຜູ້ແທນທັງສອງຝ່າຍ ຍັງໄດ້ປຶກສາຫາລືຮ່ວມກັນ ສ້າງບົດບັນທຶກຊ່ວຍຈຳ, ພົບປະແລກປ່ຽນວຽກງານຂັ້ນວິຊາການຮ່ວມກັນ ຈຸດປະສົງກໍ່ເພື່ອເປັນບ່ອນອີງໃຫ້ແກ່ການຮ່ວມມື, ການປະສານສົມທົບ ແລະການກະກຽມເງື່ອນໄຂຮອບດ້ານໃຫ້ແກ່ການປະຊຸມຂັ້ນສູງ, ສ້າງຕັ້ງສາຍພົວພັນມິດຕະພາບ ແລະ ການຮ່ວມມືຢ່າງເປັນທາງການ ລະຫວ່າງ ການນຳຂັ້ນສູງຂອງທັງ ສອງແຂວງ ທີ່ຈະຈັດຂື້ນໃນ ລະຫວ່າງ ກາງເດືອນທັນວາ ປີ 2018 ນີ້ ຢູ່ທີ່ແຂວງ ບາກລຽວ, ສສ.ຫວຽດນາມ.
ຈາກນັ້ນ, ທ່ານ ສົມຍົງ ສຸວັນນະມົງຄຸນ ຮອງຫົວໜ້າ ພະແນກການຕ່າງປະເທດແຂວງ ບໍລິຄຳໄຊ ຕາງໜ້າຄະນະວິຊາການຂອງແຂວງ ແລະ ທ່ານ ດິ໋ງ ຊວນເຝື່ອງ ຮອງຫົວໜ້າພະແນກກາານຕ່າງປະເທດແຂວງ ບາກລຽວ, ສສ.ຫວຽດນາມ ຕາງໜ້າໃຫ້ຄະນະ ໄດ້ລົງນາມເຊັນບົດບັນທຶກຊ່ວຍຈຳຮ່ວມກັນ. ບົດບັນທຶກໄດ້ສ້າງຂື້ນເປັນ ສອງ ສະບັບ, ແຕ່ລະສະບັບປະກອບມີ 02 ພາກພາສາຄື: ພາສາລາວ ແລະ ພາສາຫວຽດນາມ ເຊິ່ງມີຄວາມໝາຍ ແລະ ຄຸນຄ່າເທົ່າທຽມກັນ.
（ຫັດທະບູນ）
