ທ່ານພັນເອກພິເສດ ຮວ່າງວັນສີ໊, ຜູ້ບັນຊາການພົນລະພາກຫຼວງ 15 ແລະທ່ານພົນຕີ ວົງຄໍາ ພົມມະກອນ, ຫົວໜ້າກົມໃຫຍ່ພະລາທິການກອງທັບປະຊາຊົນລາວ, ຫົວໜ້າຄະນະຊີ້ນໍາການກໍ່ສ້າງ, ພັດທະນາຮາກຖານການເມືອງ 3 ຈຸດສຸມແຂວງໄຊສົມບູນ ເປັນປະທານຮ່ວມກອງປະຊຸມ.
| ||
| ບັນຍາກາດທີ່ກອງປະຊຸມ. ພາບ: ຫງວຽນແອັງເຊີນ. |
ກອງປະຊຸມ ໄດ້ຕີລາຄາສູງຄວາມໝາຍ ແລະໝາກຜົນພາຍຫຼັງ 1 ປີແຫ່ງການປະຕິບັດບົດບັນທຶກວ່າດ້ວຍການແຮກສ່ຽວລະຫວ່າງພົນລະພາກຫຼວງ 15 ກັບຄະນະຊີ້ນໍາການກໍ່ສ້າງ, ພັດທະນາຮາກຖານການເມືອງ 3 ຈຸດສຸມແຂວງໄຊສົມບູນ. ສອງຝ່າຍໄດ້ແຈ້ງໃຫ້ກັນຊາບກ່ຽວກັບສະພາບການພັດທະນາເສດຖະກິດ-ສັງຄົມ, ການປ້ອງກັນຊາດ - ປ້ອງກັນຄວາມສະຫງົບຢ່າງເປັນປະຈໍາ; ສ້າງເງື່ອນໄຂສະດວກ ແລະໜູນຊ່ວຍກັນປະຕິບັດບັນດາໂຄງການໃນບໍລິເວນແຂວງໄຊສົມບູນ...
| ||
| ສອງຝ່າຍເຊັນບົດບັນທຶກ, ແຜນການເຄື່ອນໄຫວປີ 2020. ພາບ: ຫງວຽນແອັງເຊີນ. |
ການເຄື່ອນໄຫວແຮກສ່ຽວໄດ້ປະກອບສ່ວນປະຕິບັດວຽກງານກໍ່ສ້າງ, ພັດທະນາຮາກຖານການເມືອງ 3 ຈຸດສຸມແຂວງໄຊສົມບູນ ເປັນຢ່າງດີ. ລະບົບການເມືອງໄດ້ຮັບການປັບປຸງໃຫ້ໝັ້ນຄົງເຂັ້ມແຂງ, ຄວາມເປັນລະບຽບຮຽບຮ້ອຍໄດ້ຮັບການຮັກສາໂດຍພື້ນຖານ; ເສດຖະກິດ-ສັງຄົມ ແລະພື້ນຖານໂຄງລ່າງນັບມື້ນັບໄດ້ຮັບການປັບປຸງ. ໂຄສະນາເຜີຍແຜ່ໃຫ້ແກ່ປະຊາຊົນກໍາແໜ້ນແນວທາງ, ແຜນນະໂຍບາຍ, ແຜນການພັດທະນາເສດຖະກິດ-ສັງຄົມຂອງພັກ ແລະລັດ; ຕັ້ງໜ້າປູກຝັງລ້ຽງສັດ, ພັດທະນາເສດຖະກິດຄອບຄົວຕິດພັນກັບການປັບປຸງ, ເພີ່ມທະວີການປ້ອງກັນຊາດ, ປ້ອງກັນຄວາມສະຫງົບ....
ກອງປະຊຸມກໍໄດ້ປຶກສາຫາລືວາງອອກທິດທາງ, ເນື້ອໃນ ແລະເຊັນບົດບັນທຶກ, ແຜນການເຄື່ອນໄຫວປີ 2020. ກໍານົດບັນດາເປົ້າໝາຍ, ມາດຕະການຢ່າງຈະແຈ້ງເພື່ອນໍາການເຄື່ອນໄຫວແຮກສ່ຽວເຂົ້າສູ່ລະບຽບແບບແຜນ ແລະແທດຈິງ, ມີປະສິດທິຜົນກວ່າ; ຜ່ານນັ້ນປະກອບສ່ວນປັບປຸງ, ຮັດແໜ້ນນໍ້າໃຈສາມັກຄີມິດຕະພາບແບບພິເສດລະຫວ່າງສອງຊາດ, ສອງກອງທັບ.（ແຫຼ່ງຂໍ້ມູນ： la.qdnd.vn）
