 |
ປະທານປະເທດແຫ່ງ ສປປລາວ ຕ້ອນຮັບຄະນະຜູ້ແທນອົງການພຸດທະສາສະໜາແຫ່ງ ສສຫວຽດນາມ.
ໂອກາດດັ່ງກ່າວ, ທ່ານ ບຸນຍັງ ວໍລະຈິດ ໄດ້ສະແດງຄວາມຍິນດີຕ້ອນຮັບ ແລະ ຕີລາຄາສູງ ຕໍ່ການເດີນທາງມາ ເຂົ້າຮ່ວມກອງປະຊຸມດັ່ງກ່າວ, ຂອງ ພະອາຈານ ທິກທຽນ ເຢີນ ພ້ອມດ້ວຍຄະນະ ເຊິ່ງເປັນການປະກອບສ່ວນອັນສຳຄັນ ເຂົ້າໃນການຮັດແໜ້ນການພົວພັນຮ່ວມມື ລະຫວ່າງສອງອົງ ການພຸດສະສາສະໜາ ລາວ-ຫວຽດນາມ ທັງເປັນການເສີມຂະຫຍາຍສາຍພົວພັນມິດຕະພາບ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງສອງພັກ, ສອງລັດ ແລະ ປະຊາຊົນ ສອງຊາດລາວ-ຫວຽດນາມ ໃຫ້ໄດ້ຮັບການພັດທະນາ ແລະ ແຕກດອກອອກຜົນຍິ່ງຂຶ້ນໄປເລື້ອຍໆ.
 |
ພະນະທ່ານປະເທດ ແຫ່ງ ສປປ ລາວ ແລະ ບັນດາຜູ້ແທນອົງການພຸດສາສະໜາ ຮ່ວມກັນຖ່າຍຮູບທີ່ລະນຶກ.
ໃນໂອກາດນີ້, ພະອາຈານ ທິກທຽນ ເຢີນ ກໍໄດ້ສະແດງຄວາມຂອບໃຈ ຕໍ່ທ່ານ ບຸນຍັງ ວໍລະຈິດ ທີ່ໄດ້ສະຫລະເວລາອັນມີຄ່າ ໃຫ້ການຕ້ອນຮັບອັນອົບອຸ່ນໃນຄັ້ງນີ້, ພ້ອມທັງແຈ້ງຈຸດປະສົງຂອງການເດີນທາງມາ ສປປ ລາວ ໃນຄັ້ງນີ້ ໃຫ້ທ່ານ ປະທານປະເທດຮັບຊາບ.
（ແຫຼ່ງຂໍ້ມູນ： ຂປລ）
